વડોદરાના જ્યુબિલી બાગ વિસ્તારમાં ઓટોમોબાઇલ્સની દુકાનમાં આગ લાગતા ફાયર બ્રિગેડની મદદ લેવામાં આવી હતી. વડોદરા ફાયર બ્રિગેડને વહેલી સવારે 5 વાગ્યાના અરસામાં જ્યુબિલીબાગ પાસે આવેલી અવિનાશ ઓટોમોબાઇલ્સ નામની દુકાનમાં આગ લાગી હોવાનો મેસેજ મળ્યો હતો.
આગ લાગવાનું ચોક્કસ કારણ જાણી શકાયું નથી.
ફાયર બ્રિગેડે ભારે જહેમત બાદ આગ કાબુમાં લીધી હતી. દુકાનમાં હેલ્મેટનો સ્ટોક હોવાનું સૂત્રોએ જણાવ્યું છે. બનાવને પગલે પોલીસ પણ દોડી આવી હતી અને પ્રાથમિક વિગતો મેળવી હતી. વીજ કંપનીની ટીમ પણ આવી ગઈ હતી અને વીજ પુરવઠો કટ કરી સુરક્ષા વ્યવસ્થા કરી હતી.