સંસદના બજેટ સત્રના બીજા તબક્કાનો આજે છઠ્ઠો દિવસ છે. બે દિવસ સદન સ્થગિત રહ્યા બાદ બન્ને સદનની કાર્યવાહી સવારે 11 વાગ્યે ફરી શરૂ થઇ હતી. સાંસદોએ પોત પોતાના મુદ્દા ઉઠાવ્યા હતા. શુક્રવારે TMC સાંસદોએ મુખ્ય ચૂંટણી કમિશનર જ્ઞાનેશ કુમારને પદ પરથી હટાવવા માટે બન્ને સદનમાં નોટિસ આપી હતી. લોકસભા અધ્યક્ષ ઓમ બિરલાએ રવિવારે તમામ સાંસદોને પત્ર લખીને તેમના સંસદની ગરિમા અને મર્યાદા બનાવી રાખવાની અપીલ કરી હતી. પશ્ચિમ એશિયાના સંઘર્ષ, ભારત-અમેરિકા વેપાર સોદા, મુખ્ય ચૂંટણી કમિશનર (CEC)જ્ઞાનેશ કુમાર પર મહાભિયોગ અને અન્ય મુખ્ય મુદ્દાઓ વચ્ચે લોકસભામાં LPG કટોકટી પર ચર્ચા થવાની સંભાવના છે.કેન્દ્રીય મંત્રી સીઆર પાટિલે રાજ્યસભામાં પ્રશ્નકાળ દરમિયાન સભ્યો દ્વારા એડવાન્સ્ડ-ફોરકાસ્ટિંગ અને એર ટ્રાફિક મેનેજમેન્ટ સિસ્ટમ લગાવવા વિશે ઉઠાવવામાં આવેલા સવાલોનો જવાબ આપ્યો હતો. મંત્રીએ સદનને હવામાન ઇન્ફ્રાસ્ટ્રક્ચરને મજબૂત કરવા અને એર ટ્રાફિક મેનેજમેન્ટ અને એવિએશન સેફ્ટીનું સમર્થન કરનારી સિસ્ટમને સારી બનાવવા માટે ઉઠાવવામાં આવેલા પગલા વિશે જણાવ્યું હતું.કોંગ્રેસ સાંસદ રંજીત રંજને સોમવારે રાજ્યસભામાં સરકારી સ્કૂલમાં વિદ્યાર્થિનીઓ માટે અલગ ટોયલેટ ના હોવાનો મુદ્દો ઉઠાવ્યો છે અને કેન્દ્ર સરકારની “બેટી બચાઓ, બેટી પઢાઓ” સ્કીમની જમીન પરની હકીકતના વચનથી દૂર છે. કોંગ્રેસના સાંસદે જણાવ્યું કે, “અલગ અલગ પ્લેટફોર્મ પરથી નારા લાગી રહ્યા છે પરંતુ સ્કૂલોમાં વિદ્યાર્થિનીઓ માટે એક ટોયલેટ પણ નથી.” રંજીત રંજને તાજેતરના એક રિપોર્ટનો ઉલ્લેખ કરતા જણાવ્યું હતું કે છત્તીસગઢમાં 5000થી વધુ સ્કૂલમાં વિદ્યાર્થિનીઓ માટે અલગ ટોયલેટ નથી, તેમણે જણાવ્યું કે છત્તીસગઢ હાઇકોર્ટે આ સ્થિતિને શરમજનક ગણાવી છે અને રાજ્ય સરકાર પાસે જવાબ માંગ્યો છે.