OnEMI ટેક્નોલોજી સોલ્યુશન્સ લિમિટેડ (“કંપની”) એ તેના ઈક્વિટી શેરના આરંભિક જાહેર ઈશ્યુ (IPO) માટે રૂ. 162 થી રૂ. 171 પ્રતિ શેરનો પ્રાઈસ બેન્ડ નક્કી કર્યો છે
(ફેસ વેલ્યુ રૂ. 1 પ્રતિ શેર). કંપનીનો IPO 30 એપ્રિલ, 2026ના રોજ ખુલશે અને 05 મે, 2026ના રોજ બંધ થશે. રોકાણકારો ઓછામાં ઓછા 87 ઈક્વિટી શેર માટે અને
ત્યારબાદ 87ના ગુણાંકમાં બિડ કરી શકશે. IPO પહેલા કંપનીનું જારી, સબસ્ક્રાઈબ્ડ અને
પેઈડ-અપ શેર કેપિટલ 118,775,420 ઈક્વિટી શેર છે (ફેસ વેલ્યુ રૂ. 1 પ્રતિ શેર).
આ IPOમાં રૂ.8,500.00 મિલિયન સુધીનું ફ્રેશ ઈશ્યુ અને 4,439,788 શેર સુધીનું ઓફર ફોર સેલ (OFS) સમાવેશ થાય છે, જે Ammar Sdn Bhd, Vertex Ventures SEA Fund III Pte. Ltd, Vertex Growth Fund Pte. Ltd, Vertex Growth Fund II Pte. Ltd, Ventureast Proactive Fund II, Endiya Seed Co-creation Fund, VenturEast Proactive Fund LLC, AION Advisory Services LLP, Ventureast Proactive Fund અને VenturEast SEDCO Proactive Fund LLC દ્વારા કરવામાં આવશે.
ફ્રેશ ઈશ્યુમાંથી મળતી નેટ આવકમાંથી રૂ. 6,375.00 મિલિયન કંપની તેની સહાયક કંપની Si Crevaના મૂડી આધાર વધારવા અને ભવિષ્યની મૂડી જરૂરિયાતો પૂરી કરવા માટે ઉપયોગમાં લેશે, તેમજ સામાન્ય કોર્પોરેટ હેતુઓ માટે પણ ઉપયોગ થશે.
કંપની ભારતમાં ટેક્નોલોજી આધારિત લોન પ્રદાતા છે, જે તેની મોબાઇલ એપ્લિકેશન દ્વારા વિવિધ વપરાશ અને વ્યવસાયિક જરૂરિયાતો માટે ડિજિટલ લોન ઓફર કરે છે. તે ગ્રાહકોને ઝડપી, સરળ અને વ્યક્તિગત ક્રેડિટ સોલ્યુશન્સ પૂરા પાડે છે.
કંપની ખાસ કરીને યુવા વર્ગ અને માસ માર્કેટ સેગમેન્ટ પર ધ્યાન કેન્દ્રિત કરે છે, જે ભારતમાં ઉદ્ભવતા મધ્યવર્ગનું પ્રતિનિધિત્વ કરે છે.
31 ડિસેમ્બર,2025 સુધી કંપની પાસે 63.73 મિલિયન રજિસ્ટર્ડ યુઝર્સ અને 11.17 મિલિયન ગ્રાહકો હતા, અને તેનો નેટ પ્રમોટર સ્કોર 95 હતો. 31 માર્ચ, 2026 સુધી કંપનીને Play Store પર 1.25 મિલિયનથી વધુ રિવ્યૂ આધારિત 4.6 રેટિંગ મળ્યું છે. ડિસેમ્બર 2025માં કંપનીએ iOS પર પણ પોતાની એપ લોન્ચ કરી હતી અને AppStore પર 4.3 રેટિંગ પ્રાપ્ત કર્યું હતું.
કંપનીનું લોન બુક ખૂબ જ વ્યાપક છે, જેમાં 2.87 મિલિયન સક્રિય ગ્રાહકો અને રૂ. 59,557.53 મિલિયનનું AUM (Assets Under Management) 31 ડિસેમ્બર, 2025 સુધી છે. નવ મહિના (31 ડિસેમ્બર,2025 સુધી) દરમિયાન ગ્રાહકોની સરેરાશ ઉંમર 32 વર્ષ હતી અને મધ્યમ CIBIL સ્કોર 746 હતો. 67.65% ગ્રાહકોની માસિક આવક રૂ. 25,000 થી રૂ.75,000 વચ્ચે હતી અને 63.38% ગ્રાહકો ભારતના ટોચના 50 શહેરોમાં રહે છે.
કંપનીનું જોખમ વ્યવસ્થાપન તેની વ્યવસાયિક મોડલનો મહત્વપૂર્ણ ભાગ છે. તે AI અને ML આધારિત એડવાન્સ્ડ ડેટા એનાલિટિક્સનો ઉપયોગ કરે છે, જેમાં 400થી વધુ ડેટા વેરિએબલ્સનો ઉપયોગ થાય છે, જેમ કે ક્રેડિટ ઇતિહાસ,KYC, બેંકિંગ અને ટ્રાન્ઝેક્શન ડેટા. કંપનીએ 39 વિશેષ મોડલ પર આધારિત અન્ડરરાઈટિંગ ફ્રેમવર્ક બનાવ્યું છે. તેની કલેકશન સિસ્ટમમાં Automated Collections System (ACS), ટેલિ-કોલર્સ અને ગ્રાઉન્ડ સ્ટાફનો સમાવેશ થાય છે.