નવી ફેસિલિટીથી કૃષિ, સંરક્ષણ અને એન્ટરપ્રાઇઝ ક્ષેત્રોમાં કામગીરીને વેગ મળશે, સાથે જ સ્વદેશીકરણ, પ્રોડક્ટ ડેવલપમેન્ટ અને સમગ્ર ઇકોસિસ્ટમની ક્ષમતાઓને આગળ વધારવામાં મદદ મળશે
રાષ્ટ્રીય, 26 ઓગસ્ટ 2026: કોરોમંડલ ઇન્ટરનેશનલ લિમિટેડની પેટાકંપની દક્ષા અનમેન્ડ સિસ્ટમ્સ પ્રાઇવેટ લિમિટેડે આજે તમિલનાડુના કાંચીપુરમ જિલ્લાના અયમિચેરી વિસ્તારમાં તેની નવી મેન્યુફેક્ચરિંગ ફેસિલિટીનું ઉદ્ઘાટન કર્યું હતું. કોરોમંડલ ઇન્ટરનેશનલ લિમિટેડના એક્ઝિક્યુટિવ ચેરમેન અરુણ અલાગપ્પને આ પ્લાન્ટનું ઉદ્ઘાટન કર્યું હતું. આ પ્લાન્ટની શરૂઆત કૃષિ, સંરક્ષણ અને એન્ટરપ્રાઇઝ ક્ષેત્રોમાં ભારતની સ્વદેશી ડ્રોન ઉત્પાદન ક્ષમતાઓને મજબૂત બનાવવાની દિશામાં એક મહત્વપૂર્ણ પગલું છે. આ ફેસિલિટી કંપનીના મુખ્ય યુએવી ક્ષેત્રોમાં મોટા અને જટિલ પ્રોજેક્ટ્સના વિકાસ અને અમલીકરણમાં મદદ કરશે. સાથે જ મહત્વપૂર્ણ ટેક્નોલોજીના વધુ વ્યાપક સ્વદેશીકરણને સક્ષમ બનાવશે અને ગ્રાહકોની બદલાતી જરૂરિયાતોને પહોંચી વળવાની કંપનીની ક્ષમતાને વધુ મજબૂત બનાવશે.
આ પ્રસંગે દક્ષાએ બે નવા કૃષિ ડ્રોન મોડલ, ડીએચ એગ્રિગેટર ઈ10 પ્રાઇમ અને ડીએચ એગ્રિગેટર ઈ10 ઈકો લોન્ચ કરવાની જાહેરાત કરી હતી. સ્વદેશી ઘટકો સાથે વિકસાવવામાં આવેલ ઈ10 પ્રાઇમ નમો ડ્રોન દીદી કાર્યક્રમને અનુરૂપ છે અને ભારતમાં વિકસી રહેલા સ્થાનિક ડ્રોન ઇકોસિસ્ટમને ટેકો આપે છે. જ્યારે ઈ10 ઈકો નાના અને સીમાંત ખેડૂતો તથા ગ્રામીણ ઉદ્યોગસાહસિકો માટે ડ્રોન આધારિત ખેતી સેવાઓની પહોંચ વધારવા માટે સસ્તું અને સરળતાથી ઉપલબ્ધ સોલ્યુશન પૂરું પાડવા માટે તૈયાર કરવામાં આવ્યું છે.
કૃષિ ક્ષેત્ર ઉપરાંત, આ સુવિધા સર્વેલન્સ અને લોજિસ્ટિક્સ જેવી કામગીરી સહિત દક્ષાના વધતા સંરક્ષણ ક્ષેત્રના પોર્ટફોલિયોને પણ ટેકો આપશે. સંરક્ષણ ક્ષેત્રની એપ્લિકેશન્સ માટેની અલગ પ્રોડક્શન લાઇન કંપનીની અમલીકરણ ક્ષમતાને વધુ મજબૂત બનાવશે અને મહત્વપૂર્ણ ટેક્નોલોજી પર વધુ નિયંત્રણ મેળવવાના તેના સ્વદેશીકરણના પ્રયાસોને પણ સહયોગ આપશે. દક્ષા તેની વધતી કામગીરીને ટેકો આપવા માટે સોર્સિંગ અને સર્વિસ ઇકોસિસ્ટમનું પણ વિસ્તરણ કરી રહી છે, જેમાં સર્વિસ સેન્ટરોના નેટવર્કનો સમાવેશ થાય છે. આ પ્લાન્ટ ડ્રોન વેલ્યુ ચેઇનના વિવિધ ભાગો વચ્ચે સહયોગ માટે એક પ્લેટફોર્મ તરીકે કામ કરશે. તેના દ્વારા ટેક્નોલોજી પાર્ટનર્સ પોતાની પરસ્પર પૂરક ક્ષમતાઓને એકસાથે લાવી શકશે અને એક જ સ્થળે સંકલિત ડ્રોન ઉત્પાદન ઇકોસિસ્ટમના વિકાસને ઝડપી બનાવી શકશે.
આ પ્રસંગે દક્ષા અનમેન્ડ સિસ્ટમ્સ પ્રાઇવેટ લિમિટેડના ડિરેક્ટર તથા કોરોમંડલ ઇન્ટરનેશનલ લિમિટેડના મેનેજિંગ ડિરેક્ટર અને સીઈઓ એસ. શંકરસુબ્રમણ્યને જણાવ્યું હતું કે, “વધુ ઉત્પાદક, મજબૂત અને ટેક્નોલોજી આધારિત અર્થતંત્ર તરફ ભારતની યાત્રા વિવિધ ક્ષેત્રોમાં અદ્યતન ટેક્નોલોજીનો ઉપયોગ કરવાની આપણી ક્ષમતા પર આધારિત રહેશે. દક્ષામાં અમે યુએવીને આ પરિવર્તન માટે એક મહત્વપૂર્ણ સક્ષમ ટેક્નોલોજી તરીકે જોઈએ છીએ, જેમાં કૃષિ, સંરક્ષણ અને એન્ટરપ્રાઇઝ ક્ષેત્રોમાં તેનો નોંધપાત્ર ઉપયોગ થઈ શકે છે.
નવી ફેસિલિટી અમારી સંશોધન અને વિકાસ તથા કામગીરીની ક્ષમતાઓને એકસાથે જોડશે, જેના કારણે વધુ સહયોગ અને ઝડપી કામગીરી શક્ય બનશે. ઝડપથી વિકસી રહેલા યુએવી ક્ષેત્રની લાંબા ગાળાની સંભાવનાઓમાં અમારો વિશ્વાસ અને દેશ માટે સ્વદેશી ડ્રોન સોલ્યુશન્સ વિકસાવવાની અમારી પ્રતિબદ્ધતા આ ફેસિલિટીમાં જોવા મળે છે.
કૃષિ ક્ષેત્રમાં અમે ખેડૂતો તરફથી ડ્રોન માટે ભારે રસ જોઈ રહ્યા છીએ અને વ્યવહારુ સોલ્યુશન્સ પૂરા પાડવા માટે અમારા પ્રોડક્ટ ડેવલપમેન્ટના પ્રયાસોને ખેતર સ્તરેથી મળતા પ્રતિસાદના આધારે વધુને વધુ ઘડવામાં આવી રહ્યા છે. સંરક્ષણ ક્ષેત્રમાં અમે સ્વદેશીકરણને આગળ વધારવા અને સમગ્ર ઇકોસિસ્ટમમાં ટેક્નોલોજી પાર્ટનરશિપ ઊભી કરવા પર ધ્યાન આપી રહ્યા છીએ.
આ વિસ્તરણ ભારતને આ ઉભરતા ક્ષેત્રમાં વધુ મજબૂત સ્થાન અપાવવાની દિશામાં એક મહત્વપૂર્ણ પગલું છે. તે આત્મનિર્ભર ભારત પ્રત્યેની અમારી પ્રતિબદ્ધતાને આગળ વધારે છે અને સ્વદેશી સોલ્યુશન્સ વિકસાવવા તથા તેને અમલમાં મૂકવાની અમારી ક્ષમતાને વધુ મજબૂત બનાવે છે.”