નેશનલ, 2026: ઝાયડસ હોસ્પિટલ્સ, અમદાવાદના સર્જનોએ ‘ડા વિંચી સર્જિકલ સિસ્ટમ’ (da Vinci Surgical System) નો ઉપયોગ કરીને ગેસ્ટ્રિક સબમ્યુકોસલ લાઇપોમા (પેટના સ્તરની નીચે થતી દુર્લભ, ચરબીયુક્ત અને બિન-કેન્સરગ્રસ્ત ગાંઠ) થી પીડાતા 70 વર્ષીય સ્તન કેન્સરના સર્વાઇવરની સફળતાપૂર્વક સારવાર કરી છે. અન્ય કેન્દ્રોમાં વારંવારની તપાસ છતાં આ ગાંઠ શોધી શકાઈ નહોતી, જેના પરિણામે દર્દીને વારંવાર આંતરિક રક્તસ્રાવ, મલ્ટિપલ હોસ્પિટલાઇઝેશન અને ગંભીર એનિમીયાની સમસ્યા થઈ હતી. છેવટે, રોબોટિક-આસિસ્ટડ સર્જરી દ્વારા તેનું સચોટ નિદાન કરીને તેને દૂર કરવામાં આવી હતી.
આ કેસ અંગે વાત કરતા, ઝાયડસ હોસ્પિટલ્સ, અમદાવાદના કન્સલ્ટન્ટ રોબોટિક અને લેપ્રોસ્કોપિક જીઆઈ સર્જન, ડૉ. સુરીલ વિઠલાણી એ જણાવ્યું હતું કે, “આ કેસ એ વાત પર પ્રકાશ પાડે છે કે સામાન્ય બાયોપ્સી રિપોર્ટ આવે એટલે અંદર કોઈ સ્થિતિ/બિમારી નથી એવું હંમેશાં માની શકાય નહીં, ખાસ કરીને જ્યારે કોઈ ગાંઠ પેટના સ્તરની નીચેથી શરૂ થતી હોય. જે દર્દીઓને સતત ગેસ્ટ્રોઇન્ટેસ્ટાઇનલ રક્તસ્રાવ અથવા અણધારી પાંડુરોગ (અનએક્સપ્લેઇન્ડ એનિમીયા) ની સમસ્યા હોય, ત્યાં ક્લિનિકલ શંકા ઊંચી હોય ત્યારે વધુ મૂલ્યાંકન જરૂરી બને છે. ઇમેજિંગના સચોટ અર્થઘટનથી અમને ગાંઠની સાચી ઓળખ કરવામાં અને ચોક્કસ રોબોટિક-આસિસ્ટડ પ્રોસિજર કરવામાં મદદ મળી. સમગ્ર સર્જરી દરમિયાન, અમારું રોબોટિક સિસ્ટમ પર સંપૂર્ણ નિયંત્રણ હતું, જેનાથી અમે તંદુરસ્ત પેટના પેશીઓને નુકસાન પહોંચાડ્યા વિના ગાંઠને ચોકસાઈથી દૂર કરી શક્યા અને કેન્સર હોવાની પુષ્ટિ થઈ હોત તો કરવી પડતી વધુ જટિલ શસ્ત્રક્રિયા ટાળી શક્યા.”
દર્દીને લગભગ બે વર્ષથી વારંવાર નબળાઈ, કાળો ઝાડા (બ્લેક સ્ટૂલ્સ) અને પેટમાં દુખાવાની તકલીફ થઈ રહી હતી. તેમનું હિમોગ્લોબિન સ્તર ઘટીને માત્ર 4 g/dL સુધી પહોંચી ગયું હતું (જે પુખ્ત મહિલાઓ માટે સામાન્ય રીતે 12 થી 16 g/dL હોય છે), જેના કારણે તેમને વારંવાર બ્લડ ટ્રાન્સફ્યુઝન (લોહી ચઢાવવાની) જરૂર પડી હતી. જોકે એન્ડોસ્કોપિક તપાસમાં પેટમાં એક ક્ષતિ/ગાંઠ (લેસિઅન) જોવા મળી હતી, પરંતુ સામાન્ય બાયોપ્સી રિપોર્ટ વારંવાર બિન-કેન્સરગ્રસ્ત (બેનાઇન) આવતો હતો. તેમની સ્તન કેન્સરની હિસ્ટ્રીને ધ્યાનમાં રાખીને, એવી પણ ચિંતા હતી કે આ ગાંઠ કોઈ નવું પ્રાઇમરી કેન્સર અથવા મેટાસ્ટેટિક રોગ (બીજી જગ્યાએથી ફેલાયેલું કેન્સર) હોઈ શકે છે.