અંબુજા સિમેન્ટની સીએસઆર ટીમે ગુજરાતના ગીર સોમનાથમાં 1,150થી વધારે સ્વ-સહાય જૂથો બનાવીને 12,000થી વધુ ગ્રામીણ મહિલાઓનું સશક્તિકરણ કર્યું છે.
આ અભિયાનથી મહિલાઓમાં પૈસાની બચત અને ઉદ્યમ કરવાની સમજણ વધી છે, જેના થકી આ બધી મહિલાઓએ ભેગા મળીને ₹4.96 કરોડનું મોટું ભંડોળ ઉભું કર્યું છે.
ગ્રામીણ વિકાસને મજબૂત કરવા અને મહિલાઓને કાયમી રોજગારી મળતી રહે તે માટે બીજા 2,000 નવા ગ્રૂપ શરૂ કરીને 25,000 મહિલાઓને આ યોજના સાથે જોડવાનું લક્ષ્યાંક છે.
અમદાવાદ, 24 જૂન,2026- અદાણી જૂથની સિમેન્ટ અને બિલ્ડિંગ મટીરિયલ કંપની અંબુજા સિમેન્ટ્સે તેની સીએસઆર પહેલ દ્વારા ગુજરાતના ગીર સોમનાથમાં ગ્રામીણ મહિલાઓનું સશક્તિકરણ કરી પરિવર્તનકારી અસર સર્જી છે. કંપનીએ 1,150થી વધુ મહિલા સ્વ-સહાય જૂથો (SHGs) ની સ્થાપના કરીને ગીર સોમનાથના 102 ગામડાઓની 12,500 મહિલાઓને આ અભિયાન સાથે સાંકળી લીધી છે.
આ પહેલે મહિલાઓને અત્યંત મહત્વપૂર્ણ એવી નાણાકીય સાક્ષરતા અને ઉદ્યોગસાહસિકતાની તાલીમ પૂરી પાડી છે. આ સહયોગને કારણે મહિલાઓ આત્મનિર્ભર બનીને આવકના કાયમી રસ્તા શોધી શકી છે અને બધી મહિલાઓએ ભેગા મળીને ₹4.96 કરોડ જેવી મોટી મૂડી જમા કરી લીધી છે.
આ સમગ્ર પ્રોજેક્ટની સફળતા પાછળ ‘સોરઠ મહિલા વિકાસ સહકારી મંડળી’નો બહુ મોટો હાથ છે. આ મહિલા કો-ઓપરેટિવ સોસાયટી ગ્રામીણ મહિલાઓને હેલ્થકેર, સરકારી અનાજની દુકાનો અને પેન્શન જેવી જરૂરી સુવિધાઓ મેળવવામાં મદદ કરીને તેમને સક્ષમ બનાવે છે. મહિલાઓમાં નેતૃત્વની ક્ષમતા વધારીને અને તેમને નાના-મોટા કારોબારનું સંચાલન કરવાની તક આપીને, આ અભિયાને તેમનામાં ગજબનો આત્મવિશ્વાસ જગાવ્યો છે. આજે અહીંની મહિલાઓ આર્થિક રીતે પગભર થઈ છે અને આ પંથકની ઘણી સ્ત્રીઓની જિંદગી આખી બદલાઈ ગઈ છે.
અંબુજા સિમેન્ટ્સ તેના સેવાના આ પ્રયાસોને વધુ વ્યાપક બનાવવા માટે પ્રતિબદ્ધ છે. કંપનીએ હવે આખા ગુજરાતમાં બીજા 2,000 નવા મહિલા સ્વ-સહાય જૂથો બનાવવાનો સંકલ્પ કર્યો છે, જેથી 25,000 મહિલાઓને આત્મનિર્ભર બનાવી શકાય. ગામડાંઓમાં લોકોને કાયમી રોજગારી મળતી રહે અને સમાજનો સારો વિકાસ થાય તેવા પોતાના લક્ષ્યને કંપની આ રીતે આગળ વધારશે.