XX ઑગસ્ટ 2026, મુંબઈ: લોકપ્રિય જોડી ભારતીય સિંહ અને હર્ષ લિમ્બાચીયાને સાથે લાવતું સોની એન્ટરટેઇનમેન્ટ ટેલિવિઝનનું આવનારું ઇન્ડિયન ગેમ શો વિથ ભારતીય અને હર્ષ દર્શકોને ગેમપ્લે અને કોમેડીનું મનોરંજક મિશ્રણ આપવાનું છે. ભારતીય સિંહ માટે, દરેક શો એ પોતાની શ્રેષ્ઠતા આપવા માટેનું એક અવસર છે. હવે જ્યારે તે સોની એન્ટરટેઇનમેન્ટ ટેલિવિઝનના ઇન્ડિયન ગેમ શો વિથ ભારતીય અને હર્ષ સાથે નવા રોલમાં પ્રવેશી રહી છે, ત્યારે ભારતીય કહે છે કે તે દરેક પ્રોજેક્ટને સમાન ઉત્સાહ, સમર્પણ અને જવાબદારીની ભાવનાથી કરે છે.
ટેલિવિઝન પરની પોતાની સફર અને SET પરના નવા શોને ખાસ બનાવતી બાબતો વિશે વિચારતા ભારતીયે જણાવ્યું, “TV માટે હું મોટું ફેસ છું કે નહીં, એ તો મને ખબર નથી, પરંતુ જે પણ છું, એ આપ લોકોના પ્રેમની કારણથી છું. ફરક એ છે કે મેં ક્યારેય કોઈ શોને એવું નથી માન્યું કે એ મારો નથી. મને ખબર છે કે પ્રોડ્યુસર તરીકે જ્યારે કોઈ શોમાં પૈસા લગાડવામાં આવે છે, ત્યારે એ કેટલું મુશ્કેલ હોય છે. એ કારણે મેં ક્યારેય કોઈ રિયાલિટી શો કે કોઈ પણ શો, જેમાં મેં કામ કર્યું છે, એ વિશે એવું નથી વિચાર્યું કે એ અમારો નથી, આપણે કરી લઈએ.”
ભારતીય સાથે જોડાઈ રહ્યા છે કો-હોસ્ટ અને ક્રિએટિવ ડિરેક્ટર હર્ષ લિમ્બાચીયા, જે શોને એક અલગ, ફોર્મેટ-ડ્રિવન દૃષ્ટિકોણ આપે છે. અનેક શો લખ્યા અને પ્રોડ્યુસ કર્યા બાદ, હર્ષે એક અનોખો ‘માસ્ટર ફોર્મેટ’ કલ્પ્યો, જે પરંપરાગત, કડક TV સ્ટ્રક્ચર્સથી મુક્ત છે. તેમણે ઉમેર્યું, “મેં મારી જિંદગીમાં ઘણા શો લખ્યા છે, ઘણા શો ક્રિએટિવ વ્યક્તિ તરીકે કર્યા છે, ઘણા શો રાઇટર તરીકે કર્યા છે. હવે આ બધી વસ્તુઓ સમજ્યા પછી, હું એવો ફોર્મેટ શોધી રહ્યો હતો જે અતૂટ હોય, જેમાં દરેક વસ્તુ હોય, અને જે એક માસ્ટર ફોર્મેટ બને.”
શોના ક્રિએટિવ વિઝન વિશે વધુ જણાવતા હર્ષે જણાવ્યું, “જ્યારે અમે ઇન્ડિયન ગેમ શો વિશે વિચાર્યું, ત્યારે એ વિચાર્યું કે એક માસ્ટર ફોર્મેટ બને જેમાં બધું આવે: કોમેડી આવે, ઓડિયન્સ આવે, ગેમ્સ આવે, મસ્તી આવે. આ શોને અમે ક્યાંય લઈ જઈ શકીએ છીએ અને આ શો સાથે કંઈપણ કરી શકીએ છીએ. 90% શોઝમાં સમસ્યા એ હોય છે કે તમારો એક ફોર્મેટ હોય છે અને તમે એમાં જ અટકી જાઓ છો. અહીં અમે ફોર્મેટ કરતાં અમારી મસ્તી અને ફન પર વધારે ધ્યાન આપીએ છીએ. જ્યાં અમને ફન મળે છે, ત્યાં અમે જઈએ છીએ.”
ભારતીયે જણાવ્યું કે તે શોને શ્રેષ્ઠ આપવા પર ધ્યાન કેન્દ્રિત કરે છે, કારણ કે વર્ષોથી દર્શકોના પ્રેમ અને સપોર્ટને કારણે જ તે ટેલિવિઝન પર ઓળખાય છે. તેમણે વધુમાં ઉમેર્યું, “જ્યારે હું સ્ટેજ પર આવી જાઉં છું, ત્યારે હું બધું ભૂલી જાઉં છું કે આ મારો શો છે કે કોઈ બીજાનો. પછી તો એવું લાગે છે કે આ આપણું બધાનું શો છે અને આપણે બધાએ મળીને તેમાં મહેનત કરવી છે.”
દરેક કામને સમાન રીતે લેતી ભારતીયે ઉમેર્યું, “જેટલી જાન હું મારા શોમાં લગાવી રહી છું, એટલી જ જાન મેં બાકી શોઝમાં પણ લગાવી છે જે મેં TV પર કર્યા છે. જેમ પોતાના બાળકને પ્રેમ કરો છો, તેમ બીજાના બાળકને પણ પ્રેમથી અને પૂરી મહેનતથી ઉછેર્યું છે.”
ઇન્ડિયન ગેમ શો વિથ ભારતીય અને હર્ષ ગેમ્સ, સેલિબ્રિટી ગેસ્ટ્સ અને સ્પોન્ટેનિયસ મોમેન્ટ્સનું જીવંત મિશ્રણ આપવાનું વચન આપે છે.
ઇન્ડિયન ગેમ શો વિથ ભારતીય અને હર્ષ 24 ઑગસ્ટે રાત્રે 8:00 વાગ્યે સોની એન્ટરટેઇનમેન્ટ ટેલિવિઝન અને સોની લિવ પર પ્રીમિયર થશે.