રિયલ્ટી+ યંગ એચીવર એવોર્ડ 2025 થી સન્માનિત કરાયાં

ભારતના બાંધકામ અને રિયલ એસ્ટેટ ક્ષેત્રે અગ્રણી ટેક-સક્ષમ સપ્લાય અને સર્વિસ નેટવર્ક એરિસઇન્ફ્રા સોલ્યુશન્સ લિમિટેડે જાહેર કર્યું છે કેતેના હોલટાઈમ ડિરેક્ટર અને ચીફ ફાઇનાન્શિયલ ઓફિસર (સીએફઓ) ભાવિક ખારાને પ્રતિષ્ઠિત રિયલ્ટી+ યંગ એચીવર ઓફ ધ યર એવોર્ડ 2025થી સન્માનિત કરવામાં આવ્યા છે. આ સન્માન તેમના દૂરંદેશી નેતૃત્વ અને ભારતના ઇન્ફ્રાસ્ટ્રક્ચર ક્ષેત્રમાં પરિવર્તનશીલ યોગદાનની ઉજવણી કરે છે. ભાવિક ખારાએ 30 વર્ષની ઉંમરે નવી લિસ્ટેડ ઇન્ફ્રા કંપનીના સૌથી યુવા સીએફઓ બનવાનું સૌભાગ્ય મેળવ્યું છે, જેમણે જૂન 2025માં એરિસઇન્ફ્રાના લેન્ડમાર્ક રૂ. 500 કરોડના આઇપીઓને આગળ વધારવામાં અગ્રણી ભૂમિકા ભજવી છે. સહ-સ્થાપક
અને ફાઇનાન્શિયલ આર્કિટેક્ટ તરીકે તેમણે એરિસિન્ફ્રાને શરૂઆતથી જ ભારતના સૌથી ઝડપી-સ્કેલિંગ ઇન્ફ્રાસ્ટ્રક્ચર પ્લેટફોર્મ્સમાંથી એક બનાવવામાં મહત્વપૂર્ણ ભૂમિકા ભજવી છે. તેમના નેતૃત્વ હેઠળ, એરિસઇન્ફ્રાએ ટેક-સંચાલિત, એસેટ-લાઇટ સપ્લાય ચેઇન મોડેલની શરૂઆત કરી, જે હવે 1,100+ પિન કોડમાં 1,900+ વિક્રેતાઓ અને 2,800+ ગ્રાહકોને સેવા આપે છે. ક્રેડિટ સિસ્ટમ્સને મજબૂત બનાવવા, કાર્યકારી મૂડીને
વ્યવસ્થાામાં લાવવા અને કાર્યકારી કાર્યક્ષમતા વધારવાને કારણે નાણાકીય વર્ષ 2025 માં પ્રભાવશાળી 4.5x EBITDA વૃદ્ધિ થઈ છે, જેમાં 75% રેવન્યુ પુનરાવર્તિત ગ્રાહકો પાસેથી આવી છે. આ અંગે પ્રતિક્રિયા આપતાં એરિસઇન્ફ્રા સોલ્યુશન્સ લિમિટેડના હોલ ટાઇમ ડિરેક્ટર અને સીએફઓ ભાવિક ખારાએ જણાવ્યું હતું કે, “મને રિયલ્ટી+ યંગ એચીવર એવોર્ડ 2025 મળ્યાનો ખૂબ આનંદ થાય છે. આ સન્માન ફક્ત મારું જ નથી પરંતુ સમગ્ર એરિસિન્ફ્રા ટીમનું છે જેમના અવિરત જુસ્સા અને સમર્પણ ભારતના ઇન્ફ્રાસ્ટ્રક્ચર ઇકોસિસ્ટમના ભવિષ્યને આકાર આપી રહ્યા છે. એરિસિન્ફ્રામાં, અમારું મિશન હંમેશા ટેકનોલોજી, નાણાકીય શિસ્ત અને સહયોગી ભાગીદારીનો ઉપયોગ કરીને વધુ પારદર્શક, કાર્યક્ષમ અને સ્કેલેબલ ઇન્ફ્રા સપ્લાય ચેઇન બનાવવાનું છે. આ એવોર્ડ એક વિશ્વ-સ્તરીય સંગઠન બનાવવાની મારી
પ્રતિબદ્ધતાને વધુ મજબૂત બનાવે છે જે ફક્ત અમારા સ્ટેકહોલ્ડર્સને મૂલ્ય પહોંચાડવાનું કામ નહીં પરંતુ ભારતના વિકાસમાં અર્થપૂર્ણ યોગદાન પણ આપે છે.”