*વડોદરા, ૦૬ જૂન, ૨૦૨૬* – સેન્ટ્રલ બેંક ઓફ ઇન્ડિયા, પ્રાદેશિક કાર્યાલય, વડોદરા દ્વારા ગ્રામીણ અને કૃષિ ક્ષેત્રના વિકાસને નાણાકીય સહાય પૂરી પાડવાના ઉદ્દેશ્ય સાથે એક વ્યાપક ‘મેગા એગ્રી ક્રેડિટ આઉટરીચ અભિયાન’નું સંચાલન કરવામાં આવ્યું હતું. આ અભિયાન અંતર્ગત વડોદરા, પંચમહાલ, દાહોદ અને છોટા ઉદેપુર જિલ્લાના વિવિધ ગામોમાં વિશેષ કાર્યક્રમોનું આયોજન કરવામાં આવ્યું હતું, જેમાં કાયાવરોહણ, સોખડા, સાંઢાસળ ટિમ્બા રોડ, ગોધરા, કટવારા, જસવાડા, દાહોદ, ફ્રીલેન્ડગંજ, નસવાડી, કવાંટ અને બોડેલી જેવા વિસ્તારોનો સમાવેશ થાય છે.
આ કાર્યક્રમોનું આયોજન પંચાયત સમિતિઓ અને સ્થાનિક શાખા પરિસરોમાં કરવામાં આવ્યું હતું, જેથી બેંકિંગ સેવાઓ સીધી ગામડાઓ સુધી પહોંચાડી શકાય. આ આઉટરીચ કાર્યક્રમોમાં ગ્રામ સરપંચ શ્રી હિતેશભાઈ પટેલ, પૂર્વ સરપંચ શ્રી જયંતીભાઈ પરમાર, સરપંચ રમેશભાઈ, સુકેતુ ભાઈ, શ્રી પ્રતાપભાઈ હથિલા અને શ્રી મેહુલભાઈ તડવી જેવા સ્થાનિક પ્રતિનિધિઓએ સક્રિયપણે ભાગ લીધો હતો. આ અભિયાનનું સંચાલન શ્રી રાજીવ રંજન, શ્રી યોગેન્દ્ર ખત્રી, શ્રી વિજય ઝિનિયા, શ્રી વીરેન્દ્ર અગ્રવાલ અને શ્રી પ્રાણેશ કુમાર જેવા બેંક અધિકારીઓના નેતૃત્વમાં કરવામાં આવ્યું હતું. પ્રાદેશિક વડા સુશ્રી વિનીતા રાનીના માર્ગદર્શન હેઠળ, સેન્ટ્રલ બેંક ઓફ ઇન્ડિયાએ આ પહેલ દ્વારા ખેડૂતો અને ગ્રામીણ સાહસિકોને કૃષિ લોન અને અન્ય બેંકિંગ યોજનાઓ પ્રત્યે જાગૃત કર્યા, જેનાથી ગ્રામીણ અર્થતંત્રને મજબૂત બનાવવામાં મહત્વનું યોગદાન મળ્યું છે.