ચાંદીની કિંમતમાં સતત પાંચમા અઠવાડિયે તેજી જોવા મળી. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર 19 ડિસેમ્બરે એક કિલો ચાંદીની કિંમત 2,00,336 રૂપિયા હતી, જે એક અઠવાડિયામાં 27,771 રૂપિયા વધીને 26 ડિસેમ્બરે 2,28,107 રૂપિયા/કિલો પર પહોંચી ગઈ છે. આ અઠવાડિયે ચાંદીએ સતત ચાર દિવસ ઓલ ટાઈમ હાઈ બનાવ્યો અને અઠવાડિયાના છેલ્લા દિવસે શુક્રવારે 9,124 રૂપિયા વધીને બંધ થઈ. આ તરફ, સોનામાં પણ તેજી રહી. ગયા અઠવાડિયાના છેલ્લા કારોબારી દિવસે એટલે કે 19 ડિસેમ્બરે 10 ગ્રામ 24 કેરેટ સોનું 1,31,779 રૂપિયાનું હતું. એક અઠવાડિયામાં 6,177 રૂપિયા મોંઘું થઈને શુક્રવાર, 26 ડિસેમ્બરે 1,37,956 રૂપિયા પર પહોંચી ગયું. આ સોનાની સૌથી ઊંચી કિંમત છે.આ વર્ષે અત્યાર સુધીમાં સોનાની કિંમત 61,794 રૂપિયા (81.13%) વધી છે. 31 ડિસેમ્બર 2024ના રોજ 10 ગ્રામ 24 કેરેટ સોનું 76,162 રૂપિયાનું હતું, જે હવે 1,37,956 રૂપિયા થઈ ગયું છે. સોનાની કિંમતોમાં 3% GST, મેકિંગ ચાર્જ, જ્વેલર્સ માર્જિન સામેલ હોતું નથી. તેથી શહેરોના રેટ્સ આનાથી અલગ હોય છે. આ રેટ્સનો ઉપયોગ RBI સોવરિન ગોલ્ડ બોન્ડના રેટ નક્કી કરવા માટે કરે છે. ઘણી બેંકો ગોલ્ડ લોનના રેટ નક્કી કરવા માટે તેનો ઉપયોગ કરે છે.