સોના અને ચાંદીના ભાવમાં આ અઠવાડિયે ઐતિહાસિક તેજી જોવા મળી રહી છે. ગોલ્ડ $3000 પાર નીકળી ગયું છે. સિલ્વર પણ $34 પાર પહોંચી છે. ઘરેલુ બજારની વાત કરીએ તો વાયદા બજાર (MCX)માં સોનું 1079 રૂપિયા ચડીને 1,04,903 રૂપિયા પર અને ચાંદી 2039 રૂપિયા ઉછળીને 1,22,410 રૂપિયા પર પહોંચી ગઈ છે. બંને મેટલ્સના ભાવ અત્યાર સુધીના સર્વોત્તમ સ્તર પર ટ્રેડ થઈ રહ્યા છે.ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટના 10 ગ્રામ સોનાનો ભાવ આજે 2,404 રૂપિયા ઉછળીને 1,04,792 રૂપિયા પર પહોંચી ગયો છે જે લાસ્ટ સેશન (28-8-2025)માં 1,02,388 પર ક્લોઝ થયો હતો. જ્યારે ચાંદીમાં 5,678 રૂપિયાનો ઉછાળો જોવા મળ્યો છે અને ભાવ 1,23,250 રૂપિયાની સપાટીએ પહોંચી ગયો છે. જે લાસ્ટ સેશનમાં 1,17,572 રૂપિયા પર ક્લોઝ થયો હતો.પહેલું કારણ એ છે કે અમેરિકી મોંઘવારીના આંકડા બાદ ટ્રેડર્સ માની રહ્યા છે કે ફેડરલ રિઝર્વ સપ્ટેમ્બરની બેઠકમાં વ્યાજ દર ઘટાડી દેશે. 89% શક્યતા છે કે ફેડ 25 બેસિસ પોઈન્ટનો રેટ કટ કરશે. વ્યાજ દર ઘટાડાના દૌરમાં ગોલ્ડ અને સિલ્વર જેવા નોન યીલ્ડિંગ એસેટ્સ સૌથી વધુ ફાયદો ઉઠાવે છે. જેના કારણે રોકાણકારોએ સોના અને ચાંદીમાં તાબડતોબ ખરીદી શરૂ કરી છે. બીજુ કારણ એ છે કે અમેરિકા અને યુરોપીયન સંઘ વચ્ચે ફરીથી ટેરિફ વોર છેડાઈ છે.