સૌરાષ્ટ્ર અને દક્ષિણ ગુજરાત સહિતના જિલ્લામાં ભારેથી અતિભારે કમોસમી વરસાદ વરસી રહ્યો છે. છેલ્લા ત્રણ-ચાર દિવસથી માવઠું થતાં ખેડૂતોના પાક પર પાણી ફરી વળતાં ભારે નુકસાન થયું છે. તેવામાં હવામાન વિભાગે રાજ્યમાં હજુ 6 દિવસ હળવાથી ભારે વરસાદની આગાહી કરી છે. હવામાનના ત્રણ કલાકના નાવકાસ્ટ મુજબ આજે 31 ઑક્ટોબરે રાત્રે 10 વાગ્યા સુધીમાં અમરેલી અને ભાવનગર જિલ્લામાં રેડ ઍલર્ટ જાહેર કર્યું છે.હવામાન વિભાગના Nowcast મુજબ, આજે શુક્રવારે રાત્રે 10 વાગ્યા સુધીમાં અમરેલી અને ભાવનગર જિલ્લામાં રેડ ઍલર્ટ અને જૂનાગઢ, બોટાદ, ગીર સોમનાથ, ભરુચ, સુરત, નવસારી જિલ્લામાં ભારે વરસાદની આગાહી છે.રાજ્યમાં આવતીકાલે શનિવારે (1 નવેમ્બર) અમરેલી, ભાવનગર, ભરુચ, સુરત જિલ્લાના છૂટાછવાયા સ્થળોએ ગાજવીજ સાથે ભારે વરસાદને લઈને યલો ઍલર્ટ જાહેર કર્યું છે.