Thursday, November 19, 2026
Homefilmstarસાસુ-વહુની જગ્યાએ હવે સસરા-જમાઈ વચ્ચે થશે ટક્કર, ‘રફ એન્ડ ટફ કન્યા’ 20...

સાસુ-વહુની જગ્યાએ હવે સસરા-જમાઈ વચ્ચે થશે ટક્કર, ‘રફ એન્ડ ટફ કન્યા’ 20 નવેમ્બરે રિલીઝ

Date:

Related stories

મેયરશ્રી હિતેશ બારોટના હસ્તે મ્યુનિ. સ્કૂલ બોર્ડની સરખેજ કન્યા...

માન. કેન્દ્રિય ગૃહ અને સહકારિતા મંત્રીશ્રી અમિતભાઇ શાહ સાહેબની...

ગિરનાર પરિક્રમા મેળા દરમિયાન મુસાફરોની સુવિધા માટે 8 જોડી...

18થી 26 નવેમ્બર સુધી અસ્થાયી ધોરણે ઉપલબ્ધ રહેશે વધારાના...

ભાવનગર મંડળના મુસાફરોની સુવિધા માટે ટ્રેન નંબર 12949/12950માં અસ્થાયી...

પશ્ચિમ રેલવે દ્વારા મુસાફરોની સુવિધા અને વધારાના મુસાફર ભારને...

દિવાળી અને છઠ મહાપર્વ દરમિયાન અમદાવાદ મંડળમાંથી 21 લાખથી...

* તહેવારોની સિઝનમાં અસરકારક ભીડ વ્યવસ્થાપન અને મુસાફરોને...

સંતાનોને એમની ફરજ યાદ દેવવતી, સંત પુનિત મહારાજની કૃતિ...

હે ઈશ્વર,આપનાં શ્રીચરણોમાં મારા સહ પરિવાર સાદર સાષ્ટાંગ પ્રેમ...

ભજન એ જ સાધુનો ભૈરવ છે, ભજનરૂપી ભૈરવ સાધુની...

માત્ર બોડાણાનું જ નહીં આપણું ગાડું પણ હરિ હંકારે...

પિતા-દીકરીના સંબંધો, પ્રેમલગ્ન અને બે પરિવારો વચ્ચેની રમૂજી ખેંચતાણ પર આધારિત ગુજરાતી ફેમિલી કોમેડી; હિતેન કુમાર 30 વર્ષથી કોમેડી રોલ કરવાની રાહ જોઈ રહ્યા હતા

અમદાવાદ: ગુજરાતી ફિલ્મોમાં સાસુ-વહુની નોકઝોક તો અનેકવાર જોવા મળી છે, પરંતુ હવે પડદા પર સસરા અને જમાઈ વચ્ચેની ટક્કર હાસ્યનો નવો રંગ લઈને આવી રહી છે. દીકરીનાપ્રેમલગ્નથી નારાજ પિતા તેને રોકવા માટે એવો રસ્તો અપનાવે છે કે તે ભાવિ જમાઈના ઘરે જ 30 દિવસ રહેવા પહોંચી જાય છે. ત્યાર બાદ બે પરિવારો વચ્ચે સર્જાતી રમૂજી પરિસ્થિતિઓ, ગેરસમજો અને અવનવી ઘટનાઓને કેન્દ્રમાં રાખીને બનેલી ગુજરાતી ફેમિલી કોમેડી ફિલ્મ ‘રફ એન્ડ ટફ કન્યા’ 20 નવેમ્બરે સિનેમાઘરોમાં રિલીઝ થશે. યશ વૈષ્ણવના દિગ્દર્શનમાં બનેલી આ ફિલ્મમાં હિતેન કુમાર, રવિ ગોહિલ અને યુક્તિ રાંદેરિયા મુખ્ય ભૂમિકામાં જોવા મળશે.

ફિલ્મની વાર્તા એક એવા પિતાની આસપાસ ફરે છે, જે પોતાની દીકરીના પ્રેમલગ્નની વાત સ્વીકારવા તૈયાર નથી. દીકરીને તેના મનપસંદ યુવક સાથે લગ્ન કરતાં રોકવા માટે તે અનેક પ્રયાસો કરે છે. આખરે તે દીકરીના ભાવિ સાસરિયાંના ઘરે 30 દિવસ રહેવાનો નિર્ણય લે છે. આ દરમિયાન પિતા અને ભાવિ જમાઈ વચ્ચેની ખેંચતાણ સાથે બંને પરિવારોનાં અલગ-અલગ સ્વભાવ અને વિચારોને કારણે અનેક રમૂજી પરિસ્થિતિઓ સર્જાય છે. ફિલ્મમાં પિતા-દીકરીના સંબંધો, પેઢી વચ્ચેના વિચારોનો તફાવત અને પ્રેમ માટે કરવામાં આવતાં પ્રયાસોને હળવા અંદાજમાં રજૂ કરવામાં આવ્યા છે.
30 વર્ષથી કોમેડી કરવાની રાહ જોતો હતો: હિતેન કુમાર

ફિલ્મમાં દીકરીના પિતા શિવ પંડિતનું પાત્ર ભજવતા હિતેન કુમારે જણાવ્યું કે, “‘રફ એન્ડ ટફ કન્યા’ મારા માટે ખૂબ જ ખાસ ફિલ્મ છે. લગભગ 30 વર્ષથી હું કોમેડી કરવા માગતો હતો, પરંતુ મારે સ્થૂળ કે માત્ર જોક્સ આધારિત કોમેડી નહોતી કરવી. મને એવી કોમેડી કરવી હતી, જેમાં પરિસ્થિતિમાંથી હાસ્ય જન્મે અને દરેક ઘટનાનું એક કારણ હોય. આ ફિલ્મમાં એક પિતા પોતાની દીકરીને લઈને ખૂબ જ પઝેસિવ છે, પરંતુ તેની પાછળ દીકરી પ્રત્યેનો પ્રેમ અને ચિંતા છે. સામાન્ય રીતે આવી પરિસ્થિતિમાં પરિવારમાં ગુસ્સો અને તણાવ જોવા મળે છે, પરંતુ આ ફિલ્મ બતાવે છે કે આવી સમસ્યાઓને હસતાં-રમતાં પણ ઉકેલી શકાય છે.”

હિતેન કુમારે વધુમાં કહ્યું કે, “આજની પેઢી ખૂબ જ સ્માર્ટ અને નવી બાબતો શીખવા માટે ઉત્સુક છે. તેને બદલવાની જગ્યાએ આપણે તેમની સાથે તાલમેલ બેસાડવાની જરૂર છે. માતા-પિતા અને સંતાનો વચ્ચે સંવાદ જળવાઈ રહે એ સૌથી જરૂરી છે. આ ફિલ્મ દ્વારા પણ અમે એ જ વાત હળવા અંદાજમાં કહેવાનો પ્રયાસ કર્યો છે.” તેમણે આ ફિલ્મ માટે દિગ્દર્શક યશ વૈષ્ણવ અને લેખક ઉજ્જવલ દવેની સ્ક્રિપ્ટને ખાસ ગણાવી હતી.
હિતેન સરની એનર્જીમાંથી ઘણું શીખવા મળ્યું: રવિ ગોહિલ, ફિલ્મમાં રાજવીરનું પાત્ર ભજવતા રવિ ગોહિલે જણાવ્યું કે, “ફિલ્મમાં મારું પાત્ર રાજવીર થોડું ગુસ્સાવાળું અને એનર્જેટિક છે. તે છવીને ખૂબ પ્રેમ કરે છે અને તેની સાથે લગ્ન કરવા માટે અનેક પડકારોનો સામનો કરે છે. આ સફરમાં તેને પોતાના ભાવિ સસરા સાથે 30 દિવસ રહેવું પડે છે, જ્યાંથી અનેક રમૂજી પરિસ્થિતિઓ ઊભી થાય છે. હિતેન સર સાથે કામ કરવાનો અનુભવ ખૂબ જ શીખવા જેવો રહ્યો. તેઓ 155 જેટલી ફિલ્મો કરી ચૂક્યા હોવા છતાં સેટ પર તેમની એનર્જી અને પેશન જાણે પહેલી ફિલ્મ કરતા હોય તેવું છે. તેમની પાસેથી મેં શીખ્યું કે દરેક ફિલ્મને પોતાની પહેલી ફિલ્મની જેમ જ લેવી જોઈએ.”

રવિએ ઉમેર્યું કે, “શૂટિંગ દરમિયાન હિતેન સર મને ગુસ્સે કરવા માટે સતત મસ્તી કરતા હતા. તેના કારણે અમારી વચ્ચેની કેમિસ્ટ્રી પડદા પર પણ સારી રીતે જોવા મળશે. યશ અને આખી ટીમ સાથે કામ કરવાની પણ ખૂબ મજા આવી.”
પિતાની પ્રોટેક્ટિવનેસ પાછળ પણ દીકરી માટેનો પ્રેમ છે: યુક્તિ રાંદેરિયા , ફિલ્મમાં છવીનું પાત્ર ભજવતી યુક્તિ રાંદેરિયાએ કહ્યું કે, “ફિલ્મમાં હું છવીનું પાત્ર ભજવી રહી છું. છવી પોતાના પ્રેમ અને સંબંધો માટે સ્પષ્ટ વિચાર ધરાવતી યુવતી છે. બીજી તરફ તેના પિતા તેને લઈને ખૂબ જ પ્રોટેક્ટિવ છે. ફિલ્મમાં પિતા અને દીકરી બંનેની લાગણીઓ અને તેમના વિચારો વચ્ચેનો તફાવત જોવા મળશે. ઘણી વખત પિતાની કડકાઈ પાછળ પણ સંતાન માટેનો પ્રેમ અને ચિંતા છુપાયેલી હોય છે.”

હિતેન કુમાર સાથે કામ કરવાના અનુભવ વિશે યુક્તિએ જણાવ્યું કે, “હિતેન સર સાથે કામ કરવાનો અનુભવ મારા માટે ખૂબ જ ખાસ રહ્યો. તેમની એનર્જી, પેશન અને દરેક સીનમાં તેમનું ઇન્વોલ્વમેન્ટ જોઈને ઘણું શીખવા મળ્યું. તેઓ સેટ પર દરેક કલાકારને સાથે લઈને ચાલે છે. મેન્સ ડેના સંદર્ભમાં પણ કહેવા માગું છું કે પિતા અને પુરુષો પરિવાર માટે અનેક બલિદાન આપે છે, પરંતુ ઘણી વખત તેમના યોગદાનની પૂરતી નોંધ લેવાતી નથી. તેમની લાગણીઓ અને સંઘર્ષને પણ સમજવાની જરૂર છે.”

દરેક પાત્રની પોતાની ખાસિયત, કોમેડીનું અલગ સ્વરૂપ: યશ વૈષ્ણવ, દિગ્દર્શક યશ વૈષ્ણવ માટે ‘રફ એન્ડ ટફ કન્યા’ સ્વતંત્ર દિગ્દર્શક તરીકેની પ્રથમ ફિલ્મ છે. અગાઉ તેઓ કૃષ્ણદેવ યાજ્ઞિક સાથે એસોસિએટ તરીકે કામ કરી ચૂક્યા છે. ફિલ્મના કોન્સેપ્ટ વિશે યશે જણાવ્યું કે, “‘રફ એન્ડ ટફ કન્યા’ મારી સ્વતંત્ર દિગ્દર્શક તરીકેની પ્રથમ ફિલ્મ છે. આ ફિલ્મમાં અમે પરંપરાગત કોમેડીથી અલગ કંઈક કરવાનો પ્રયાસ કર્યો છે. ફિલ્મનાં દરેક પાત્રની પોતાની ખાસિયત અને અલગ સ્વભાવ છે. કોઈને ગુસ્સાની સમસ્યા છે તો કોઈ OCDથી પીડાય છે, જ્યારે કોઈનું વર્તન જ અલગ પ્રકારનું છે. આ બધા પાત્રો એકસાથે આવે ત્યારે કેવી રમૂજી પરિસ્થિતિઓ સર્જાય છે તે ફિલ્મમાં જોવા મળશે.”

તેમણે વધુમાં કહ્યું કે, “હિતેન સર, રવિ, યુક્તિ સહિત તમામ કલાકારો ખૂબ જ અનુભવી અને પ્રતિભાશાળી છે. તેમના માટે મારે માત્ર સ્ક્રિપ્ટ પ્રમાણે માર્ગદર્શન આપવાનું હતું. ફિલ્મની વાર્તા પિતા-દીકરીના સંબંધો અને પેઢી વચ્ચેના વિચારોના તફાવતને હળવાશથી રજૂ કરે છે. અમારો પ્રયાસ પરિવાર સાથે માણી શકાય તેવી મનોરંજક ફિલ્મ બનાવવાનો રહ્યો છે.”
ગુજરાતી પ્રેક્ષકો સુધી તેમની ભાષામાં ફિલ્મ પહોંચાડવાનો પ્રયાસ

બિરલા સ્ટુડિયોઝ અને બિગ બોક્સ સિરીઝ પ્રોડક્શનના બેનર હેઠળ બનેલી આ ફિલ્મ અનન્યા બિરલાનું પ્રથમ ગુજરાતી પ્રોડક્શન છે. ફિલ્મનું નિર્માણ બિરલા સ્ટુડિયોઝ સાથે કૃષ્ણદેવ યાજ્ઞિકે કર્યું છે. નિર્માણ સાથે જોડાયેલા સૂત્રોના જણાવ્યા અનુસાર, ગુજરાતી સિનેમામાં એવી ફિલ્મો બનાવવાનો પ્રયાસ છે, જે સ્થાનિક પ્રેક્ષકો સાથે જોડાય અને પરિવારના દરેક સભ્ય સાથે બેસીને માણી શકે. ફિલ્મના પોસ્ટર અને પ્રમોશનલ સામગ્રીમાં પણ ગુજરાતી ભાષાને પ્રાધાન્ય આપવામાં આવ્યું છે, જેથી ગુજરાતી પ્રેક્ષકો સાથે સીધો સંવાદ થઈ શકે.

ફિલ્મનું ટાઇટલ ટ્રેક ગાયક જીગરદાન ગઢવી (જીગરા)એ ગાયું છે, જ્યારે એન્ડ્ર્યુ સેમ્યુઅલે તેનું સંગીત તૈયાર કર્યું છે. ફિલ્મના બીજા ગીત ‘છવિ’ને ઐશ્વર્યા મજમુદારે સ્વર આપ્યો છે. તેના શબ્દો ઉજ્જવલ દવેએ લખ્યા છે. ફિલ્મમાં ફિરોઝ ઈરાની, નીલમ પંચાલ, અનુરાગ પ્રપન્ના અને રાગી જાની સહિતના કલાકારો પણ મહત્ત્વની ભૂમિકામાં જોવા મળશે.

ફિલ્મનું ટ્રેલર રિલીઝ થયા બાદ તેને સોશિયલ મીડિયા પર સારો પ્રતિસાદ મળ્યો છે. નિર્માતાઓના જણાવ્યા અનુસાર, ટ્રેલરને 1.1 કરોડથી વધુ વ્યૂઝ મળ્યા છે. પ્રતિક ગાંધી, યશ સોની, જાંકી બોડીવાલા, હેલી શાહ, ધર્મેશ, આરોહી પટેલ, કુશલ મિસ્ત્રી, દિવ્યાંગ ઠક્કર અને હંસલ મહેતા સહિત મનોરંજન જગતની જાણીતી હસ્તીઓએ પણ ફિલ્મને સમર્થન આપ્યું છે. ફિલ્મ 20 નવેમ્બરે દેશભરના સિનેમાઘરોમાં રિલીઝ થશે.

મેયરશ્રી હિતેશ બારોટના હસ્તે મ્યુનિ. સ્કૂલ બોર્ડની સરખેજ કન્યા...

માન. કેન્દ્રિય ગૃહ અને સહકારિતા મંત્રીશ્રી અમિતભાઇ શાહ સાહેબની...

ગિરનાર પરિક્રમા મેળા દરમિયાન મુસાફરોની સુવિધા માટે 8 જોડી...

18થી 26 નવેમ્બર સુધી અસ્થાયી ધોરણે ઉપલબ્ધ રહેશે વધારાના...

ભાવનગર મંડળના મુસાફરોની સુવિધા માટે ટ્રેન નંબર 12949/12950માં અસ્થાયી...

પશ્ચિમ રેલવે દ્વારા મુસાફરોની સુવિધા અને વધારાના મુસાફર ભારને...

દિવાળી અને છઠ મહાપર્વ દરમિયાન અમદાવાદ મંડળમાંથી 21 લાખથી...

* તહેવારોની સિઝનમાં અસરકારક ભીડ વ્યવસ્થાપન અને મુસાફરોને...

સંતાનોને એમની ફરજ યાદ દેવવતી, સંત પુનિત મહારાજની કૃતિ...

હે ઈશ્વર,આપનાં શ્રીચરણોમાં મારા સહ પરિવાર સાદર સાષ્ટાંગ પ્રેમ...

ભજન એ જ સાધુનો ભૈરવ છે, ભજનરૂપી ભૈરવ સાધુની...

માત્ર બોડાણાનું જ નહીં આપણું ગાડું પણ હરિ હંકારે...

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories

LEAVE A REPLY

Please enter your comment!
Please enter your name here