ઇન્ટિગ્રેટેડ ટર્નકી ઇપીસી કંપની રાજેશ પાવર સર્વિસીસ લિમિટેડે (RAJESH) (BSE: 544291, ISIN: INE0VN801010) 31 માર્ચ, 2026ના રોજ પૂરા થતા સમગ્ર વર્ષ અને બીજા અર્ધવાર્ષિક ગાળા માટેના નાણાંકીય પરિણામો જાહેર કર્યા છે અને નોંધપાત્ર વૃદ્ધિ તથા ઓપરેશનલ ઉત્કૃષ્ટતા દર્શાવી છે.નાણાંકીય વર્ષ 2026ના બીજા અર્ધવાર્ષિક ગાળાના પરિણામો અંગે કંપનીના મેનેજિંગ ડિરેક્ટર કુરાંગ પંચાલે જણાવ્યું હતું કે, નાણાંકીય વર્ષ 2026 રાજેશ પાવર સર્વિસીસ માટે સીમાચિહ્નરૂપ વર્ષ રહ્યું છે, જેમાં સમયસર પ્રોજેક્ટ અમલીકરણ, કાર્યક્ષમ કામગીરી અને સારી રીતે વૈવિધ્યપૂર્ણ ઓર્ડર બુકના આધારે આવક અને નફાકારકતામાં મજબૂત વૃદ્ધિ નોંધાઈ છે. આવક વાર્ષિક ધોરણે 52 ટકા વધીને રૂ. 1,628 કરોડ થઈ છે જ્યારે એબિટા અને ચોખ્ખા નફામાં અનુક્રમે 59 ટકા તથા 48 ટકાનો વધારો નોંધાયો છે. ભારતના પાવર ટ્રાન્સમિશન અને ડિસ્ટ્રીબ્યુશન સેક્ટરમાં મજબૂત પોલિસી વિઝિબિલિટીના પગલે અમે અમારી વૃદ્ધિની ગતિને જાળવી રાખવા માટે સક્ષમ છીએ. ટ્રાન્સમિશન, ડિસ્ટ્રીબ્યુશન અને એનર્જી સ્ટોરેજ જેવા ઊભરતા ક્ષેત્રોમાં અમારી વધતી ક્ષમતાઓ લાંબા ગાળાની વૃદ્ધિ માટે મજબૂત આધાર પૂરો પાડે છે.