મલ્ટી કોમોડિટી એક્સચેન્જ (MCX) પર સોના-ચાંદીના બજારમાં રોકાણકારોના શ્વાસ અધ્ધર કરી દે તેવી અસાધારણ ઉથલપાથલ જોવા મળી રહી છે. ઐતિહાસિક તેજી બાદ બજારમાં ભારે વેચવાલીનું દબાણ આવતા સોના અને ચાંદી બંનેના ભાવમાં મોટો કડાકો બોલી ગયો હતો.ચાંદીના ભાવમાં ભારે ઘટાડો નોંધાયો હતો, જેણે રોકાણકારોને ચોંકાવી દીધા હતા.દિવસ દરમિયાન ભારે વેચવાલીને કારણે ચાંદીનો ભાવ ₹2,32,228ની નીચલી સપાટીએ પહોંચી ગયો હતો. આ રિપોર્ટ લખાઈ રહ્યો છે ત્યાં સુધી ચાંદીનો ભાવ ₹17,858 (-7.11%) ના તોતિંગ કડાકા સાથે ₹2,33,154 પર ટ્રેડ કરી રહ્યો હતો સોનાનો ભાવ ₹997 (-0.73%) ના ઘટાડા સાથે ₹1,35,669 પર જોવા મળ્યો હતો. બજારના નિષ્ણાતોના મતે, ઐતિહાસિક તેજી બાદ ભારે નફાવસૂલી (પ્રોફિટ-બુકિંગ) અને વૈશ્વિક બજારના સંકેતોને કારણે આ મોટો ઘટાડો જોવા મળ્યો છે. આ મોટી ઉથલપાથલને કારણે રોકાણકારો હાલમાં સાવચેતીભર્યું વલણ અપનાવી રહ્યા છે.