મલ્ટી કોમોડિટી એક્સચેન્જ (MCX) પર સોના-ચાંદીના બજારમાં ભારે ઉથલપાથલ બાદ આજે શાનદાર રિકવરી જોવા મળી રહી છે. અગાઉના ટ્રેડિંગ સત્રમાં આવેલા મોટા કડાકા બાદ નીચલા સ્તરેથી રોકાણકારોની ખરીદી નીકળતા સોના અને ચાંદી બંનેના ભાવમાં મજબૂત ઉછાળો નોંધાયો છે.અગાઉના સત્રમાં મોટા ઘટાડા બાદ ચાંદીના ભાવમાં આજે જોરદાર તેજી જોવા મળી છે.અગાઉના ટ્રેડિંગ સત્રમાં ચાંદીનો ભાવ ₹2,35,873 પ્રતિ કિલોગ્રામ પર બંધ થયો હતો.આ રિપોર્ટ લખાઈ રહ્યો છે ત્યાં સુધી ચાંદીનો ભાવ ₹5,278 (+2.24%) ના શાનદાર ઉછાળા સાથે ₹2,41,151 પર ટ્રેડ કરી રહ્યો હતો.ચાંદીની જેમ સોનાના ભાવમાં પણ નીચલા સ્તરેથી સારી રિકવરી જોવા મળી છે.સોનાના 05 ફેબ્રુઆરી 2026 વાયદાનો ભાવ અગાઉના દિવસે ₹1,35,804 પ્રતિ 10 ગ્રામ પર બંધ થયો હતો.બજારના નિષ્ણાતોના મતે, અગાઉના સત્રમાં થયેલા ભારે પ્રોફિટ-બુકિંગ બાદ નીચા ભાવે રોકાણકારોની ખરીદી પરત ફરતા આ રિકવરી જોવા મળી છે. જોકે, બજારમાં હજુ પણ ઉથલપાથલનો માહોલ યથાવત રહી શકે છે.