છેલ્લા થોડા દિવસોમાં બોલિવૂડના ઘણા સ્ટાર કપલ્સ માતા-પિતા બન્યા છે. પરિણીતી ચોપરાથી લઈને કેટરિના કૈફ સુધી ઘણા સ્ટાર્સ માતા-પિતા બન્યા છે. આ વચ્ચે હવે બોલિવૂડની ફેશન આઈકન અને એક્ટ્રેસ સોનમ કપૂર આહૂજાએ સોશિયલ મીડિયા પર ફેન્સ સાથે ગૂડ ન્યૂઝ શેર કરી છે. એક્ટ્રેસે ઈન્સ્ટાગ્રામ પર બેબી બમ્પ ફ્લોન્ટ કરતી કેટલીક સ્ટાઈલિશ તસવીરો સાથે બીજી પ્રેગ્નન્સીની જાહેરાત કરી છે.
સોનમ કપૂર અને આનંદ આહુજા ટૂંક સમયમાં બીજી વખત માતા-પિતા બનવા જઈ રહ્યા છે. સોનમે પોતાના સોશિયલ મીડિયા પર ઘણી તસવીરો શેર કરી છે. આ તસવીરોમાં સોનમ ગુલાબી કલરના આઉટફીટમાં નજર આવી રહી છે. સોનમનો આ લુક એકદમ ગ્લેમરસ અને સ્ટાઈલિશ લાગી રહ્યો છે.આ તસવીરો શેર કરતા સોનમે કેપ્શનમાં લખ્યું છે, ‘મધર’. હવે એક્ટ્રેસની આ પોસ્ટ પર સેલેબ્સ અને ચાહકો તરફથી અભિનંદનનો વરસાદ થઈ રહ્યો છે. ઘણા સ્ટાર્સે સોનમ કપૂરને અભિનંદન પાઠવ્યા છે. તેમાં પ્રિયંકા ચોપરા, પરિણીતી ચોપરા અને કરીના કપૂર સહિત ઘણા સ્ટાર્સે સોનમને અભિનંદન પાઠવ્યા છે. આ તસવીમાં સોનમ બેબી બમ્પ ફ્લોન્ટ કર્યો છે. આ સાથે તેણે એ પણ જણાવ્યું કે તેના બાળકનો જન્મ 2026માં થશે.