પશ્ચિમ રેલવેના અમદાવાદ મંડળ દ્વારા ઊર્જા કાર્યક્ષમતા વધારવા અને ગેસ પરની નિર્ભરતા ઘટાડવાના હેતુસર મંડળના વિવિધ રનિંગ રૂમો તથા તાલીમ કેન્દ્રોમાં આધુનિક વિદ્યુત આધારિત રસોઈ સાધનોની આપૂર્તિની કામગીરી નિરંતર પ્રગતિ પર છે. આ પહેલ ન માત્ર પર્યાવરણ સંરક્ષણની દિશામાં મહત્વપૂર્ણ પગલું જ નથી, પરંતુ કાર્યસ્થળોએ સુરક્ષિત અને સુવિધાજનક વ્યવસ્થાઓ સુનિશ્ચિત કરવામાં પણ અસરકારક સાબિત થઈ રહી છે.
આ સંદર્ભમાં, આજે ભુજ અને સનોસરા સ્થિત રનિંગ રૂમો તેમજ તાલીમ કેન્દ્રોને મજબૂત અને આધુનિક રસોઈ સુવિધાઓથી સજ્જ બનાવવાના હેતુસર ઓવન, કુકર, ઇન્ડક્શન કુકટોપ, રોટી તવો, ગ્લાસ મિક્સિંગ બાઉલ તેમજ વાસણ ની આપૂર્તિ પૂરી પાડવામાં આવી. તેના સંબંધિત એકમોમાં કાર્યરત કર્મચારીઓને સ્વચ્છ, સુરક્ષિત અને ઊર્જા-કાર્યક્ષમ ભોજન સુવિધાઓ ઉપલબ્ધ થશે, તેમજ ભોજન તૈયાર કરવાની પ્રક્રિયા વધુ સુવિધાજનક, ઝડપી અને આધુનિક બનશે.
અમદાવાદ મંડળ દ્વારા આ જ રીતે મંડળના અન્ય મુખ્ય રનિંગ રૂમો જેમ કે અમદાવાદ, સાબરમતી, ગાંધીધામ, વિરમગામ સહિત તાલીમ કેન્દ્રોમાં પણ તબક્કાવાર રીતે આ આધુનિક સુવિધાઓની ઉપલબ્ધતા સુનિશ્ચિત કરવામાં આવી રહી છે, જેથી ઊર્જા કાર્યક્ષમતાને પ્રોત્સાહન આપવા સાથે-સાથે પર્યાવરણ અનુકૂળ કાર્ય પ્રણાલીને મજબૂત બનાવી શકાય.