મુંબઇ : ટાઇગર શ્રોફ અને દિશા પટાણી પોતાના અંગત સંબંધોને લઇન ચર્ચામાં છે. તેઓ જાહેરમાં વારંવાર સાથે જોવા મળે છે. તેમજ તેમના સંબંધોની ચર્ચા પણ જાહેરમાં થયા કરે છે. ટાઇગર અને દિશા ફક્ત મિત્રો જ છે કે પછી તેના કરતા વધુ ગાઢ સંબંધ ધરાવે છે તે જાણવા બન્નેના પ્રશંસક ઉત્સુક છે. પરંતુ બન્ને પોતાના સંબંધો વિશે ચૂપકીદી સેવી રહ્યા છે. તેવામાં ટાઇગરના પિતા જેકીએ પુત્રના સંબંધ વિશે સ્પષ્ટતા કરી છે. વાસ્તવમાં એક ઇન્ટરવ્યુ દરમિયાન જેકીએ જણાવ્યું હતું કે, તેનો પુત્ર ટાઇગર ૨૫ વરસનો હતો ત્યારથી ડેટિંગ કરી રહ્યો છે. ટાઇગર અને દિશા બહુ સારા મિત્રો છે. જોકે હું નથી જાણતો કે તેમણે પોતાના ભવિષ્ય માટે શું નિર્ણય લીધો છે. હાલ ટાઇગર પોતાની કારકિર્દી પર ધ્યાન આપી  રહ્યો છે. તે પોતાના કામમાં કાંઇ પણ વચ્ચે આવે તે ઇચ્છતો નથી. ટાઇગર માટે પહેલા કામ અને પછી પરિવાર તેમજ ગર્લફ્રેન્ડ આવે છે. જોકે દિશા ટાઇગરના પરિવાર સાથે પણ સારા સંબંધો ધરાવે છે. તેને ઘણી વખત ટાઇગરની માતા આયશા અને બહેન કૃષ્ણા સાથે બહાર ફરતી જોવા મળી છે. દિશા અને ટાઇગરે ફિલ્મ બાગી ટુમાં સાથે કામ કર્યું હતું. ટાઇગરની બહેન કૃષ્ણાએ પણ જણાવ્યું હતું કે, ટાઇગર સમજદાર છે અને પોતાના નિર્ણયો લેવામાં સક્ષમ છે.