ભારતની સૌથી પ્રતિષ્ઠિત ઘડિયાળ નિર્માતા કંપની ટાઇટન વૉચીસે ફાઇન વોચમેકિંગની દુનિયામાં ભારતના વધતા પ્રભાવને આગળ વધારતા તેની નવી સબ-બ્રાન્ડ ‘ઝીરો અવર’નું લોન્ચિંગ કર્યું છે. અત્યંત કઠિન પરિસ્થિતિઓ માટે બનાવાયેલું આ પરફોર્મન્સ સ્પોર્ટ્સ સેગમેન્ટ ચોકસાઈ આધારિત ટાઈમપીસથી ઓળખાય છે, જ્યાં ટકાઉપણું, વિશ્વસનીયતા અને ટેક્નિકલ ગુણવત્તા પર કોઈ સમાધાન કરવામાં આવતું નથી.
‘ઝીરો અવર’ શબ્દ સામાન્ય રીતે તે ચોક્કસ ક્ષણ માટે વપરાય છે જ્યારે કોઈ ઓપરેશન અથવા મિશન શરૂ થાય છે. આ નામ તૈયારી અને કાર્યવાહી વચ્ચેની નિર્ણાયક ક્ષણને દર્શાવે છે, જ્યાં સમયનું મહત્વ ખૂબ જ વધુ હોય છે અને ભૂલ માટે કોઈ જગ્યા રહેતી નથી. આ વિચારધારાના પ્રતીકરૂપ તરીકે 500 મીટર પ્રોફેશનલ ડાઇવર્સ ઓટોમેટિક વૉચનું લોન્ચિંગ કરવામાં આવ્યું છે, જેને ગોવામાં અરબી સમુદ્રના સુંદર બેકગ્રાઉન્ડ સામે રજૂ કરવામાં આવી હતી. પ્રિસિઝન એન્જિનિયરિંગ, સતત પર્ફોર્મન્સ અને એક્સપ્લોરેશનની ભાવનાના સંયોગથી જન્મેલી આ વૉચ નવા અધ્યાયની શરૂઆત દર્શાવે છે.
આ કલેકશનમાં કુલ 12 અલગ-અલગ ટાઈમપીસ સામેલ છે, જે 100 મીટરથી લઈને 500 મીટર સુધીની ઊંડાઈમાં પર્ફોર્મન્સ આપે તે પ્રકારે ડિઝાઇન કરવામાં આવ્યા છે.
આ કલેકશનની ઊંડાઈ ક્ષમતાના શિખરે ટાઇટન 500 મીટર પ્રોફેશનલ ડાઇવર્સ ટાઈમપીસ છે. અત્યંત અંડરવોટર પરફોર્મન્સ માટે બનાવવામાં આવેલી આ વૉચ ISO 6425 જેવા વૈશ્વિક ધોરણોને પૂર્ણ કરે છે અને મિકેનિકલ ઘડિયાળ બનાવટમાં ટાઇટનની વધતી કુશળતા દર્શાવે છે. આ વૉચના કેન્દ્રમાં ટાઇટનનું ઇન-હાઉસ ઓટોમેટિક કેલિબર 7AC0 છે, જે પ્રતિ કલાક 28,800 વાઇબ્રેશન (4 Hz) પર કાર્ય કરે છે. દૈનિક –10/+30 સેકન્ડની ચોકસાઈ સાથે, આ કેલિબર અત્યંત પડકારજનક પરિસ્થિતિઓમાં પણ વિશ્વસનીય પર્ફોર્મન્સ આપે છે.
પાણીની સપાટીથી નીચે જ્યાં દબાણ વધે છે અને ચોકસાઈ અત્યંત મહત્વપૂર્ણ બની જાય છે, ત્યાં ટાઇટન 500 મીટર પ્રોફેશનલ ડાઇવરનું સાચું સ્વરૂપ પ્રગટ થાય છે. 15.5 મીમી જાડાઈ ધરાવતો તેનો કેસ ગ્રેડ 2 ટાઇટેનિયમમાંથી બનાવવામાં આવ્યો છે, જે ઊંડા ડાઇવિંગની કઠિનતાઓ સહન કરી શકે છે અને હાથ પર સંતુલિત અને આરામદાયક અનુભવ આપે છે. દરેક ઘટકને સીલિંગ અને માળખાકીય મજબૂતી માટે ખાસ રીતે ડિઝાઇન કરવામાં આવ્યો છે.
120-ક્લિક યુનિડાયરેકશનલ બેઝલ, જે ‘એક્વા લૉક’ મિકેનિઝમથી સિક્યોર કરવામાં આવ્યો છે, લાંબા સમય સુધી પાણી નીચે રહીને પણ સમયનું સચોટ ટ્રેકિંગ સુનિશ્ચિત કરે છે. સેફાયર ક્રિસ્ટલ ઇન્સર્ટ મજબૂતી આપે છે, જ્યારે ટ્રિપલ-લેયર એન્ટી-રિફ્લેક્ટિવ કોટિંગ સાથેનું સેફાયર ક્રિસ્ટલ ડાયલને બદલાતા પ્રકાશમાં પણ સ્પષ્ટ રાખે છે.
આવી પરિસ્થિતિઓમાં વાંચવાની સરળતા અત્યંત મહત્વપૂર્ણ છે. આ માટે બોલ્ડ હેન્ડ્સને Super-LumiNova X1 ગ્રેડ લ્યુમ સાથે ટ્રીટ કરવામાં આવ્યા છે, જે બ્લુ-ગ્રીન ગ્લો સાથે ચમકે છે અને પ્રકાશ ઘટે પછી પણ લાંબા સમય સુધી સ્પષ્ટતા જાળવી રાખે છે.
કેસની ડિઝાઇનને આગળ વધારતા, આ ટાઈમપીસને ગ્રેડ 2 ટાઇટેનિયમ બ્રેસલેટ સાથે જોડવામાં આવ્યો છે, જેમાં ટાઇટનના લોગોથી પ્રેરિત લિંક્સ છે. સાથે જ વધારાના FKM સ્ટ્રેપ દ્વારા વધુ ફ્લેક્સિબલ અને આરામદાયક વિકલ્પ આપવામાં આવ્યો છે. બંને બ્રેસલેટ અને સ્ટ્રેપમાં ક્વિક-રિલીઝ સિસ્ટમ આપવામાં આવી છે, જે સરળતાથી બદલવાની સુવિધા આપે છે.
લૉન્ચ પ્રસંગે ટાઇટન વૉચીસના ચીફ સેલ્સ એન્ડ માર્કેટિંગ ઓફિસર રાહુલ શુક્લાએ જણાવ્યું હતું કે, “ચાર દાયકાથી વધુ સમયથી ટાઇટન ડિઝાઇન, હસ્તકલા અને નવીનતાના માધ્યમથી ભારતીય વૉચમેકિંગને નવી દિશા આપતું આવી છે. ‘ઝીરો અવર’ના લોન્ચ સાથે અમે સ્પોર્ટ્સ અને પરફોર્મન્સ વોચ સેગમેન્ટમાં મહત્વપૂર્ણ પગલું ભરી રહ્યા છીએ તથા અમારી રચનાત્મકતા અને મૂલ્યોને વધુ વિસ્તૃત કરી રહ્યા છીએ. ISO 6425 ધોરણ મુજબ બનેલી અમારી પ્રથમ 500 મીટર ઓટોમેટિક ડાઇવર્સ વૉચ ‘મેડ ઇન ઈન્ડિયા’ હોવા છતાં વૈશ્વિક સ્તરે પ્રતિસ્પર્ધા કરે છે અને મિકેનિકલ વૉચમેકિંગ તેમજ હાઇ-પ્રિસિઝન એન્જિનિયરિંગમાં અમારી ક્ષમતાનું પ્રતિબિંબ પાડે છે. આ ભારતીય હોરોલોજીને વિશ્વના અગ્રણી વોચમેકિંગ પરંપરાઓમાં સ્થાન અપાવવાના અમારા પ્રયાસમાં એક મહત્વપૂર્ણ સીમાચિહ્ન છે.”
ટાઇટન વૉચીસે પ્રોફેશનલ એસોસિએશન ઑફ ડાઇવિંગ ઇન્સ્ટ્રક્ટર્સ (PADI) સાથે સહયોગ કર્યો છે, જેથી બ્રાન્ડની ડિઝાઇન અને વૉચમેકિંગ નવીનતાને PADIની વૈશ્વિક ડાઇવિંગ નિપુણતા સાથે જોડાઈ શકાય. આ સહયોગ દ્વારા ટાઇટનના ડાઇવર પોર્ટફોલિયોમાં પ્રામાણિકતા, સાંસ્કૃતિક પ્રાસંગિકતા અને આકર્ષણ ઉમેરાયું છે. વિશાળ ડાઇવિંગ ઇકોસિસ્ટમ, નિપુણતા અને સમુદાય સુધીની પહોંચ સાથે આ ભાગીદારી સમુદ્ર, સાહસ અને ખોજની ભાવનાને જીવંત બનાવતી અનુભૂતિ આધારિત સ્ટોરીટેલિંગ દ્વારા આગળ વધે છે, જે માત્ર ડાઇવર્સ માટે નહીં પરંતુ આ માનસિકતાથી પ્રેરિત દરેક વ્યક્તિ માટે પ્રાસંગિક છે.
ટાઇટન 500 મીટર પ્રોફેશનલ ડાઇવર્સ ટાઈમપીસના બે વેરિયન્ટ્સમાં દરેકમાં માત્ર 500 યુનિટ્સની મર્યાદિત સંખ્યામાં આ કલેકશન રજૂ કરવામાં આવ્યું છે, જે ખાસ કરીને કલેક્ટર્સ, રસિકો અને અજાણી બાબતો માટે તૈયાર રહેવા માંગતા લોકો માટે બનાવાયું છે. 500 મીટર લિમિટેડ એડિશન વૉચની કિંમત રૂ. 75,995 થી રૂ. 77,995 વચ્ચે છે, જ્યારે 300 મીટર ઓટોમેટિક, 200 મીટર અને 100 મીટર વૉચની કિંમત રૂ. 15,795થી શરૂ થાય છે. આ કલેકશન ટાઇટન વર્લ્ડ સ્ટોર્સ, લાર્જ ફોર્મેટ રિટેલ સ્ટોર્સ, પ્રીમિયમ વૉચ રિટેલર્સ, ઇ-કોમર્સ પ્લેટફોર્મ્સ અને www.titan.co.in પર ઉપલબ્ધ છે.