દેશી ગર્લ પ્રિયંકા ચોપરા બૉલીવુડથી લઇને હોલીવુડ સુધી પોતાની એક અલગ ઓળખ બનાવી ચૂકી છે. એ અમેરિકાના સેલિબ્રિટી જોનાસ પરિવારની પુત્રવધૂ છે. પ્રિયંકાની જોડી એનાથી દસ વર્ષ નાના પતિ નિક જોનાસ સાથે ઘણી પસંદ કરવામાં આવે છે. ફિલ્મ ઇન્ડસ્ટ્રીનું એ એવું કપલ છે, જેની કેમિસ્ટ્રી દિલ જીતી લે છે અને તેમના ફોટા-વિડિયો પણ સતત સોશિયલ મીડિયામાં ટ્રેન્ડ થતા હોય છે. પ્રિયંકા અને નિક જોનાસનાં લગ્નને બે વર્ષથી પણ વધુ સમય થઇ ગયો છે. એવામાં પ્રિયંકાએ હાલમાં પોતાની લવ-લાઇફ બાબતે ખુલાસો કર્યો છે કે એને ક્યાં અને કેવી રીતે નિક જોનાસ સાથે પ્રેમ થયો હતો. હાલમાં પ્રિયંકા એના નવા પુસ્તક ‘અનફિનિશ્ડ’ને કારણે સમાચારમાં છે. આ પુસ્તકમાં પ્રિયંકાએ પોતાના જીવનનાં અનેક રહસ્ય ખોલ્યાં છે.
એક કાર્યક્રમમાં પ્રિયંકાએ એને ક્યારે, કેવી રીતે નિક જોનાસ સાથે પ્રેમ થયો એ અંગે જણાવ્યું છે. પ્રિયંકા માને છે કે નિક ઘણો મહેનતુ કલાકાર છે અને એનું વ્યક્તિત્વ એટલું આકર્ષક છે કે કોઇને પણ એ ગમી જાય. કોઇ પણ વ્યક્તિ એની પર સરળતાથી વિશ્ર્વાસ કરી શકે છે. ખુદ પ્રિયંકા પણ આ કારણે જ એના તરફ ખેંચાઇ હતી. પ્રિયંકાએ એમ પણ જણાવ્યું કે અણેે પહેલી વાર નિક માટે ફીલિંગ્સ ત્યારે અનુભવી જ્યારે નિક જોનાસ ગોસ્પેલ ગાયકો માટે એક ઇવેન્ટ કરી રહ્યો હતો. આ ઇવેન્ટ દરમિયાન પ્રિયંકાને પ્રથમ વાર નિક સાથે પ્રેમ થયો હતો. નિક માને છે કે એની પ્રિયંકા સાથે બહુ મુલાકાતો નહોતી થઇ. એક વર્ષ મળ્યા પછી બ્રેક આવી ગયો. ફરીથી મળ્યાં અને પાછો બ્રેક આવી ગયો. લાંબો સમય સુધી આમ જ ચાલ્યા કર્યું. ત્યાર બાદ એક વાર પ્રિયંકા સાથે મેદાની રમત જોવા ગયા ત્યારે તેને પ્રિયંકા માટે પ્રેમનો અહેસાસ થયો. એ મુલાકાતના ૪૮ કલાક બાદ જ બંનેએ એકબીજાને ‘આઇ લવ યુ’ કહ્યું હતું.
