~ ૨૮ સપ્ટેમ્બરે રાત્રે ૯:૩૦ વાગ્યે પ્રીમિયર અને ત્યાર પછી દર સોમવારથી શુક્રવાર રાત્રે ૯:૩૦ વાગ્યે ફક્ત કલર્સ અને જિઓહોટસ્ટાર (JioHotstar) પર પ્રસારિત થશે ~
નેશનલ, સપ્ટેમ્બર ૨૦૨૬: ઉંમર એ માત્ર એક નંબર છે, જે જન્મદિવસો, સિદ્ધિઓ અને અનુભવો દર્શાવે છે, પરંતુ તે ક્યારેય નક્કી કરવા માટે નથી બની કે કોણે કોને પ્રેમ કરવો જોઈએ. છતાં પણ દિલના મામલામાં, આપણા સમાજમાં આજે પણ ઉંમરના તફાવતવાળા સંબંધો પર ઘણા લોકો સવાલો ઉઠાવે છે. પ્રેમના દ્રષ્ટિકોણને વધુ વ્યાપક બનાવતા, કલર્સ તેના નવા રોમાન્સ ડ્રામા ‘શાયદ યહી હૈ પ્યાર’ સાથે આ માન્યતાઓને પડકારવા જઈ રહ્યું છે. ચર્ચિત કોરિયન સીરિઝ ‘સમથિંગ ઇન ધ રેઇન’ (Something In The Rain) પર સત્તાવાર રીતે આધારિત આ મર્યાદિત અવધિનો રોમાન્સ ડ્રામા એક મહત્વપૂર્ણ સવાલ ઉઠાવે છે કે આપણા સંબંધોમાં ઉંમરનું મહત્વ વધારે હોવું જોઈએ કે પછી એ અહેસાસનું, જે કોઈ આપણને કરાવે છે.
વાર્તાના કેન્દ્રમાં પ્રીતિ અરોરા (૩૫) છે, જે દિલ્હીમાં રહેતી એક વર્કિંગ વુમન છે. તે માત્ર આધુનિક કાર્યસ્થળના પડકારોનો સામનો નથી કરતી, પરંતુ સતત એક જ સવાલના આધારે મૂલવવામાં આવે છે કે આખરે તેણે અત્યાર સુધી લગ્ન કેમ નથી કર્યા? છેલ્લા પાંચ વર્ષથી તે ગૌરવ ગુલાટી (૩૭) સાથે રિલેશનશિપમાં હતી, જે દરેક પરંપરાગત કસોટી પર ખરો ઉતરતો એક આદર્શ સાથી માનવામાં આવે છે, પરંતુ તેનો વિશ્વાસઘાત પ્રીતિને એ બધી બાબતો પર ફરીથી વિચારવા મજબૂર કરી દે છે, જેને તે અત્યાર સુધી પોતાની પસંદ સમજી રહી હતી.
જ્યારે પ્રીતિ પોતાની જિંદગીના સૌથી મુશ્કેલ તબક્કામાંથી પસાર થઈ રહી હોય છે, ત્યારે જ તેની જિંદગીમાં આરવ આહૂજા (૨૫)ની એન્ટ્રી થાય છે. તેનાથી દસ વર્ષ નાનો આરવ એક આકર્ષક અને ભાવનાત્મક રીતે પરિપક્વ ગેમ ડેવલપર છે, જે અમેરિકામાં અભ્યાસ પૂરો કરીને દિલ્હી પાછો ફરે છે. તે ક્યારેક પ્રીતિનો બાળપણનો પ્રશંસક પણ રહી ચૂક્યો છે અને સંયોગથી તેની બહેનનો સૌથી સારો મિત્ર પણ છે. જે સંબંધ એક અણધારી દોસ્તી તરીકે શરૂ થાય છે, તે ધીમે ધીમે એવા પ્રેમમાં બદલાઈ જાય છે, જે એ તમામ નિયમોને પડકારે છે જેનું પાલન કરવાનું પ્રીતિને હંમેશા શીખવવામાં આવ્યું હતું.
આરવ સમાજની બનાવેલી કસોટીઓથી પર જઈને પ્રીતિને જુએ છે, તેને સુરક્ષિત, ખુશ અને સન્માનિત અનુભવ કરાવે છે તથા વર્ષોના દબાણ અને અપેક્ષાઓ નીચે છુપાયેલી તેની અસલી ઓળખને ફરીથી શોધવામાં મદદ કરે છે. કાર્યસ્થળનું રાજકારણ, માતા-પિતાની અપેક્ષાઓ, સમાજની ટીકાઓ અને ૩૫ની ઉંમરે નવી શરૂઆત કરવાના ડર વચ્ચે પ્રીતિને એક મૂળભૂત સવાલનો સામનો કરવો પડે છે: જે પ્રેમ જોવામાં સાચો લાગે છે અને જે પ્રેમ અનુભવવામાં સાચો લાગે છે, આ બંનેમાંથી તે કોને પસંદ કરશે?
પોકેટ એસિસ (Pocket Aces) દ્વારા નિર્મિત ‘શાયદ યહી હૈ પ્યાર’ માં અદિતિ દેવ શર્મા પ્રીતિ અરોરા, દક્ષ પુરી આરવ આહૂજા અને કુણાલ કરણ કપૂર ગૌરવ ગુલાટીની ભૂમિકામાં જોવા મળશે. ‘શાયદ યહી હૈ પ્યાર’નું પ્રીમિયર ૨૮ સપ્ટેમ્બરે રાત્રે ૯:૩૦ વાગ્યે થશે અને ત્યાર પછી તે દર સોમવારથી શુક્રવાર રાત્રે ૯:૩૦ વાગ્યે માત્ર કલર્સ અને જિઓહોટસ્ટાર પર પ્રસારિત કરવામાં આવશે.
પ્રીતિ અરોરાનું પાત્ર ભજવવા અંગે અદિતિ દેવ શર્મા કહે છે,
“શાયદ યહી હૈ પ્યાર મારો પહેલો મોડર્ન એજ-ગેપ રોમાન્સ છે અને પ્રીતિના પાત્રની સૌથી ખાસ વાત એ છે કે તેની સૌથી મોટી લડાઈ એ નિયમો સામે છે, જેના પર તેને હંમેશા વિશ્વાસ કરવાનું શીખવવામાં આવ્યું છે. ૩૫ની ઉંમરે સમાજ એક મહિલા પાસેથી અપેક્ષા રાખે છે કે તેની જિંદગી અને પ્રેમ સાથે જોડાયેલી બધી વાતો નક્કી થઈ ગઈ હોય, એવામાં પ્રેમમાં પડવું – ખાસ કરીને પોતાનાથી નાની ઉંમરના પુરુષ સાથે – કોઈ અદ્રશ્ય નિયમ તોડવા જેવું અનુભવાય છે. પ્રીતિ એ એવી ઘણી આધુનિક મહિલાઓનું પ્રતિનિધિત્વ કરે છે, જેઓ ઉંમર અને અપેક્ષાઓને કારણે પોતાની ખુશીઓને એકતરફ મૂકી દે છે. તેની મુસાફરી એ નિયમોને પાછળ છોડી દેવાની અને એ જાણવાની છે કે કોઈ પણ ઉંમરે પ્રેમને પસંદ કરવો અને નવી શરૂઆત કરવી કેટલી આઝાદી ભરી અનુભૂતિ હોઈ શકે છે.”
આરવ આહૂજાની દુનિયામાં કદમ મૂકવા અંગે દક્ષ પુરી કહે છે,
“પ્રેમ ભલે સમયની સીમાઓથી પર હોય, પરંતુ સમાજે હંમેશા તેને એક નંબરમાં બાંધવાનો પ્રયાસ કર્યો છે. મારું પાત્ર આરવ આ વિચારને પડકારે છે કે પરિપક્વતાને માત્ર ઉંમરના વર્ષોથી માપી શકાતી નથી અને તે માને છે કે પ્રેમમાં જાદુ કરવાની તાકાત હોય છે. ૨૫ વર્ષની ઉંમરે તે ભાવનાત્મક રીતે પરિપક્વ છે, જવાબદારીઓને સમજે છે અને પ્રીતિને તેની ઉંમરથી નહીં પરંતુ તેના વાસ્તવિક વ્યક્તિત્વ માટે જુએ છે. તેની લાગણીઓ મિત્રતા, સમજણ અને એક સાચા જોડાણમાંથી જન્મે છે. સૌથી મહત્વની વાત એ છે કે તે પ્રીતિને જેવી છે તેવી જ રીતે જુએ છે અને સમજે છે, તેનું મૂલ્યાંકન કર્યા વિના કે તેને કોઈ વ્યાખ્યામાં બાંધવાનો પ્રયાસ કર્યા વિના. તે ક્યારેય તેને ‘બચાવવાનો’ પ્રયાસ નથી કરતો, પરંતુ માત્ર તેને પોતાને ફરીથી શોધવાની જગ્યા આપે છે, તેને એ અહેસાસ કરાવે છે કે તેને જોવામાં અને સમજવામાં આવી રહી છે, અને યાદ અપાવે છે કે તે સમજાવા અને સન્માન પામવાને લાયક છે. તેમની વાર્તા એ વાતની યાદ અપાવે છે કે ઘણીવાર જેને સમાજ ‘ખૂબ નાનો’ માને છે, તે જ તમારા દિલને સૌથી સારી રીતે સમજી શકે છે.”
ગૌરવ ગુલાટીનું પાત્ર ભજવવા અંગે કુણાલ કરણ કપૂર કહે છે,
“ગૌરવ સફળતાના પરંપરાગત વિચારનું પ્રતિનિધિત્વ કરે છે – એક એવી જિંદગી જે પ્રતિષ્ઠા, સ્વીકૃતિ અને સ્થિરતાની આસપાસ બનેલી હોય છે. આ સફરમાં ક્યાંક તે પ્રીતિને નજરઅંદાજ કરવા લાગે છે અને તેમના સંબંધને એ આધારે જોવા લાગે છે કે તેનાથી તેને શું મળે છે. તેની અસુરક્ષા અને સ્વીકૃતિ મેળવવાની જરૂરિયાત આખરે ત્યારે માલિકીભાવમાં બદલાઈ જાય છે જ્યારે તે પ્રીતિને પોતાની જિંદગીમાં આગળ વધતી જુએ છે. ગૌરવ દ્વારા આ શો એ વાત સામે લાવે છે કે સમાજ અવારનવાર પુરુષોની મહત્વાકાંક્ષાની ઉજવણી કરે છે, જ્યારે મહિલાઓ પાસેથી સ્થિરતા માટે સમાધાન કરવાની અપેક્ષા રાખવામાં આવે છે, અને આ સવાલ ઉઠાવે છે કે શું જે વિકલ્પ સૌથી સ્પષ્ટ દેખાય છે, તે હંમેશા સાચો પણ હોય છે?”
જુઓ પ્રેમથી સજ્જ આ દિલને સ્પર્શી જતી વાર્તા ‘શાયદ યહી હૈ પ્યાર’, જેનું પ્રીમિયર ૨૮ સપ્ટેમ્બરે રાત્રે ૯:૩૦ વાગ્યે થશે અને ત્યાર પછી તે દર સોમવારથી શુક્રવાર રાત્રે ૯:૩૦ વાગ્યે ફક્ત કલર્સ અને જિઓહોટસ્ટાર પર પ્રસારિત થશે.