અમદાવાદ એરપોર્ટ પરથી વોન્ટેડ આતંકી ઝડપાયો હોવાના સમાચાર સામે આવ્યા છે. મળતી માહિતી મુજબ વોન્ટેડ આતંકી યુસુબ અબ્દુલ વહા શેખની અમદાવાદ ક્રાઈમ બ્રાંચ અને એટીએસની ટીમે ધરપકડ કરી છે. યુસુબ અબ્દુલ વહાબ શેખ જેહાદી ષડયંત્રના નામે યુવકોને આતંકવાદી બનાવવાના ષડયંત્રમાં સામેલ હતો. મળતી માહિતી પ્રમાણે યુસુફ અબ્દુલ વહાબ શેખ જેહાદના નામે સોફ્ટ ટાર્ગેટ યુવાનોને આતંકવાદી બનાવવાના ષડયંત્રમાં સામેલ છે. આતંકી સંગઠનને આર્થિક મદદ સહિતના કામ કરતા સ્લિપર સેલ સાથે સંકળાયેલો યુસુફ અબ્દુલ વહાબ શેખ સાઉદી અરબના ભારત આવી રહ્યો હતો, ત્યારે જ સુરક્ષા એજન્સીઓએ તેની એરપોર્ટ પરથી ધરપકડ કરી છે.
ઝડપાયેલો આતંકી વહાબ શેખ પર પાકિસ્તાનની જાસૂસી એજન્સી ISI, લશ્કર એ તૈબજા અને જૈશ એ મોહમ્મદની મદદથી હિન્દુ નેતાઓની હત્યા કરી આતંક ફેલાવવાનો આરોપ છે. 2003માં આ મામલે 82 લોકો સામે ગુનો નોંધાયો હતો, જેના 12થી વધુ આરોપીઓ ફરાર હતા, જેમાંથી કેટલાક વિદેશ જતા રહ્યા હતા. આ ઉપરાંત વહાબ શેખ પર હરેન પંડ્યા અને જયદીપ પટેલ પર હુમલો કરવાના ષડયંત્રનો પણ આરોપ છે.
મળતી માહિતી પ્રમાણે 2002ના ગુજરાતના કોમી રમખાણો બાદ વહાબ શેખ સોફ્ટ ટાર્ગેટ યુવાનોને જેહાદના નામે ભડકાવતો હતો. અને યુવાનોને પાકિસ્તાનમાં ચાલતા આતંકી કેમ્પમાં તાલીમ માટે મોકલતા સ્લિપર સેલની મદદ કરતો હતો. આવા સ્લિપર સેલને વહાબ શેખ આર્થિક મદદ કરતો હતો. યુસુફ અબ્દુલ વહાબ શેખ 2003થી સાઉદી અરબ ફરાર થઇ ગયો હતો. ત્યાં તે અન્ય આતંકીઓના સંપર્કમાં કે કોઇ સંગઠનમાં આવ્યો હતો કે કેમ તેની વધુ વિગતો હવે સામે આવે તેવી તપાસ એજન્સીઓને આશા છે.