બાંગ્લાદેશમાં સરકાર બદલાયા બાદ ક્રિકેટ બોર્ડના ડિરેક્ટર જલાલ યુનુસે રાજીનામું આપી દીધું છે. 3 ઓક્ટોબરથી બાંગ્લાદેશમાં મહિલા વર્લ્ડ કપનું આયોજન થવાનું છે. પરંતુ દેશમાં તાજેતરમાં થયેલી હિંસા બાદ ICCએ અન્ય દેશને હોસ્ટિંગ રાઇટ્સ આપવાનો નિર્ણય કર્યો છે. આ દરમિયાન જલાલે બાંગ્લાદેશ ક્રિકેટ ઓપરેશનના અધ્યક્ષ પણ પદ છોડી દીધું હતું.જલાલે કહ્યું કે, ક્રિકેટના કલ્યાણને ધ્યાનમાં રાખીને મેં બાંગ્લાદેશ ક્રિકેટ બોર્ડમાંથી રાજીનામું આપ્યું છે. બાંગ્લાદેશમાં વિદ્યાર્થીઓના વિરોધને કારણે અવામી લીગ સરકારને 5 ઓગસ્ટે રાજીનામું આપનાર જલાલ ક્રિકેટ બોર્ડના પ્રથમ સભ્ય છે. જે બાદ વિપક્ષી પાર્ટી અને વિદ્યાર્થી સંઘે મળીને બાંગ્લાદેશમાં નવી સરકાર બનાવી. મીડિયા રિપોર્ટ્સમાં કહેવામાં આવી રહ્યું છે કે ચેરમેન જલાલ બાદ બોર્ડના પ્રમુખ નઝમુલ હસન પણ રાજીનામું આપી શકે છે. તેમણે તાજેતરમાં કહ્યું હતું કે તેઓ સરકારને સમર્થન આપવા માટે પોતાનું રાજીનામું પણ આપી શકે છે.