પેરિસ ઓલિમ્પિકમાં ભારતને વધુ એક મેડલની આશા જાગી છે. ભારતના રેસલર અમન સેહરાવતે ક્વાર્ટર ફાઇનલમાં આલ્બેનિયન રેસલર ઝેલીમખાન અબાકારોવને (Zelimkhan Abakarov) હરાવીને સેમિ ફાઇનલમાં એન્ટ્રી મેળવી લીધી છે. હવે તે મેડલ જીતવાથી માત્ર એક જ ડગલું દૂર છે.હવે અમન સેમિ ફાઇનલમાં જાપાનના રિ હિગુચી સામે ટકરાશે. આ મુકાબલો રાત્રે 9:45 એ યોજાશે. હિગુચી 2016માં રિયો ઓલિમ્પિકમાં સિલ્વર જીતી ચૂક્યો છે. ભારતને પેરિસ ઓલિમ્પિકમાં હજુ સુધી 3 મેડલ મળ્યા છે જે ત્રણેય શૂટિંગમાં મળ્યા છે. ભારતને આજે હોકીમાં બ્રોન્ઝ મેડલની આશા છે. અમને પણ એક મેડલની આશા જગાડી છે. જો આજે તે સેમિ ફાઇનલમાં જીતે તો ગોલ્ડ અથવા સિલ્વર મેડલ માટે હકદાર બની શકે છે.