પ્રભાસ અને શ્રદ્ધા કપૂરની ફિલ્મ ‘સાહો’ ટૂંક સમયમાં જ રિલીઝ થશે. આ ફિલ્મમાં પાવરફુલ એક્શન સીક્વન્સીસ જોવા મળશે એમ જણાઈ રહ્યું છે.
હવે આ ફિલ્મ માટે શ્રદ્ધાને કેટલી ફી મળી એના વિશે જુદી-જુદી વાત કહેવામાં આવી રહી છે. કેટલાક રિપોર્ટ્સમાં જણાવવામાં આવ્યું છે કે,
શ્રદ્ધાને ‘સાહો’માં તેના રોલ માટે સાત કરોડ રૂપિયા મળ્યા છે જ્યારે આ ફિલ્મની ટીમમાં રહેલા કેટલાક સોર્સીસ જણાવે છે કે, આ વાત ખોટી છે.
અમારા સોર્સે જણાવ્યું હતું કે, ‘શ્રદ્ધાની પીઆર ટીમ દ્વારા જ આ વાત ફેલાવવામાં આવી રહી છે. એવી ઇમ્પ્રેશન ઊભી કરવાની કોશિશ છે કે, ટોલિવૂડમાં તેને અમુક રકમની ફી આપવામાં આવી છે.જેથી તે બોલિવૂડમાં તેની ફી વધારી શકે. સચ્ચાઈ એ છે કે, તેને સાત કરોડ જેટલી ફી આપવામાં આવી નથી.’
અમારા સોર્સીસે જણાવ્યું હતું કે, ‘સાહો’ માટે કેટરિના કૈફ પહેલી પસંદગી હતી. આ સોર્સે કહ્યું હતું કે,‘કેટરિનાએ ‘સાહો’ માટે પાંચ કરોડ રૂપિયાની ફી માગી હતી, પરંતુ ‘સાહો’ના મેકર્સે એના માટે ના પાડી હતી. બોલિવૂડ કરતાં તેલુગુ સિનેમામાં એક્ટ્રેસીસને ઓછી ફી આપવામાં આવે છે.’સવાલ એ છે કે, શ્રદ્ધાને ‘સાહો’ માટે ખરેખર કેટલી ફી આપવામાં આવી છે. આ સોર્સે જણાવ્યું હતું કે, ‘લગભગ ત્રણ કરોડ રૂપિયા’.