રાજ્યમાં સૌરાષ્ટ્ર અને દક્ષિણ ગુજરાત પર મેઘરાજા હેત વરસાવી રહ્યા છે. છેલ્લા 24 કલાકમાં અમરેલીના ખાંભામાં સૌથી વધુ 6 ઇંચ વરસાદ પડ્યો છે. જ્યારે કે જૂનાગઢના કેશોદમાં 4.5 ઇંચ. નવસારીના ચીખલીમાં 4 ઇંચ. અને અમરેલીના લિલીયામાં પણ 4 ઇંચ વરસાદ પડ્યો છે. તો જૂનાગઢના વીસાવદર અને પોરબંદરમાં 3.5 ઇંચ વરસાદ વરસ્યો છે. બીજી તરફ અવિરત વરસાદને પગલે રાજ્યના કુલ 74 ડેમ ઓવરફ્લો થઇ ગયા છે. જ્યારે કે 38 ડેમમાં 90 ટકાથી વધુ પાણીનો સંગ્રહ થયો છે. 15 ડેમમાં 80 ટકા જળસંગ્રહ થયો છે. તો 10 ડેમ એવા છે જેમાં 70 ટકાથી વધુ પાણીની આવક નોંધાઇ છે. તેમજ 16 ડેમમાં 60 ટકાથી વધુ પાણીનો જથ્થો છે.
