ભારતની એકમાત્ર LBMA-માન્યતા પ્રાપ્ત ગોલ્ડ અને સીલ્વર રિફાઈનર MMTC-PAMP એ શ્રી ગૌરવ નિઝાવનની માર્કેટીંગ હેડ તરીકે નિમણૂંક કરવાની જાહેરાત કરી છે.
પોતાની નવી ભૂમિકામાં ગૌરવ MMTC-PAMPમાં ઈન્ટીગ્રેટેડ માર્કેટિંગ સંબંધિત કામગીરીને જોશે, જેમાં માર્કેટીંગ અને કોમ્યુનિકેશન, બ્રાન્ડ બિલ્ડિંગ, કસ્ટમર એક્સપીરિયન્સ અને નવી પ્રોડક્ટ ડેવલપમેન્ટ જેવી કામગીરીનો સમાવેશ થાય છે. આ ઉપરાંત તેઓ રિટેલ સ્ટોર સહિત ફિઝીકલ અને ડિજિટલ ચેનલો પર MMTC-PAMPની ઓવરઓલ ગ્રોથને આગળ વધારવા તથા તેને યોગ્ય આકાર આપવા માટેની જવાબદારી ધરાવશે.
આ નિમણૂંક અંગે માહિતી આપતા MMTC-PAMPના મેનેજીંગ ડિરેક્ટર અને સીઈઓ શ્રી સમિત ગુહાએ જણાવ્યું હતું કે, “મને ગૌરવની MMTC-PAMPમાં માર્કેટિંગ હેડ તરીકે સ્વાગત કરતાં ખુશી થઈ રહી છે. તેઓ એક અનુભવી માર્કેટિંગ પ્રોફેશનલ છે તથા તેઓ ખૂબ જ બહોળો અનુભવ ધરાવે છે. તેમની કરિયર દરમિયાન તેમણે સફળતાપૂર્વક જટિલ કહી શકાય તેવા ઈન્ટીગ્રેટેડ માર્કેટિંગ કેમ્પેઈનનું નેતૃત્વ કર્યું છે તથા ડિજિટલ-ફર્સ્ટ બ્રાન્ડ્સને આગળ વધારવામાં સફળતા મેળવી છે. અમને સંપૂર્ણ વિશ્વાસ છે કે તેમની લીડરશિપ અમારી સંસ્થામાં અત્યંત મહત્વની વેલ્યૂનો ઉમેરો કરશે.”
ગૌરવને ફિનટેક, BFSI, FMCG,કન્સલ્ટિંગ તથા ટેકનોલોજી સેક્ટરમાં 15 વર્ષી વધારે સમયનો શાનદાર તથા વિવિધ પ્રકારનો વ્યાપક અનુભવ છે.અગાઉ તેઓ ઈન્ડસઈન્ડ બેન્ક, સ્ટેનફિન સિટી, કાર્લ્સબર્ગ અને અર્ન્સ્ટ એન્ડ યંગ જેવી જાણીતી સંસ્થાઓ સાથે સંકળાયેલા હતા.
નવી ભૂમિકા અંગે ટિપ્પણી કરતાં MMTC-PAMPના માર્કેટિંગ હેડ શ્રી ગૌરવ નિઝાવને જણાવ્યું હતું કે, “મને MMTC-PAMP સાથે જોડાવા બદલ ખૂબ જ ખુશી થઈ રહી છે, આ એક એવી બ્રાન્ડ છે કે જેણે શુદ્ધતા, વિશ્વાસ અને કામગીરીની બાબતમાં બેન્ચમાર્ક નિર્ધારિત કર્યાં છે. જેમ-જેમ અમે એક આઈકોનિક બ્રાન્ડને આકાર આપવાનું જાળવી રાખશું, હું આપણા સર્વશ્રેષ્ઠતાના કલ્ચરને મજબૂત કરવા, આપણી બ્રાન્ડ-બિલ્ડિંગના પ્રયાસોને વધારે સારા કરવા તથા આકર્ષક સ્ટોરીટેલિંગ તૈયાર કરવાની આશા રાખુ છું, જે ગ્રોથની નવી તક તથા ગ્રાહકો સાથે વ્યાપક જોડાણનું સર્જન કરશે.”