Tuesday, November 17, 2026
HomeBusinessએક જ દિવસમાં અત્યાર સુધીનું સર્વશ્રેષ્ઠ લોડિંગ નોંધાવતાં 85 રેક/3,580 વેગનનો નવો...

એક જ દિવસમાં અત્યાર સુધીનું સર્વશ્રેષ્ઠ લોડિંગ નોંધાવતાં 85 રેક/3,580 વેગનનો નવો રેકોર્ડ સ્થાપ્યો

Date:

Related stories

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

એક જ દિવસમાં અત્યાર સુધીનું સર્વશ્રેષ્ઠ લોડિંગ નોંધાવતાં 85 રેક/3,580 વેગનનો નવો રેકોર્ડ સ્થાપ્યો

અમદાવાદ: પશ્ચિમ રેલવેના અમદાવાદ મંડળે માલ લદાણના ક્ષેત્રમાં એક નવો સીમાચિહ્ન સ્થાપિત કરતાં 05 સપ્ટેમ્બર 2026ના રોજ એક જ દિવસમાં રેકોર્ડ 85 રેક (3,580 વેગન) લોડ કર્યા. અમદાવાદ મંડળના પરિચાલન ઇતિહાસમાં એક જ દિવસમાં કરવામાં આવેલું આ અત્યાર સુધીનું શ્રેષ્ઠ પ્રદર્શન છે. આ પહેલાં મંડળમાં એક દિવસમાં સૌથી વધુ લદાણનો રેકોર્ડ 80 રેક (3,525 વેગન)નો હતો. આ રેકોર્ડને પાછળ છોડતાં અમદાવાદ મંડળે પોતાના પ્રદર્શનમાં નોંધપાત્ર સુધારો નોંધાવ્યો છે.

મંડળ રેલ પ્રબંધક, અમદાવાદ શ્રી વેદ પ્રકાશે જણાવ્યું હતું કે આ સિદ્ધિ એટલા માટે પણ મહત્વપૂર્ણ છે કે 05 સપ્ટેમ્બરના રોજ એક જ દિવસમાં માલ પરિવહનની વિવિધ શ્રેણીઓમાં પણ નવા સર્વોચ્ચ રેકોર્ડ નોંધાયા હતા. તેમાંની મુખ્ય સિદ્ધિઓ નીચે મુજબ છે:
• કન્ટેનર લદાણ: એક જ દિવસમાં કુલ 42 કન્ટેનર રેક લોડ કરવામાં આવ્યા, જેમાં 21 ડબલ-સ્ટેક કન્ટેનર રેકનો સમાવેશ થાય છે. આ સિદ્ધિ ઉપલબ્ધ માલ પરિવહન ક્ષમતાના મહત્તમ અને કાર્યક્ષમ ઉપયોગને દર્શાવે છે.
• ઓટોમોબાઇલ લદાણ: કુલ 6 ઓટો રેક લોડ કરવામાં આવ્યા, જે ઓટોમોબાઇલ પરિવહનના ક્ષેત્રમાં મંડળની વધતી ભૂમિકાને દર્શાવે છે.
• મીઠાનું લદાણ: કુલ 8 મીઠાના રેક લોડ કરીને રવાના કરવામાં આવ્યા, જેના દ્વારા આ વિસ્તારની મહત્વપૂર્ણ માંગને પહોંચી વળવામાં મદદ મળી.
• ખાતરનું લદાણ: કૃષિ ક્ષેત્રને સમયસર ખાતરનો પુરવઠો સુનિશ્ચિત કરવાના ઉદેશ્યથી 17 ફર્ટિલાઇઝર રેકનું સફળતાપૂર્વક લદાણ કરવામાં આવ્યું.

ઓગસ્ટ 2026માં માલ પરિવહન અને પરિચાલન ક્ષેત્રે નોંધપાત્ર સિદ્ધિઓ

અમદાવાદ મંડળે ઓગસ્ટ 2026 દરમિયાન પણ માલ પરિવહન અને પરિચાલનના ક્ષેત્રમાં નોંધપાત્ર પ્રદર્શન કર્યું હતું. મંડળ દ્વારા આ સમયગાળા દરમિયાન 4.4651 મિલિયન ટન માલનું લદાણ કરવામાં આવ્યું. માલ પરિવહન દ્વારા રેલવેને ₹631.31 કરોડની આવક પ્રાપ્ત થઈ.
ઓગસ્ટ 2026માં દરરોજ સરેરાશ 218.84 ટ્રેનોનું ઇન્ટરચેન્જ થયું, જે અગાઉના વર્ષની સરખામણીમાં 2.5% વધુ છે. જ્યારે DFC પોઇન્ટ્સ પર સરેરાશ ઇન્ટરચેન્જ 11.8% વધીને દરરોજ 100.81 ટ્રેન થયું હતું. આ ઉપરાંત, 365 લોંગ હૉલ ટ્રેનો દોડાવવામાં આવી, જે માલ પરિવહનની કાર્યક્ષમતા અને પરિચાલન ક્ષમતામાં સતત થઈ રહેલા વધારાને દર્શાવે છે.

મંડળ રેલ પ્રબંધક શ્રી વેદ પ્રકાશે આ ઐતિહાસિક સિદ્ધિ માટે અમદાવાદ મંડળની સમગ્ર ટીમ, પરિચાલન વિભાગ, વાણિજ્યિક વિભાગ તેમજ DFCCILના અધિકારીઓ અને કર્મચારીઓને અભિનંદન પાઠવ્યા હતા. તેમણે જણાવ્યું હતું કે આ સિદ્ધિ ટીમના સંકલિત પ્રયાસો, વધુ સારી પરિચાલન યોજના અને માલ પરિવહન ક્ષમતાના અસરકારક ઉપયોગનું પરિણામ છે.

આ ઐતિહાસિક રેકોર્ડ પ્રદર્શન રાષ્ટ્રીય આપૂર્તિ શૃંખલાને વધુ મજબૂત બનાવવા, માલ પરિવહનને વેગ આપવા તથા માલ પરિવહનથી પ્રાપ્ત થતી આવકમાં વધારો કરવાની દિશામાં અમદાવાદ મંડળની પ્રતિબદ્ધતાને રેખાંકિત કરે છે.

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories

LEAVE A REPLY

Please enter your comment!
Please enter your name here