પશ્ચિમ રેલવેના અમદાવાદ મંડળે જૂન-2026 દરમિયાન મંડળ રેલ પ્રબંધક શ્રી વેદ પ્રકાશના નેતૃત્વ હેઠળ વાણિજ્યિક ક્ષેત્રમાં નોંધપાત્ર સિદ્ધિઓ હાંસલ કરી છે. માલવહન આવક, પાર્સલ વ્યવસાય, બિન-ભાડા આવક, મુસાફર સુવિધાઓ તેમજ ટિકિટ ચેકિંગ અભિયાનોમાં મંડળે ઉત્કૃષ્ટ કામગીરી નોંધાવી છે. વિવિધ ક્ષેત્રોમાં અમદાવાદ મંડળે અનેક નવા કીર્તિમાનો સ્થાપિત કર્યા છે.
માલવહન આવક (Freight Business)
• જૂન-2026 દરમિયાન ₹606.43 કરોડની માલવહન આવક પ્રાપ્ત કરવામાં આવી, જે નિર્ધારિત લક્ષ્ય કરતાં 3.60% અને ગયા વર્ષની સમાન અવધિની સરખામણીએ 13.59% વધુ છે. આ નાણાકીય વર્ષ 2026-27 દરમિયાન અત્યાર સુધીની સર્વાધિક માસિક માલવહન આવક છે.
• 30 જૂન, 2026ના રોજ ₹26.58 કરોડની એક દિવસની માલવહન આવક પ્રાપ્ત કરીને નવો રેકોર્ડ સ્થાપિત કરવામાં આવ્યો.
પાર્સલ વ્યવસાય (Parcel Business)
• જૂન-2026 દરમિયાન ₹6.19 કરોડની પાર્સલ આવક પ્રાપ્ત કરવામાં આવી, જે ગયા વર્ષની સરખામણીએ 7.65% વધુ છે.
• ભુજથી બાંદ્રા ટર્મિનસ સુધી 22 ટન કેરીનો જથ્થો પાર્સલ સેવા મારફતે મોકલવામાં આવ્યો, જેના દ્વારા એક જ દિવસમાં ₹1.26 લાખની આવક પ્રાપ્ત થઈ.
યાત્રી વ્યવસાય અને કોચિંગ (Passenger Business & Coaching)
• જૂન-2026 દરમિયાન ₹145.58 કરોડની યાત્રી આવક પ્રાપ્ત કરવામાં આવી.
• વધારાની મુસાફરોની ભીડને ધ્યાનમાં રાખીને 67 વિશેષ ટ્રેન સેવાઓનું સંચાલન કરવામાં આવ્યું.
• મુસાફરોની સુવિધા માટે 122 વધારાના કોચ જોડવામાં આવ્યા, જેના પરિણામે અંદાજે 0.97 લાખ મુસાફરોને લાભ મળ્યો તેમજ ₹10.33 કરોડની વધારાની મુસાફર આવક પ્રાપ્ત થઈ.
ટિકિટ ચેકિંગ અને સ્વચ્છતા અભિયાન (Ticket Checking & Cleanliness Drive)
• જૂન-2026 દરમિયાન ટિકિટ ચેકિંગ દ્વારા ₹2.70 કરોડની આવક પ્રાપ્ત કરવામાં આવી, જે ગયા વર્ષની સરખામણીએ 23.29% વધુ છે.
• સ્વચ્છતા અભિયાન અંતર્ગત 1,230 એન્ટિ-લિટરિંગ (કચરો ફેંકવા વિરુદ્ધ) કેસોમાં કાર્યવાહી કરીને ₹2.20 લાખનો દંડ વસૂલ કરવામાં આવ્યો.
બિન-ભાડા આવક (Non-Fare Revenue) – નવી પહેલ
• કાંકરિયા ગુડ્સ શેડ ખાતે એક્સેસ-કંટ્રોલ્ડ પેઇડ પાર્કિંગ અને ફ્રેઇટ એલાઇડ સર્વિસિસ માટે 7 વર્ષના સમયગાળા માટે ₹20.73 કરોડ મૂલ્યનો કરાર આપવામાં આવ્યો.
• તમામ નોન-પ્રીમિયમ ટ્રેનોમાં ટ્રેન સાઇડ વેન્ડિંગ (TSV) માટે 3 વર્ષના સમયગાળા માટે ₹3.71 કરોડ મૂલ્યનો કરાર આપવામાં આવ્યો.
• ટ્રેન નંબર 22961/22962માં હેડરેસ્ટ કવર પર જાહેરાત દ્વારા ₹0.57 કરોડની કરાર આધારિત આવક પ્રાપ્ત થઈ.
• અમદાવાદ રેલવે સ્ટેશન પર આધુનિક ડિજિટલ લગેજ લોકર સુવિધા શરૂ કરવામાં આવી, જેના દ્વારા મુસાફરોને સુરક્ષિત અને સ્વચાલિત સામાન સંગ્રહની સુવિધા ઉપલબ્ધ થઈ.
યાત્રી સુવિધાઓ (Passenger Amenities)
• ઉનાળાની ઋતુ દરમિયાન વિવિધ સ્ટેશનો પર સ્ટેશન કર્મચારીઓ અને સ્વયંસેવક સંસ્થાઓના સહયોગથી સામાન્ય શ્રેણીના મુસાફરો માટે ઠંડા પીવાના પાણીની યોગ્ય વ્યવસ્થા કરવામાં આવી.