• વેદાંતા લિમિટેડ, વેદાંતા એલ્યુમિનિયમ અને વેદાંતા ઓઈલ એન્ડ ગેસનું રેટિંગ અપગ્રેડ થઈને AA+ થયું
• વેદાંતા પાવરની ગેરંટીડ ફેસિલિટીઝના રેટિંગ અપગ્રેડ થઈને AA+ (CE) થયું
• સફળ વિભાજન પ્રક્રિયા, દેવામાં નોંધપાત્ર ઘટાડો અને સમગ્ર પોર્ટફોલિયોમાં રેકોર્ડ નફાકારકતાના કારણે રેટિંગમાં સુધારો
• વેદાંતા લિમિટેડની એક દાયકા કરતાં વધુ સમયની સૌથી મજબૂત નાણાકીય સ્થિતિ – 2014 પછીનું સર્વોચ્ચ રેટિંગ

મુંબઈ, 21 જુલાઈ, 2026: ક્રિસિલ રેટિંગ્સ દ્વારા વેદાંતા લિમિટેડ (NSE: VEDL), વેદાંતા એલ્યુમિનિયમ (NSE: VAML), અને વેદાંતા ઓઈલ એન્ડ ગેસ (NSE: VOGL) ના લાંબા ગાળાના રેટિંગ્સને અપગ્રેડ કરીને AA/Stable થી વધારીને AA+/Stable કરાયા છે, અને આ ત્રણેયને “વિકસિત અસરો સાથેના રેટિંગ વોચ” માંથી હટાવવામાં આવ્યા છે. વેદાંતા આયર્ન એન્ડ સ્ટીલ (NSE: VISL) ની સહાયક કંપની ESL સ્ટીલ લિમિટેડનું રેટિંગ AA/Stable પર યથાવત રાખવામાં આવ્યું છે, જ્યારે વેદાંતા પાવર (NSE: VEDPOWER) ની ગેરંટીડ ફેસિલિટીઝનું રેટિંગ અપગ્રેડ કરીને AA+(CE) કરાયું છે. આ વેદાંતા લિમિટેડની એક દાયકા કરતાં વધુ સમયની સૌથી મજબૂત નાણાકીય શાખ દર્શાવે છે – જે 2014 પછીનું તેનું સર્વોચ્ચ રેટિંગ છે.

વેદાંતા લિમિટેડ: અગ્રણી કંપનીની મજબૂતાઈ અને અસાધારણ ઋણ સ્થિતિ

વેદાંતા લિમિટેડ ભારતમાં અજોડ વ્યાપ અને બજારના નેતૃત્વ સાથે ગ્રુપને મજબૂતી પ્રદાન કરે છે, જેનો મુખ્ય આધાર જસત, સીસું અને ચાંદીની અગ્રણી ઉત્પાદક કંપની હિન્દુસ્તાન ઝિંકમાં તેની 61% હિસ્સેદારી છે. કંપની તાંબુ, નિકલ અને ફેરોએલોય્ઝ ક્ષેત્રે પણ મજબૂત હાજરી ધરાવે છે, જેની સાથે 10 મહત્વના ખનિજ અને વ્યૂહાત્મક ખનિજ બ્લોક્સ પણ તેની પાસે છે. ઋણ સ્થિતિ પર CRISIL દ્વારા જણાવાયું છે કે, “કંપનીનું નાણાકીય માળખું મજબૂત રહ્યું છે, જેમાં વિભાજિત માળખા હેઠળ 31 માર્ચ 2026 ના રોજ ચોખ્ખી ઋણ સ્થિતિ નોંધપાત્ર રીતે સુધરીને 0.7x થઈ છે. આયોજિત વૃદ્ધિ મૂડી ખર્ચ હોવા છતાં, મધ્યમ ગાળામાં ઋણનું પ્રમાણ 1.0x ની નીચે આરામદાયક સ્તરે રહેવાની અપેક્ષા છે.”

એજન્સીએ વધુમાં ભારપૂર્વક જણાવ્યું હતું કે, “ઋણના નીચા પ્રમાણની સાથે હિન્દુસ્તાન ઝિંકમાંથી સતત થતી કમાણી અને રોકડ પ્રવાહે કંપનીની નાણાકીય સ્થિતિને વધુ મજબૂત બનાવી છે તેમજ તેના રોકાણના નોંધપાત્ર બજાર મૂલ્યના સમર્થનથી તેની નાણાકીય લવચીકતામાં વધારો કર્યો છે.”

વેદાંતા એલ્યુમિનિયમ: રેકોર્ડ નફાકારકતા અને બજારમાં અગ્રણી સ્થાન

ક્રિસિલે વેદાંતા એલ્યુમિનિયમના “ઓછા સંચાલન ખર્ચ સાથે સ્થાનિક એલ્યુમિનિયમ ઉદ્યોગમાં અગ્રણી બજાર સ્થાન“ની પુષ્ટિ કરી હતી. એજન્સીએ નોંધ્યું હતું કે કંપની દેશની સૌથી મોટી એલ્યુમિનિયમ ઉત્પાદક અને વૈશ્વિક સ્તરે (ચીન સિવાય) ત્રીજા ક્રમની સૌથી મોટી ઉત્પાદક છે તેમજ સ્થાનિક બજારમાં 48% બજારહિસ્સો ધરાવે છે.

એજન્સીએ નફાકારકતામાં આવેલા ઐતિહાસિક ઉછાળા પર ભાર મૂકતા જણાવ્યું હતું કે: “નાણાકીય વર્ષ 2026 માં સંચાલન નફાકારકતા રેકોર્ડ સ્તરે પહોંચી ગઈ છે, જેમાં કંપનીએ રૂ. 25,208 કરોડનું EBITDA નોંધાવ્યું છે, જે નાણાકીય વર્ષ 2025 ની સરખામણીએ વાર્ષિક ધોરણે 43% નો વધારો દર્શાવે છે.” ઋણ સ્થિતિ પર ક્રિસિલ અંદાજ મૂકે છે કે “નાણાકીય વર્ષ 2027 માં ચોખ્ખી ઋણ સ્થિતિ 1-1.25 ગણાથી નીચે અને વ્યાજ સુરક્ષિતતા રેશિયો 8 ગણાથી વધુ રહેવાની ધારણા છે.”

વેદાંતા ઓઇલ એન્ડ ગેસ: ચોખ્ખી રોકડ સ્થિતિ અને અસાધારણ નાણાકીય મજબૂતાઈ

વેદાંતા ઓઈલ એન્ડ ગેસ સમગ્ર પોર્ટફોલિયોમાં સૌથી મજબૂત શાખ ધરાવતી કંપનીઓમાંની એક તરીકે ઉભરી આવી છે. ક્રિસિલ દ્વારા જણાવાયું છે કે: “વિભાજિત માળખા હેઠળ, કંપનીએ નાણાકીય વર્ષ 2026 માં આશરે રૂ. 4,350 કરોડનું અંદાજિત EBITDA નોંધાવ્યું છે. વિભાજન પછી, આ કંપનીને મર્યાદિત દેવાની ફાળવણી કરવામાં આવી છે, જેના પરિણામે તે ચોખ્ખી રોકડ સ્થિતિમાં આવી ગઈ છે.”

આ ઉપરાંત, ક્રિસિલ દ્વારા પુષ્ટિ કરવામાં આવી છે કે: “મધ્યમ ગાળામાં દેવાનું સ્તર વ્યાપકપણે સ્થિર રહેવાની અને EBITDA ની સામે ચોખ્ખું દેવું નકારાત્મક રહેવાની અપેક્ષા છે“ જે વેદાંતા ઓઇલ એન્ડ ગેસના મજબૂત રોકડ પ્રવાહ સર્જવાની ક્ષમતા અને શિસ્તબદ્ધ મૂડી ફાળવણીને પ્રતિબિંબિત કરે છે.

વેદાંતા પાવર: મજબૂત કરારબદ્ધ રોકડ પ્રવાહના આધારે રેટિંગમાં સુધારો

બાંયધરીકર્તા વેદાંતા લિમિટેડના રેટિંગમાં થયેલા સુધારાના સીધા પરિણામે વેદાંતા પાવરની બાંયધરીકૃત લાંબાગાળાની બેંક સુવિધાઓનું રેટિંગ પણ અપગ્રેડ કરીને AA+(CE) કરવામાં આવ્યું છે. ક્રિસિલ દ્વારા નોંધવામાં આવ્યું છે કે કંપની “મજબૂત કરારબદ્ધ પોર્ટફોલિયો અને ઇંધણ સુરક્ષા વ્યવસ્થાઓ“ ધરાવે છે, જેમાં તેના મુખ્ય તલવંડી સાબો પ્લાન્ટે નાણાકીય વર્ષ 2026 માં 83% ની પ્લાન્ટ ઉપલબ્ધતા જાળવી રાખી છે. આ ઉપલબ્ધતા તેના 25 વર્ષના PPA હેઠળ સંપૂર્ણ નિયત-ખર્ચ વસૂલાત માટે જરૂરી 80% ની નિયમનકારી મર્યાદા કરતાં આરામદાયક રીતે વધુ છે.

સમગ્ર ગ્રૂપમાં નાણાકીય લવચીકતા

ક્રિસિલ દ્વારા ગ્રૂપની સમગ્ર મજબૂતાઈ પર ભાર મૂકતા જણાવાયું છે કે: “વેદાંતા ગ્રૂપ જસત, ચાંદી, સીસું, એલ્યુમિનિયમ, તાંબું અને નિકલ જેવી વિવિધ ધાતુઓનું વૈવિધ્યસભર પોર્ટફોલિયો ધરાવે છે. ઘરેલું એલ્યુમિનિયમ અને જસત વ્યવસાયોમાં મજબૂત બજાર હિસ્સા સાથે મોટા પાયાની કામગીરી અને આ ક્ષેત્રોમાં ખર્ચ–કાર્યક્ષમ કામગીરી ગ્રૂપના કામગીરીના માળખાને વધુ મજબૂત બનાવે છે.”

પેરેન્ટ કંપની, વેદાંતા રિસોર્સિસની સ્થિતિ અંગે ક્રિસિલ દ્વારા નોંધવામાં આવ્યું છે કે: “વિભાજન પછી ગ્રૂપની નાણાકીય લવચીકતામાં નોંધપાત્ર સુધારો થયો છે, કારણ કે વિભાજિત કંપનીઓમાં વેદાંતા રિસોર્સિસની શેરહોલ્ડિંગનું જંગી બજાર મૂલ્ય 30 જૂન, 2026 ના રોજ તેના ચોખ્ખા દેવાની સામે આશરે 5.6 ગણું બજાર મૂલ્ય સંરક્ષણ પૂરું પાડે છે.”