ઇન-હાઉસ AI પ્લેટફોર્મ ભારતની ભાષાકીય વિવિધતાને સ્વીકારીને 22 ભાષાઓમાં રિયલ-ટાઇમ, લો-લેટન્સી દ્વિ-માર્ગી સંચારને સક્ષમ બનાવે છે

બેંક ઓફ બરોડાએ તેના ‘bob SAMVAD’ (બોબ સંવાદ)નું અનાવરણ કર્યું છે, જેને 28 માર્ચ 2026ના રોજ મુંબઈમાં નાણા મંત્રાલયના નાણાકીય સેવા વિભાગ (DFS) ના સચિવ શ્રી એમ. નાગરાજ દ્વારા ઔપચારિક રીતે લોન્ચ કરવામાં આવ્યું હતું.
આ પ્લેટફોર્મ ઉદ્યોગનું પ્રથમ AI-સંચાલિત બહુભાષી કન્વર્સેશનલ પ્લેટફોર્મ છે, જેનો ઉદ્દેશ્ય બેંકની શાખાઓમાં ગ્રાહકો સાથેના સંપર્કને સંપૂર્ણપણે બદલી નાખવાનો છે. ભાષાના અવરોધોને દૂર કરવા માટે રચાયેલ આ પ્લેટફોર્મ ગ્રાહકો અને શાખાના સ્ટાફને તેમની પસંદગીની ભાષામાં એકબીજા સાથે સરળતાથી વાતચીત કરવા સક્ષમ બનાવે છે.
નાણાકીય સેવા વિભાગના સચિવ શ્રી એમ. નાગરાજુએ આ લોન્ચિંગ બદલ બેંક ઓફ બરોડાને અભિનંદન પાઠવ્યા હતા. તેમણે બેંકિંગમાં ભાષાના અવરોધને દૂર કરવા અને ગ્રાહક અનુભવને વધારવા માટે ટેકનોલોજીના નવીન ઉપયોગ બદલ બેંકની પ્રશંસા કરી હતી.
શ્રી નાગરાજુએ જણાવ્યું હતું કે, “bob SAMVAD વધુ સર્વસમાવેશક અને સુલભ સેવા વિતરણને પ્રોત્સાહન આપશે અને શાખાઓમાં ગ્રાહક સેવામાં સુધારો કરવામાં મદદ કરશે. આ પહેલે બેંકિંગ ક્ષેત્ર માટે એક નવો બેન્ચમાર્ક સ્થાપિત કર્યો છે.”
શ્રી નાગરાજુએ ‘bob Forest’ (બોબ ફોરેસ્ટ)ની પણ મુલાકાત લીધી હતી. ‘bob Earth’, ગ્રીન ડિપોઝિટ અને ગ્રીન બોન્ડ્સ પછી બેંકની આ અન્ય એક હરિયાળી પહેલ છે, જે બેંકની ટકાઉપણા (Sustainability) અને એકંદર ESG લક્ષ્યો પ્રત્યેની પ્રતિબદ્ધતા દર્શાવે છે. ‘bob Forest’ એ મુંબઈમાં બેંક ઓફ બરોડાની BKC ઓફિસમાં બનાવવામાં આવેલી 6,000 ચોરસ ફૂટની હરિયાળી ઓએસિસ છે જે જૈવવિવિધતા અને સ્વચ્છ હવાને પ્રોત્સાહન આપે છે.
લોન્ચિંગ અંગે ટિપ્પણી કરતા બેંક ઓફ બરોડાના મેનેજિંગ ડિરેક્ટર અને CEO ડૉ. દેબદત્ત ચંદે જણાવ્યું હતું કે, “bob SAMVAD સાથે, બેંક ઓફ બરોડા સ્થાનિક ભાષાઓમાં રિયલ-ટાઇમ સંવાદને સક્ષમ બનાવીને અમારી શાખાઓને વધુ સમાવેશી અને ગ્રાહક-મૈત્રીપૂર્ણ બનાવવા માટે AI નો ઉપયોગ કરી રહી છે. આ પહેલ ટેકનોલોજીને ગ્રાહક-કેન્દ્રિત ડિઝાઈન સાથે જોડીને કાર્યકારી ઉત્કૃષ્ટતા પ્રત્યેની અમારી પ્રતિબદ્ધતા દર્શાવે છે.”
સંપૂર્ણપણે ઇન-હાઉસ (બેંક દ્વારા પોતાની રીતે) વિકસિત ‘bob SAMVAD’ ભારતની ભાષાકીય વિવિધતાને અપનાવીને સંદર્ભિત ચોકસાઈ અને કુદરતી પ્રવાહ સાથે 22 ભાષાઓમાં રિયલ-ટાઇમ, લો-લેટન્સી, દ્વિ-માર્ગી સંચારને સક્ષમ કરવા માટે AI-સંચાલિત સ્પીચ અને લેંગ્વેજ ટેકનોલોજીનો ઉપયોગ કરે છે.
સર્વિસ કાઉન્ટર પર, આ એપ્લિકેશન ગ્રાહકો અને શાખાના સ્ટાફ વચ્ચે સીમલેસ કમ્યુનિકેશન સક્ષમ બનાવે છે, ભલે તેઓ અલગ-અલગ ભાષાઓ બોલતા હોય. ગ્રાહકો તેમની પસંદગીની ભાષામાં પ્રશ્નો બોલી અથવા ઇનપુટ કરી શકે છે, જે તરત જ સ્ટાફ મેમ્બરની પસંદ કરેલી ભાષામાં અનુવાદિત થઈ જાય છે અને તેનાથી ઉલટું પણ શક્ય છે. આનાથી રિયલ-ટાઇમ સંવાદ સરળ બને છે અને સચોટ સમજણ તથા કાર્યક્ષમ સેવા વિતરણ સુનિશ્ચિત થાય છે. આ સંવાદ સ્ક્રીન પર ટેક્સ્ટ (લખાણ) તરીકે

પ્રદર્શિત થાય છે, જેમાં વૈકલ્પિક વૉઇસ મોડ પણ છે જે ટેક્સ્ટને સ્પીચમાં રૂપાંતરિત કરે છે — જે ગ્રાહકો વાંચવાને બદલે ઓડિયો પસંદ કરે છે તેમના માટે તે સંપૂર્ણપણે સુલભ બને છે.
પ્રથમ તબક્કામાં, ‘bob SAMVAD’ તમિલનાડુ, કર્ણાટક, તેલંગાણા, આંધ્રપ્રદેશ અને મહારાષ્ટ્રની 250 શાખાઓમાં લાગુ કરવામાં આવશે. ત્યારબાદ, બેંકના સમગ્ર બ્રાન્ચ નેટવર્ક પર તબક્કાવાર મોટા પાયે આ સિસ્ટમ કાર્યરત કરવામાં આવશે.