- PRISM 2026 એ ઇન્ડસ્ટ્રી-લેડ સ્કીલિંગ મોડલ્સ, વર્કફોર્સ ટ્રાન્સફોર્મેશન અને લોજિસ્ટિક્સ ટ્રેનિંગમાં શ્રેષ્ઠતા પર ભાર મૂક્યો
અમદાવાદ, 24 જુલાઈ 2026: લોજિસ્ટિક્સ સેક્ટર સ્કીલ કાઉન્સિલ (LSC) દ્વારા CII ઇન્સ્ટિટ્યૂટ ઓફ લોજિસ્ટિક્સના સહયોગથી આયોજિત PRISM 2026 – પાવરિંગ રેકગ્નિશન: ઇન્ડિયાઝ સ્કીલ મૂવમેન્ટ પરિષદનું સફળતાપૂર્વક આયોજન કરવામાં આવ્યું હતું. આ કાર્યક્રમમાં ઈન્ડસ્ટ્રી લીડર્સ, ઉદ્યોગ સાહસિકો, એમ્પ્લોયર્સ, શિક્ષણશાસ્ત્રીઓ, ટ્રેનિંગ પાર્ટનર્સ, એસેસમેન્ટ બોડીઝ અને લોજિસ્ટિક્સ ક્ષેત્રના અન્ય પ્રમુખ સ્ટેકહોલ્ડર્સ એકમંચ પર આવ્યા હતા. કાર્યક્રમનો મુખ્ય ઉદ્દેશ્ય ફ્યુચર રેડી વર્કફોર્સનું નિર્માણ કરવા પર ચર્ચા કરવાનો અને સમગ્ર ભારતમાં લોજિસ્ટિક્સ સ્કિલ ડેવલોપમેન્ટમાં શ્રેષ્ઠ કામગીરીનું સન્માન કરવાનો હતો.
ઇનોગ્યુરલ સેશનમાં લોજિસ્ટિક્સ સેક્ટર સ્કીલ કાઉન્સિલના ચીફ એક્ઝિક્યુટિવ ઓફિસર શ્રી રવિકાંત યમર્થીએ સ્વાગત પ્રવચન આપ્યું હતું, ત્યારબાદ CII ઇન્સ્ટિટ્યૂટ ઓફ લોજિસ્ટિક્સના એક્ઝિક્યુટિવ ડિરેક્ટર શ્રી કે. વી. મહિધરે થીમ એડ્રેસ રજૂ કર્યું હતું. ભારત સરકારના ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (DPIIT) ના ડિપ્યુટી ડિરેક્ટર (લોજિસ્ટિક્સ) શ્રી પ્રવીણ કુમારે વિશેષ સંબોધન કર્યું હતું, જ્યારે નેશનલ સ્કીલ ડેવલપમેન્ટ કોર્પોરેશન (NSDC) ના ડિપ્યુટી જનરલ મેનેજર – SSC કોલેબોરેશન શ્રીમતી આરતી નંદીએ ઉદ્ઘાટન પ્રવચન આપ્યું હતું. આ સત્રનું સમાપન લોજિસ્ટિક્સ સેક્ટર સ્કીલ કાઉન્સિલના સીઈઓ શ્રી રવિકાંત યમર્થીના આભાર દર્શન સાથે થયું હતું.
રાષ્ટ્રીય પરિષદે ઇન્ડસ્ટ્રી-લીડ સ્કીલિંગ, ટેક્નોલોજી-આધારિત શિક્ષણ અને સહયોગી ઇકોસિસ્ટમના માધ્યમથી ભારતની લોજિસ્ટિક્સ પ્રતિભા પાઇપલાઇનને મજબૂત કરવાનું કામ કર્યું હતું. નિષ્ણાતોની ચર્ચા અને PRISM એવોર્ડ્સ દ્વારા, કાર્યક્રમમાં ભારતના આર્થિક વિકાસના લક્ષ્યોને અનુરૂપ વૈશ્વિક સ્તરે સ્પર્ધાત્મક લોજિસ્ટિક્સ વર્કફોર્સ તૈયાર કરવા માટેના સ્કેલેબલ મોડલ્સ અને શ્રેષ્ઠ પદ્ધતિઓ પ્રદર્શિત કરવામાં આવી હતી.
સભાને સંબોધતા DPIIT ના ડિપ્યુટી ડિરેક્ટર (લોજિસ્ટિક્સ) શ્રી પ્રવીણ કુમારે જણાવ્યું હતું કે, “નેશનલ લોજિસ્ટિક્સ પોલિસી હેઠળ ભારતનું લોજિસ્ટિક્સ ટ્રાન્સફોર્મેશન ઇન્ફ્રાસ્ટ્રક્ચર, મલ્ટિમોડલ કનેક્ટિવિટી, ડિજિટલાઇઝેશન અને પ્રોસેસ રિફોર્મ્સમાં રોકાણ દ્વારા સંચાલિત થઈ રહ્યું છે. જોકે, આ પહેલો ત્યારે જ પોતાની પૂર્ણ ક્ષમતા પ્રાપ્ત કરી શકે છે જ્યારે તેમને એક કુશળ અને ભવિષ્ય માટે સક્ષમ કાર્યબળનો સપોર્ટ મળે. નેશનલ લોજિસ્ટિક્સ વર્કફોર્સ ડેવલપમેન્ટ સ્ટ્રેટેજી અને લોજિસ્ટિક્સ સેક્ટર સ્કીલ કાઉન્સિલ દ્વારા હાથ ધરવામાં આવેલ સ્કીલ ગેપ સ્ટડી આ ક્ષેત્રના ભવિષ્યના વિકાસ માટે જરૂરી કૌશલ્ય પ્રાપ્ત કરવાનો એક મજબૂત રોડમેપ પૂરો પાડે છે. DPIIT સ્કિલ ડેવલપમેન્ટ અને એન્ટરપ્રિન્યોરશિપ મંત્રાલય, નેશનલ સ્કીલ ડેવલપમેન્ટ કોર્પોરેશન, લોજિસ્ટિક્સ સેક્ટર સ્કીલ કાઉન્સિલ અને ઉદ્યોગના સ્ટેકહોલ્ડર્સ સાથે મળીને નેશનલ લોજિસ્ટિક્સ પોલિસી અને વિકસિત ભારતના વિઝનને અનુરૂપ સ્કીલિંગ પહેલોનું સુમેળભર્યું અમલીકરણ સુનિશ્ચિત કરવા પ્રતિબદ્ધ છે.”
પ્રથમ પેનલ ડિસ્કશન, “બિલ્ડિંગ અ ફ્યુચર-રેડી લોજિસ્ટિક્સ વર્કફોર્સ: અંડરસ્ટેન્ડિંગ સ્કીલ ડિમાન્ડ એન્ડ સેક્ટોરલ ટ્રાન્સફોર્મેશન”, TCI સપ્લાય ચેઈન સોલ્યુશન્સના રીજનલ હેડ – વેસ્ટ (GM) શ્રી અભિષેક શ્રીવાસ્તવના અધ્યક્ષસ્થાને યોજાઈ હતી. આ પેનલમાં અરવિંદ લિમિટેડના હેડ – એજ્યુકેશન, કન્સલ્ટિંગ અને સ્કીલિંગ (ECS) શ્રી શિવાનંદ પાટીલ; સિમપોલો ટાઇલ્સ એન્ડ બાથવેરના ગ્રુપ ચીફ હ્યુમન રિસોર્સિસ ઓફિસર શ્રી સુભાનીશ મલ્હોત્રા; કૌશલ્યા – ધ સ્કીલ યુનિવર્સિટીના સ્કૂલ ઓફ મેનેજમેન્ટ એન્ડ ફાઇનાન્સના પ્રોફેસર ડૉ. આશિષ જોશી; અને ઝાયડસ બાયોલોજિક્સના હેડ ઓફ લર્નિંગ એન્ડ ડેવલપમેન્ટ શ્રી વિવેક શર્મા સામેલ હતા.
આ ચર્ચા દરમિયાન લોજિસ્ટિક્સના વિવિધ સબ-સેક્ટર્સમાં વર્કફોર્સ અને સ્કીલ ગેપ, એપ્રેન્ટિસશિપ અને ઓન-ધ-જોબ ટ્રેનિંગ મોડલ્સ, રિજનલ વર્કફોર્સ મોબિલિટી, ડિજિટલ ઇન્ક્લુઝન, ઉભરતી કૌશલ્ય જરૂરિયાતો અને રોજગાર ક્ષમતા સુધારવા માટે ઉદ્યોગ અને એકેડેમિયા વચ્ચેના મજબૂત સહયોગ પર વિગતવાર વિચાર-વિમર્શ કરવામાં આવ્યો હતો.
બીજી પેનલ ડિસ્કશન, “વર્કફોર્સ 4.0: પ્રિપેરિંગ લોજિસ્ટિક્સ ટેલેન્ટ ફોર AI, ઓટોમેશન, ઇન્ટેલિજન્ટ સપ્લાય ચેઇન્સ, ફ્યુચર ટ્રેજેક્ટોરીઝ એન્ડ ઇન્ટરનેશનલ મોબિલિટી”, JBS ગ્રુપ ઓફ કંપનીઝના ડિરેક્ટર શ્રી સમીર જે. શાહની અધ્યક્ષતામાં યોજાઈ હતી. પેનલિસ્ટોમાં ઇન્ટાસ ફાર્માસ્યુટિકલ્સના સીનિયર વાઇસ પ્રેસિડેન્ટ શ્રી સંજય એચ. દીક્ષિત; ટ્રાન્સફોર્મર્સ એન્ડ રેક્ટિફાયર્સ (ઇન્ડિયા) લિ.ના વાઇસ પ્રેસિડેન્ટ (હેડ – કમર્શિયલ, સપ્લાય ચેઇન અને લોજિસ્ટિક્સ) શ્રી મુકેશ નંદન ઝા; નિવેઆ ઇન્ડિયાના હેડ ઓફ ઓપરેશન્સ શ્રી પ્રવીણ કુમાર; અને અનિલ નાઇક ટેકનિકલ ટ્રેનિંગ સેન્ટરના કોર્સ કોઓર્ડિનેટર (સોલર અને લોજિસ્ટિક્સ) શ્રી અનુકૂળ યાદવ ઉપસ્થિત રહ્યા હતા.
આ સત્રમાં લોજિસ્ટિક્સ કામગીરી પર આર્ટિફિશિયલ ઇન્ટેલિજન્સ, ઓટોમેશન અને ડિજિટલ ટેક્નોલોજીઓની વધતી જતી અસર, નવી જોબ પ્રોફાઇલ્સ, આંતરરાષ્ટ્રીય વર્કફોર્સ મોબિલિટી, માનવ અને મશીન વચ્ચેનું સંકલન તેમજ ટેક્નોલોજી-સંચાલિત સપ્લાય ચેઇન માટે જરૂરી ક્ષમતાઓનું પૃથક્કરણ કરવામાં આવ્યું હતું.
કોન્ફરન્સમાં “ધ SSC ટૂલકિટ – સોલ્વિંગ ઇન્ડસ્ટ્રી સ્કીલિંગ ગ્રિવેન્સિસ એન્ડ મેક્સિમાઇઝિંગ ગવર્નમેન્ટ સ્કીમ્સ એન્ડ પોલિસી ઇન્સેન્ટિવ્સ ઇમ્પ્લીમેન્ટેશન સપોર્ટ” પર પણ એક વિશેષ સત્ર યોજાયું હતું, જેમાં નેશનલ સ્કીલ ડેવલપમેન્ટ કોર્પોરેશન અને લોજિસ્ટિક્સ સેક્ટર સ્કીલ કાઉન્સિલ દ્વારા પ્રેઝન્ટેશન આપવામાં આવ્યા હતા. આ સત્રમાં પ્રધાનમંત્રી કૌશલ વિકાસ યોજના (PMKVY), નેશનલ એપ્રેન્ટિસશિપ પ્રમોશન સ્કીમ (NAPS), PM-SETU અને એપ્રેન્ટિસશિપ એમ્બેડેડ ડિગ્રી પ્રોગ્રામ (AEDP) સહિતની સરકારી પહેલો પર પ્રકાશ પાડવામાં આવ્યો હતો અને ઇન્ડસ્ટ્રી સ્ટેકહોલ્ડર્સને મળતા અમલીકરણ સપોર્ટ વિશે વિગતવાર માહિતી આપવામાં આવી હતી.
આ પ્રસંગે બોલતા લોજિસ્ટિક્સ સેક્ટર સ્કીલ કાઉન્સિલના ચીફ એક્ઝિક્યુટિવ ઓફિસર શ્રી રવિકાંત યમર્થીએ જણાવ્યું હતું કે, “ભારતનું લોજિસ્ટિક્સ ક્ષેત્ર ઇન્ફ્રાસ્ટ્રક્ચર વિકાસ, ડિજિટલ ટેક્નોલોજી, ઓટોમેશન અને વિસ્તરતી મલ્ટિમોડલ કનેક્ટિવિટીના કારણે ઝડપી પરિવર્તનમાંથી પસાર થઈ રહ્યું છે. આ ગતિને જાળવી રાખવા માટે ઉદ્યોગને એવા વર્કફોર્સની જરૂર છે જે કૌશલ્યપૂર્ણ, અનુકૂલનશીલ (adaptable) અને ભવિષ્યની જરૂરિયાતો માટે તૈયાર હોય. લોજિસ્ટિક્સ સેક્ટર સ્કીલ કાઉન્સિલ ઓક્યુપેશનલ સ્ટાન્ડર્ડ્સ, સર્ટિફિકેશન્સ, એપ્રેન્ટિસશિપ અને એકેડેમિયા તેમજ ઇન્ડસ્ટ્રી સાથેની ભાગીદારી દ્વારા ક્ષેત્રની જરૂરિયાતોને રાષ્ટ્રીય સ્કીલિંગ ઇકોસિસ્ટમ સાથે જોડવા માટે વચનબદ્ધ છે. જેમ જેમ ટેક્નોલોજી લોજિસ્ટિક્સને નવું સ્વરૂપ આપી રહી છે, તેમ સતત અપસ્કીલિંગ, ઉદ્યોગોની વધુ ભાગીદારી અને વર્કફોર્સમાં મહિલાઓનો વધતો સમાવેશ એ વૈશ્વિક સ્તરે સ્પર્ધાત્મક લોજિસ્ટિક્સ ઇકોસિસ્ટમ બનાવવા માટે અનિવાર્ય બનશે. PRISM આ ભાગીદારીને મજબૂત કરવા અને ભારતના લોજિસ્ટિક્સ તથા આર્થિક લક્ષ્યાંકોને અનુરૂપ વર્કફોર્સ ટ્રાન્સફોર્મેશનને ઝડપી બનાવવા માટે એક સશક્ત મંચ પૂરો પાડે છે.”
કાર્યક્રમનું સમાપન PRISM એવોર્ડ્સ સાથે થયું હતું, જેમાં ઇન્ડસ્ટ્રી એન્ડ એમ્પ્લોયર રેકગ્નિશન, એકેડેમિયા રેકગ્નિશન અને ટ્રેનિંગ પાર્ટનર રેકગ્નિશન જેવી વિવિધ શ્રેણીઓમાં લોજિસ્ટિક્સ કૌશલ્ય વિકાસમાં ઉત્કૃષ્ટ પ્રદાન આપનાર સંસ્થાઓનું સન્માન કરવામાં આવ્યું હતું. આ એવોર્ડ્સે એવી અસરકારક પહેલોની સરાહના કરી હતી જેણે માપી શકાય તેવા પરિણામો આપ્યા છે, ઉદ્યોગની સુસંગતતા મજબૂત કરી છે અને ભવિષ્ય માટે સક્ષમ લોજિસ્ટિક્સ વર્કફોર્સના નિર્માણમાં યોગદાન આપ્યું છે.
PRISM 2026 એ વર્કફોર્સ ટ્રાન્સફોર્મેશનને વેગ આપવા અને ભારતને કુશળ લોજિસ્ટિક્સ પ્રતિભાઓના વૈશ્વિક હબ તરીકે સ્થાપિત કરવા માટે સરકાર, ઉદ્યોગ, એકેડેમિયા અને સમગ્ર સ્કીલિંગ ઇકોસિસ્ટમ વચ્ચે સતત સહયોગના મહત્વને પુનઃસ્થાપિત કર્યું હતું.