નવી દિલ્હી: દિલ્હીના મુખ્યમંત્રી રેખા ગુપ્તા પર બુધવાર સવારે થયેલા હુમલાને લઈને રાજકારણ ગરમાઈ રહ્યું છે. આરોપીની ઓળખ રાજકોટના રહેવાસી રાજેશભાઈ ખિમજી ભાઈ સકારિયા (41 વર્ષ) તરીકે થઈ છે. પોલીસે તેની તરત ધરપકડ કરી સિવિલ લાઈન્સ ચોકીએ પહોંચી. મોતીનગરથી ભાજપના ધારાસભ્ય હરીશ ખુરાનાએ સોશિયલ મીડિયા પર એક તસવીર શેર કરી છે, જેમાં આરોપી રાજેશ ભાઈ આમ આદમી પાર્ટીના નેતા ગોપાલ ઈટાલિયા સાથે દેખાઈ રહ્યા છે. ખુરાનાએ ડાયરેક્ટ આરોપ લગાવ્યો છે કે, આ હુમલો આમ આદમી પાર્ટી સાથે જોડાયેલો છે. તેમણે લખ્યું કે, જેની શંકા હતી એ જ થયું. કેજરીવાલજી, પ્લીઝ એક્સપ્લેન- યહ રિશ્તા ક્યા કહલાતા હૈ. દિલ્હી સરકારમાં મંત્રી મનજિંદર સિંહ સિસરાએ પણ આપ સુપ્રીમો અરવિંદ કેજરીવાલ પર ટાર્ગેટ કર્યો હતો. પોલીસ સૂત્રોના જણાવ્યા અનુસાર, મુખ્યમંત્રી દર બુધવારે સવારે પોતાના રાજનિવાસ માર્ગ સ્થિત કેમ્પ ઓફિસમાં જનતા દરબાર લગાવે છે. સવારે 7 વાગ્યે શરુ થયેલી જનસુનાવણી દરમ્યાન રાજેશે પહેલા થોડા કાગળ સીએમને આપ્યા અને એક કોર્ટની મેટરનો હવાલો આપ્યો. બાદમાં અચાનક એક ભારે વસ્તુ ફેંકીને હુમલો કરી દીધો. હાલમાં તેઓ ડોક્ટરની દેખરેખ હેઠળ છે.