આગામી ૭ ઓગસ્ટે થિયેટરોમાં ધમાકેદાર રિલીઝ થવા જઈ રહેલી ફિલ્મ ‘ઓહ માય ડોગ’ (Ohh My Dog) માટે અમદાવાદ ખાતે એક ખાસ પ્રી-રિલીઝ સ્ક્રીનિંગનું આયોજન કરવામાં આવ્યું હતું, જ્યાં ઉપસ્થિત દર્શકો તરફથી આ ફિલ્મને અદભુત પ્રતિસાદ સાંપડ્યો છે. ફિલ્મના દિલચસ્પ વાર્તાતંતુ, ભાવનાત્મક ઊંડાણ અને દયા, કરુણા તથા માનવ અને શ્વાન વચ્ચેના અકબંધ સંબંધોના સુંદર સંદેશાને પ્રેક્ષકોએ ખૂબ બિરદાવ્યો હતો.
આ પ્રી-રિલીઝ સ્ક્રીનિંગ દરમિયાન દર્શકોમાં અભૂતપૂર્વ ઉત્સાહ જોવા મળ્યો હતો. ફિલ્મના સંવેદનશીલ કથાનક અને પારિવારિક મનોરંજન સાથે દર્શકો ભાવાત્મક રીતે સીધા જોડાઈ ગયા હતા. સ્ક્રીનિંગ બાદ દર્શકો તરફથી મળેલા આ ઉત્સાહજનક પ્રતિસાદ અને પોઝિટિવ માઉથ પબ્લિસિટીને કારણે ફિલ્મની રિલીઝને લઈને ઉત્સુકતામાં વધારો થયો છે.
ફિલ્મના ટ્રેલરને મળેલા જબરદસ્ત પ્રતિસાદ બાદ, ‘ઓહ માય ડોગ’ તેની અર્થસભર અને દિલને સ્પર્શી જાય તેવી વાર્તા માટે સતત પ્રશંસા મેળવી રહી છે. હવે જ્યારે ફિલ્મ સિનેમાઘરોમાં રિલીઝ થવા માટે સજ્જ છે, ત્યારે અમદાવાદના દર્શકો તરફથી મળેલા આ માયાળુ પ્રેમ અને આવકારે દર્શકોમાં આતુરતા વધારી દીધી છે.
બાબુલાલ બાયોસ્કોપ અને થિંકિંગ હેટ્સ એન્ટરટેઈનમેન્ટના બેનર હેઠળ નિર્માતા અમિત રાય, રાજેશ ભારદ્વાજ અને સના વારસી દ્વારા નિર્મિત આ ફિલ્મમાં માહી રાય, પંકજ ત્રિપાઠી, ગીતા અગ્રવાલ શર્મા, રાજેશ કુમાર, પવન મલ્હોત્રા, સુલક્ષણા બરુઆ અને વિજય મિશ્રા મુખ્ય ભૂમિકામાં છે. આ સિવાય ફિલ્મનું મુખ્ય આકર્ષણ કેનાઈન સ્ટાર્સ ‘ઓસ્કાર’ અને ‘બ્રુનો’ સાથે ૨૫૦થી વધુ શ્વાન છે.
૭મી ઓગસ્ટે થિયેટરોમાં રિલીઝ થઈ રહેલી ‘ઓહ માય ડોગ’ ફિલ્મ તમામ વયજૂથના દર્શકો માટે એક અત્યંત લાગણીસભર, પારિવારિક અને મનોરંજક અનુભવ પૂરો પાડવાનું વચન આપે છે.