વિનફાસ્ટે ભારતમાં તેની અત્યંત આતુરતાથી રાહ જોવાઈ રહેલી પ્રીમિયમ ઇલેક્ટ્રિક એસયુવીની સત્તાવારપણે રજૂઆત કરી દીધી છેઃ સ્લીક, સ્માર્ટ વીએફ 6 અને સ્પોર્ટી સોફિસ્ટિકેટેડ વીએફ 7. ભારતના ઝડપથી વિસ્તરી રહેલા ઇવી માર્કેટમાં વિનફાસ્ટે રજૂ કરેલા પહેલા મોડલ્સ સાથે આ લોન્ચ ટકાઉ અને ગ્રીન મોબિલિટી તરફ દેશના સંક્રમણને ટેકો આપવા માટે કંપનીની મજબૂત પ્રતિબદ્ધતા દર્શાવે છે અને વિનફાસ્ટને દેશના ઇવી ભવિષ્યને આકાર આપવામાં મહત્વની કંપની તરીકે રજૂ કરે છે.
ભારતીય ગ્રાહકો ઇવીને તેના પર્ફોર્મન્સ, ટકાઉપણા અને ટેક્નોલોજી માટે પસંદ કરી રહ્યા છે ત્યારે વિનફાસ્ટ ભારતીય ગ્રાહકોની અનોખી અપેક્ષાઓને સંતોષવા માટે બનાવાયેલી બે પ્રીમિયમ એસયુવી વીએફ 6 અને વીએફ 7 સાથે આગળ આવી છે. રેન્જ અને કમ્ફર્ટથી માંડીને સેફ્ટી અને ફીચર્સ સુધી આ મોડલ્સ પ્રીમિયમ ઇવી માલિકીને પુનઃવ્યાખ્યાયિત કરવા માટે બનાવાયેલા છે. આ લોન્ચ સાથે વિનફાસ્ટ આ પરિવર્તનમાં એક ઉત્પ્રેરક તરીકે પોતાને સ્થાન આપવા માંગે છે જે ભારતીય ગ્રાહકોની વિવિધ જરૂરિયાતો સંતોષવા માટે આંતરરાષ્ટ્રીય નિપુણતાને મજબૂત સ્થાનિક હાજરી સાથે ભેળવે છે. આ લોન્ચ સાથે વિનફાસ્ટ એશિયાના સીઈઓ શ્રી ફામ સાન્હ ચાઉએ જણાવ્યું હતું કે આજે આ કારનું લોન્ચિંગ એક મહત્વપૂર્ણ સીમાચિહ્ન છે. આ માત્ર ભારતમાં બનેલી જ નહીં પરંતુ ભારતીયો દ્વારા અને ભારતીયો માટે બનેલી કાર છે. અમે ભારતીય પરિવરો માટે કાળજીપૂર્વક ડિઝાઇન કરેલી સંપૂર્ણ ઇલેક્ટ્રિક મોબિલિટી ઇકોસિસ્ટમ રજૂ કરી રહ્યા છીએ. વીએફ 6 અને વીએફ 7 ભારતીય ગ્રાહકો હંમેશા ઇચ્છે તેવી પ્રેક્ટિકલ ડિઝાઇન, પ્રીમિયમ ક્વોલિટી અને અત્યાધુનિક ટેક્નોલોજીનો સંપૂર્ણ સમન્વય ધરાવે છે. અમારા અત્યાધુનિક થૂથુકુડી પ્લાન્ટ અને મજબૂત ઇકોસિસ્ટમ પાર્ટનર્સના સમર્થન સાથે અમે ઇલેક્ટ્રિક મોબિલિટીમાં ગ્લોબલ લીડર બનવાના ભારતના વિઝનને ટેકો આપવા માટે સમર્પિત છીએ.