વિરાટ કોહલીએ ટેસ્ટ ક્રિકેટમાંથી નિવૃત્તિ લીધી છે. કોહલીએ સોમવારે ઇન્સ્ટાગ્રામ પર લખ્યું- ટેસ્ટ ક્રિકેટે મારી કસોટી કરી છે, મને આકાર આપ્યો છે, મને એવા પાઠ શીખવ્યા છે જે હું જીવનભર યાદ રાખીશ.વિરાટ કોહલીએ 10 મેના રોજ BCCIને કહ્યું હતું કે હું ટેસ્ટ ક્રિકેટમાંથી નિવૃત્તિ લેવા માંગુ છું. BCCIએ કોહલીને પોતાના નિર્ણય પર પુનર્વિચાર કરવા કહ્યું હતું. 11 મેના રોજ બોર્ડના એક અધિકારીએ તેમની સાથે વાત કરી.વિરાટ કોહલીએ 123 ટેસ્ટ મેચ રમી છે, જેમાં 30 સદી અને 31 અડધી સદી ફટકારી છે. વિરાટે 7 બેવડી સદી ફટકારી છે. તેમને 2017 અને 2018માં ટેસ્ટ પ્લેયર ઓફ ધ યર તરીકે પસંદ કર્યો હતો.વિરાટે લખ્યું, ‘મેં 14 વર્ષ પહેલા ટેસ્ટ ક્રિકેટમાં પહેલીવાર બેગી બ્લુ જર્સી પહેરી હતી. સાચું કહું તો, મેં ક્યારેય કલ્પના પણ નહોતી કરી કે આ ફોર્મેટ મને આવી સફર પર લઈ જશે. તેણે મારી કસોટી કરી, મને વ્યાખ્યાયિત કર્યો, અને મને એવા પાઠ શીખવ્યા જે હું મારા બાકીના જીવન માટે મારી સાથે રાખીશ.વ્હાઇટ જર્સીમાં રમવું એ મારા માટે ખૂબ જ ખાસ અને વ્યક્તિગત અનુભવ છે. મહેનત, લાંબા દિવસો, નાની ક્ષણો જે કોઈ જોતું નથી, પણ તે હંમેશા તમારી સાથે રહે છે.જેમ જેમ હું આ ફોર્મેટથી દૂર જઈ રહ્યો છું, તે સરળ નથી, પરંતુ હાલમાં તે યોગ્ય લાગે છે. મેં મારું સર્વસ્વ આપી દીધું છે અને તેણે મને મારી અપેક્ષા કરતાં વધુ આપ્યું છે.હું રમત માટે, મેદાન પરના લોકો માટે અને આ સફરમાં મને સપોર્ટ આપનારા દરેકનો આભારી છું. હું હંમેશા મારા ટેસ્ટ કારકિર્દીને સ્મિત સાથે જોઈશ. તેણે આગળ પોતાનો જર્સી નંબર ‘269’ લખ્યો અને ‘સાઇનિંગ ઓફ’ લખ્યું.BCCIએ વિરાટ કોહલીનો આભાર માન્યો. બોર્ડે લખ્યું- ટેસ્ટ ક્રિકેટમાં એક યુગનો અંત આવ્યો છે, પરંતુ વારસો ચાલુ રહેશે. ટીમ ઈન્ડિયામાં તેમણે આપેલું યોગદાન હંમેશા યાદ રાખવામાં આવશે.

ટેસ્ટમાં ધોની અને રોહિતથી આગળ વિરાટ; બધી ઘરઆંગણેની સિરીઝ જીતી

• વિરાટ કોહલીએ કેપ્ટન તરીકે ક્યારેય ICC ટુર્નામેન્ટ જીતી નથી. ટેસ્ટ ક્રિકેટમાં લીડર તરીકે, તે ધોની અને રોહિત બંનેથી આગળ છે. કોહલીએ ઘરઆંગણે બધી 11 સિરીઝ જીતી હતી. ધોની અને રોહિત બંનેની કેપ્ટનશીપ હેઠળ, ભારતને ઘરઆંગણે ટેસ્ટ સિરીઝમાં હારનો સામનો કરવો પડ્યો હતો. રોહિતની કેપ્ટનશીપમાં ન્યૂઝીલેન્ડ સામે ક્લીન સ્વીપનો પણ સમાવેશ થાય છે.
• કોહલીએ 2015માં સાઉથ આફ્રિકા સામે ઘરઆંગણે પહેલી વાર કેપ્ટનશીપ કરી હતી. ભારતે 4 ટેસ્ટ મેચની સિરીઝ 3-0થી જીતી હતી. આ પછી, કોહલીની કેપ્ટનશીપ હેઠળ, ટીમે ઘરઆંગણે બધી ટેસ્ટ સિરીઝ જીતી.