હરિયાણામાં 5 ઓક્ટોબરે 90 વિધાનસભા બેઠક પર ચૂંટણી યોજાવાની છે. આ ચૂંટણી પહેલાં જ અનેક રાજકીય પક્ષો એડીચોટીનું જોર લગાવી રહ્યા છે. એવામાં હરિયાણાના શાસક પક્ષના સમર્થનમાં ચાર વર્ષ સાથ નિભાવ્યા બાદ અલગ પડેલાં જેજેપી નેતાને છૂટા પડવાના નકારાત્મક પરિણામો જોવા મળી રહ્યા છે. જેજેપી પક્ષના ત્રણ બળવાખોર ધારાસભ્યો ભાજપમાં જોડાયા છે. ધારાસભ્યો અનૂપ ધનક, રામ કુમાર ગૌતમ અને જોગી રામ સિહાગ રવિવારે જીંદમાં એક રેલી દરમિયાન ભાજપમાં જોડાયા હતા.જેજેપીના ત્રણ ધારાસભ્યો ભાજપમાં જોડાયા બાદ વધુ અન્ય સભ્યો પણ ભાજપમાં જોડાવાના હોવાની અટકળોના પગલે વિધાનસભા ચૂંટણી પહેલા સત્તાધારી પક્ષ મજબૂત થશે. અંબાલાના મહાપોર શક્તિ રાની શર્મા, મુખ્યમંત્રી નાયબ સિંહ સૈની, પાર્ટીના પ્રદેશ અધ્યક્ષ મોહન લાલ બડોલી અને પક્ષના રાજ્ય બાબતોના કો-ઈન્ચાર્જ બિપ્લબ કુમાર દેબએ જીંદમાં આયોજિત ભાજપની રેલીમાં તેમનું સ્વાગત કર્યું. શક્તિ રાની શર્મા પૂર્વ કેન્દ્રીય મંત્રી વિનોદ શર્માની પત્ની છે.