મુંબઈ, 6 નવેમ્બર: મુંબઈના યુવા રેસર વિહાન જોશીએ પ્રથમ રાષ્ટ્રીય ચેમ્પિયનશિપનો ખિતાબ જીત્યો, જ્યારે NSCI ડોમ ખાતે યોજાયેલી સ્પર્ધામાં અગસ્ત્ય ઇવાન ક્રાસ્ટો અને હૃદાન સનાધ્યાએ અનુક્રમે બીજું અને ત્રીજું સ્થાન મેળવ્યું.મુંબઈ, 6 નવેમ્બર: F1® સિમ રેસિંગ ઇન્ડિયા ઓપન 2026 સાથે ફોર્મ્યુલા 1નું ભારતમાં પુનરાગમન થયું છે. મુંબઈના 10 વર્ષીય વિહાન જોશીએ NSCI ડોમ ખાતે યોજાયેલી નેશનલ ફાઇનલ્સમાં અંડર-15 કેટેગરીમાં ચેમ્પિયન બનીને ઇતિહાસ રચ્યો છે.
મુંબઈના જ અગસ્ત્ય ક્રાસ્ટોએ બીજું સ્થાન મેળવ્યું હતું, જ્યારે પુણેના હૃદાન સનાધ્યાએ ત્રીજું સ્થાન મેળવી જુનિયર કેટેગરીમાં પોડિયમ પૂર્ણ કર્યું હતું.
મુંબઈ ફાલ્કન્સ રેસિંગ લિમિટેડ (MFRL) દ્વારા ફોર્મ્યુલા 1ના સહયોગથી આયોજિત ઇન્ડિયા ઓપનમાં દેશભરમાં યોજાયેલી ક્વોલિફાઇંગ પ્રક્રિયા બાદ ભારતની કેટલીક પ્રતિભાશાળી યુવા સિમ રેસિંગ પ્રતિભાઓએ ભાગ લીધો હતો.
અંડર-15 નેશનલ ફાઇનલ્સમાં પસંદગી પામેલા 20 ડ્રાઇવરોએ વર્તમાન F1 રેસિંગ કેલેન્ડરના વિવિધ ટ્રેક પર સ્પર્ધા કરી હતી, જેમાં સામેલ હતા:
- આલ્બર્ટ પાર્ક સર્કિટ (ઓસ્ટ્રેલિયા)
- બહેરીન ઇન્ટરનેશનલ સર્કિટ (બહેરીન)
- સર્કિટ ગિલ્સ વિલેન્યૂવ (કેનેડા)
- સર્કિટ ડી બાર્સેલોના-કેટાલુન્યા (સ્પેન)
- ઓટોડ્રોમો હર્માનોસ રોડ્રિગેઝ (મેક્સિકો)
- યાસ મરિના સર્કિટ (UAE)
મુંબઈની પોદાર ORT ઇન્ટરનેશનલ સ્કૂલમાં અભ્યાસ કરતો વિહાન ક્વોલિફાઇંગના તમામ તબક્કાઓમાં અગ્રેસર રહ્યો હતો. ફાઇનલ્સમાં પણ તેણે પોતાની શાનદાર લય જાળવી રાખી હતી અને છમાંથી પાંચ રેસ જીતીને ચેમ્પિયનનો ખિતાબ પોતાના નામે કર્યો હતો.
અંડર-15 ચેમ્પિયનશિપ MFRLની વ્યાપક ‘વન ઇન અ બિલિયન’ પહેલનો એક ભાગ છે. આ પહેલનો હેતુ ભારતની પ્રતિભાશાળી રેસિંગ પ્રતિભાઓને ઓળખીને તેમને વિકસાવવાનો છે. શ્રેષ્ઠ પ્રદર્શન કરનારા જુનિયર રેસર્સને MFRLના કાર્ટિંગ કાર્યક્રમમાં આગળ વધવાની તક મળશે, જે સિમ રેસિંગથી વાસ્તવિક મોટરસ્પોર્ટ્સ સુધી પહોંચવાનો માર્ગ પૂરો પાડશે.
નેશનલ ચેમ્પિયનશિપની ઓપન કેટેગરીની સ્પર્ધા પણ આજે પૂર્ણ થશે, જેમાં પસંદગી પામેલા 20 ડ્રાઇવરો સિનિયર કેટેગરીના ખિતાબ માટે સ્પર્ધા કરશે. પ્રથમ બે સ્થાન મેળવનારા ડ્રાઇવરોને 7થી 9 નવેમ્બર દરમિયાન યોજાનારા ‘કપ ઑફ નેશન્સ’માં ભારતનું પ્રતિનિધિત્વ કરવાની તક મળશે. આ આંતરરાષ્ટ્રીય ટીમ ચેમ્પિયનશિપમાં વિશ્વભરના સિમ રેસિંગ સ્પર્ધકો ભાગ લેશે, જેમાં ભારત વૈશ્વિક સિમ રેસિંગના અગ્રણી સ્પર્ધકો સામે પડકાર રજૂ કરશે.
આ ઇવેન્ટ ભારતીય મોટરસ્પોર્ટ્સ માટે પ્રતિભાશાળી ખેલાડીઓની એક મજબૂત અને ટકાઉ પેઢી તૈયાર કરવાના MFRLના પ્રયાસોમાં એક મહત્ત્વપૂર્ણ પગલું છે. આગામી દાયકામાં ભારતને તેનો આગામી ફોર્મ્યુલા 1 ડ્રાઇવર આપવા માટે સક્ષમ બનાવવાનો તેનો લાંબા ગાળાનો ઉદ્દેશ્ય છે.
ટોચના 10 ડ્રાઇવરો: F1 સિમ રેસિંગ ઇન્ડિયા ઓપન 2026 (અંડર-15)
- વિહાન જોશી – 134 પોઇન્ટ
- અગસ્ત્ય ઇવાન ક્રાસ્ટો – 108 પોઇન્ટ
- હૃદાન સનાધ્યા – 76 પોઇન્ટ
- યુવાન અહિરાવ – 75 પોઇન્ટ
- આરવ ગુપ્તા – 67 પોઇન્ટ
- રિયાંશ શર્મા – 64 પોઇન્ટ
- કૈવાન ઈરાની – 34 પોઇન્ટ
- દેવ બંબ – 24 પોઇન્ટ
- જુજ્હાર સિંહ જોહર – 12 પોઇન્ટ
- અથર્વ હેમાણી – 12 પોઇન્ટ
મુંબઈ ફાલ્કન્સ રેસિંગ લિમિટેડ વિશે
મુંબઈ ફાલ્કન્સ રેસિંગ લિમિટેડ (MFRL) ભારતની સૌથી મહત્ત્વાકાંક્ષી હાઇ-પરફોર્મન્સ સ્પોર્ટિંગ સંસ્થાઓમાંની એક છે. પ્રતિભા વિકાસ, સ્પર્ધા અને વૈશ્વિક સ્તરે રમતગમતમાં શ્રેષ્ઠતા હાંસલ કરવા માટે વિશ્વસ્તરીય ઇકોસિસ્ટમ ઊભું કરવા પર સંસ્થા ધ્યાન કેન્દ્રિત કરે છે.
2019માં સ્થાપિત MFRL ભારતીય મોટરસ્પોર્ટ્સ ક્ષેત્રે અગ્રણી સંસ્થા તરીકે ઉભરી આવી છે. યુવા ભારતીય ખેલાડીઓને રમતગમતના સર્વોચ્ચ સ્તરે સ્પર્ધા કરવા માટે સુવ્યવસ્થિત તકો અને માર્ગો પૂરા પાડવાનું તેનું વિઝન છે. MFRL હાલમાં ફોર્મ્યુલા રિજનલ મિડલ ઈસ્ટ ટ્રોફીની ટીમ્સ અને ડ્રાઇવર્સ ચેમ્પિયન તેમજ UAE4 સિરીઝની ડ્રાઇવર્સ ચેમ્પિયન છે.
મુંબઈ ફાલ્કન્સે FIA દ્વારા માન્યતા પ્રાપ્ત સિંગલ-સીટર ચેમ્પિયનશિપ જીતનારી પ્રથમ ભારતીય ટીમ તરીકે વિશેષ ઓળખ મેળવી છે. ટીમે 2022ની ફોર્મ્યુલા રિજનલ એશિયન ચેમ્પિયનશિપમાં ડ્રાઇવર્સ અને ટીમ્સ બંનેના ખિતાબ જીત્યા હતા.
ટીમે ફોર્મ્યુલા રિજનલ મિડલ ઈસ્ટ ચેમ્પિયનશિપ અને F4 મિડલ ઈસ્ટ ચેમ્પિયનશિપ સહિતની અગ્રણી આંતરરાષ્ટ્રીય ચેમ્પિયનશિપ્સમાં પણ ભાગ લીધો છે. આ સાથે ભારતમાં ગ્રાસરૂટ સ્તરે મોટરસ્પોર્ટ્સને પ્રોત્સાહન આપવા અને સિમ રેસિંગ દ્વારા પ્રતિભા વિકાસના માર્ગો ઊભા કરવામાં પણ યોગદાન આપ્યું છે.
મોટરસ્પોર્ટ્સ ઉપરાંત, MFRL હવે હાઇ-પરફોર્મન્સ સ્પોર્ટ્સના વ્યાપક ક્ષેત્રમાં પણ વિસ્તરણ કરી રહી છે. T20 મુંબઈ લીગમાં સોબો મુંબઈ ફાલ્કન્સની માલિકી દ્વારા ક્રિકેટ ક્ષેત્રે પણ સંસ્થાએ પ્રવેશ કર્યો છે.
રમતગમતના દરેક ક્ષેત્રમાં મુંબઈ ફાલ્કન્સ ડેટા, શિસ્ત, નવીનતા અને ખેલાડી-કેન્દ્રિત વિકાસને પ્રાધાન્ય આપીને ભારતના આગામી પેઢીના ચેમ્પિયનો તૈયાર કરવા માટે કાર્યરત છે.