આઈએનઆઈએફડી ગુરુકુલ અમદાવાદે પોતાના 26માં વર્ષની વર્ષગાંઠને ડિઝાઇન, પ્રતિભા અને સર્જનાત્મકતાથી સજ્જ એક દિવસીય ઉત્સવ સાથે ગૌરવભેર ઉજવી. આ પ્રસંગે વિદ્યાર્થીઓ, ફેકલ્ટી અને શુભેચ્છકો એકત્ર થયા અને ભવિષ્યના ડિઝાઇનર્સને ઘડવાના બે દાયકાથી વધુ સમયને યાદગાર બનાવ્યો.
આ ઉજવણીનો મુખ્ય આકર્ષણ પ્રથમ વર્ષના fashion designingના વિદ્યાર્થીઓનું અનોખું ફેશન શો હતું, જેમાં તેમણે કન્ફેક્શનરી થીમ પરથી પ્રેરિત થઈને નોનટેક્સટાઇલ (કાપડ વગરની) સામગ્રી વડે સર્જનાત્મક પરિધાન બનાવ્યા. કલ્પનાશક્તિ અને કારીગરીનું સુંદર મિશ્રણ રજૂ થયું. આ સાથે અંતિમ વર્ષના વિદ્યાર્થીઓએ તેમના બે વર્ષના અભ્યાસ દરમ્યાન વિકસાવેલા સુંદર વસ્ત્રોની ક્યુરેટેડ કલેક્શન રેમ્પ વૉક દ્વારા રજૂ કરી, જે તેમની સફર, કુશળતા અને ડિઝાઇન પ્રત્યેનો જુસ્સો દર્શાવતા હતા.
દિવસ દરમિયાન નૃત્યપ્રસ્તુતિઓ, વિવિધ પ્રદર્શન અને સાંસ્કૃતિક કાર્યક્રમો યોજાયા, જેનાથી ઊર્જા, આનંદ અને પ્રેરણાનો માહોલ સર્જાયો. આ પ્રસંગે માત્ર સંસ્થાની 26 વર્ષની વારસાગાથાની ઉજવણી જ નહોતી, પરંતુ અમદાવાદમાં ફેશન એજ્યુકેશનને નવી ઓળખ અને સર્જનાત્મક પ્રતિભાના વિકાસ પ્રત્યેની તેની પ્રતિબદ્ધતાને પણ ઉજાગર કરવામાં આવી.
26 વર્ષના ઉત્કૃષ્ટ યાત્રા સાથે, આઈએનઆઈએફડી ગુરુકુલ અમદાવાદ આજે પણ ડિઝાઇન શિક્ષણના પાયોનિયર તરીકે અડગ છે, વિદ્યાર્થીઓને મોટા સપના જોવાની અને મર્યાદા વગર સર્જન કરવાની પ્રેરણા આપે છે.ફર્સ્ટ યર બેચ ગૌરવપૂર્વક પોતાનો પ્રથમ પ્રોજેક્ટ રજૂ કરે છે, જેમાં ડિઝાઇનમાં ઉપલબ્ધ અને ફરી ઉપયોગ કરી શકાય તેવી સામગ્રીનો સર્જનાત્મક ઉપયોગ દર્શાવવામાં આવ્યો છે.
અમારી interior designingની ફાઉન્ડેશન બેચમાં, અમે ડિઝાઇનના અનેક મૂળભૂત તત્ત્વો શીખ્યા. જેમાં સૌથી મહત્વપૂર્ણ બાબત હતી વીવિંગ ટેકનિક — ખાસ કરીને ઇન્ટરલૉકિંગ, અને વિવિધ સામગ્રી સાથે વીવિંગ કરવું. આ શીખણથી પ્રેરાઈને, અમે અમારા પ્રોજેક્ટ માટે પેપર વીવિંગની કલ્પના પસંદ કરી, કારણ કે તે બહુમુખીતા અને ટકાઉપણું બંને દર્શાવે છે.
બેકડ્રોપ માટે અમે દોરાનો ઉપયોગ કર્યો જેથી તેને ફેશન ઇવેન્ટના થીમ સાથે જોડાઈ શકે, અને એક સરળ ઈન્ટિરિયર એલિમેન્ટને ફેશન અને સ્પેસ વચ્ચેનો દ્રશ્યાત્મક સંબંધ આપ્યો.
આ વિચાર એ હતો કે પરંપરાગત વીવિંગ ટેકનિકને ઈન્ટિરિયર ડિઝાઇન અભિગમ સાથે જોડીને બતાવવું કે કેવી રીતે સામાન્ય સામગ્રી પણ પ્રભાવશાળી ડિઝાઇન સર્જી શકે છે.
આ પ્રોજેક્ટ અમારા માટે વિશેષ છે, કારણ કે તે અમારી ડિઝાઇન વિદ્યાર્થી તરીકેની પ્રથમ સફર દર્શાવે છે — શીખવું, પ્રયોગ કરવો અને આપણા પોતાના હાથે વિચારો રજૂ કરવો.