અનુષ્કા શર્મા તથા વિરાટ કોહલીની દીકરી વામિકા 11 જાન્યુઆરીના રોજ એક વર્ષની થઈ હતી. હાલમાં વિરાટ કોહલી ટેસ્ટ મેચ તથા વન ડે સિરીઝ માટે સાઉથ આફ્રિકામાં છે. વિરાટ કોહલીની સાથે દીકરી તથા અનુષ્કા પણ ગયા છે. વિરાટ તથા અનુષ્કાએ સાઉથ આફ્રિકામાં દીકરીનો પહેલો બર્થડે સેલિબ્રેટ કર્યો હતો. અનુષ્કાએ સોશિયલ મીડિયામાં જન્મદિવસની કેટલીક તસવીરો શૅર કરી હતી.
અનુષ્કા પતિ ને દીકરી સાથે જોવા મળી
અનુષ્કા એક તસવીરમાં દીકરી વામિકા સાથે જોવા મળી હતી. અનુષ્કા તથા વામિકાએ મેચિંગ કર્યું હતું અને વ્હાઇટ કપડાં પહેર્યાં હતાં. વામિકાનો ચહેરો દેખાતો નહોતો. અનુષ્કા દીકરી સાથે એકદમ ખુશમિજાજમાં જોવા મળી હતી. બીજી તસવીરમાં અનુષ્કા તથા વિરાટના હાથમાં વાઇનનો ગ્લાસ હતો. અનુષ્કાએ આ તસવીર શૅર કરીને કહ્યું હતું, ‘સૂર્ય પ્રકાશિત હતો, લાઇટ સુંદર હતી, ટેબલ ફૂલ હતું, અને તે જ રીતે અમારી દીકરી એક વર્ષની થઈ, લોકોએ સાંજને એકસ્ટ્રા સ્પેશિયલ બનાવી દીધી. તેનો પહેલો જન્મદિવસ બબલમાં હોવાથી હું થોડી ચિંતામાં હતી. થેંક્યૂ મિત્રો. ક્રિકેટર રિદ્ધિમાન સાહાની પત્ની રોમી મિત્રાએ પણ સો.મીડિયામાં વામિકાના જન્મદિવસની કેટલીક તસવીરો શૅર કરી હતી.