નવી દિલ્હી, તા. 30 જૂન, 2026: દેશમાં ડાઉનસ્ટ્રીમ સ્ટીલ પ્રોડક્ટ્સના ઉત્પાદનમાં અગ્રણી તેમજ બીસી જિંદાલ ગ્રૂપની પેટા કંપની જિંદાલ (ઈન્ડિયા) લિમિટેડે આજે ડોંગકુક ઈન્ડિયા સાથે લાંબા ગાળાના સપ્લાય માટે ભાગીદારી કરી હોવાની જાહેરાત કરી હતી. આ ભાગીદારીનો મુખ્ય હેતુ ભારતમાં ઝડપથી વધી રહેલા હોમ એપ્લાયન્સ (ઘરવપરાશના સાધનો) ઈન્ડસ્ટ્રી માટે ઉચ્ચ ગુણવત્તાવાળા કોટેડ સ્ટીલ ઉત્પાદનોની માગને પૂરી કરવાનો છે.
બીસી જિંદાલ ગ્રુપના પ્રમોટર શ્યામ સુંદરસિંહ જિંદાલના નેતૃત્વ હેઠળ આ ભાગીદારીના ભાગરૂપે કંપની ડોંગકુક સ્ટીલ ઈન્ડિયાના મેન્યુફેક્ચરિંગ પ્લાન્ટ્સને પ્રીમિયમ કોટેડ સ્ટીલ ઉત્પાદનોનો પૂરવઠો પૂરો પાડશે. આ લાંબા ગાળાના સપ્લાય માળખા હેઠળ, જિંદાલ (ઈન્ડિયા) લિમિટેડ પ્રી-પેઇન્ટેડ ગેલ્વેનાઇઝ્ડ આયર્ન (PPGI), ગેલ્વેનાઇઝ્ડ પ્લેન સ્કીન પાસ્ડ (GPSP) અને એલ્યુ-ઝિંક કોટેડ સ્ટીલ જેવા ઉત્પાદનો પૂરા પાડશે.
આ અંગે જિંદાલ (ઈન્ડિયા) લિમિટેડના પ્રવક્તાએ જણાવ્યું હતું કે, “ભારતમાં લોકોની આવકમાં વધારો, શહેરીકરણ અને સ્થાનિક સ્તરે બનેલી વસ્તુઓની વધતી માગને કારણે હોમ એપ્લાયન્સ અને કન્ઝ્યુમર ડ્યુરેબલ્સ ઉદ્યોગમાં મજબૂત વૃદ્ધિ જોવા મળી રહી છે. દેશના અગ્રણી ડાઉનસ્ટ્રીમ સ્ટીલ ઉત્પાદક તરીકે અમે આ ઉભરતા ક્ષેત્રમાં મોટી તકો જોઈ રહ્યા છીએ. ડોંગકુક ઈન્ડિયા સાથેની અમારી ભાગીદારીથી અમને અમારી ઉત્પાદન ક્ષમતા અને તેમની પ્રોસેસિંગ કુશળતાને એકજૂટ કરવાની તક મળશે, જેનાથી એપ્લાયન્સ ઉત્પાદકો માટે એક ભરોસાપાત્ર સ્થાનિક સપ્લાય ઇકોસિસ્ટમ ઊભી થશે. આ સહયોગ અમને OEM (ઓરિજિનલ ઇક્વિપમેન્ટ મેન્યુફેક્ચરર) સેગમેન્ટમાં અમારું સ્થાન મજબૂત બનાવવામાં મદદ કરશે અને સાથે જ ગુણવત્તાયુક્ત ઉત્પાદન અને સપ્લાય ચેઈન પર ભારતના વધતા ફોકસને પણ ટેકો આપશે.”
આ પ્રોડક્ટ્સ ડોંગકુક ઈન્ડિયાના સ્થાપિત સપ્લાય નેટવર્ક દ્વારા અગ્રણી ઓરિજિનલ ઇક્વિપમેન્ટ મેન્યુફેક્ચરર્સને સપ્લાય કરવામાં આવશે, જે વૈશ્વિક અને સ્થાનિક સ્તરની ટોચની હોમ એપ્લાયન્સ બ્રાન્ડ્સ સુધી પહોંચશે. આ ભાગીદારી આગામી કેટલાક વર્ષોમાં જિંદાલ (ઈન્ડિયા) લિમિટેડના ગ્રોથમાં મહત્વપૂર્ણ યોગદાન આપશે અને ભારતના હોમ એપ્લાયન્સ માર્કેટમાં તેનું સ્થાન વધુ મજબૂત બનાવશે.
બીસી જિંદાલ ગ્રુપની કંપની જિંદાલ (ઈન્ડિયા) લિમિટેડ પાસે પશ્ચિમ બંગાળના હાવડા ખાતે બે આધુનિક ફેક્ટરીઓ આવેલી છે, અને તે એડવાન્સ કલર કોટિંગ અને મેટલ કોટિંગ ટેકનોલોજી સહિતની ક્ષમતાઓ ધરાવે છે. કંપની શીટ્સ, પાઈપ્સ અને એલ્યુમિનિયમ ફોઇલ એમ ત્રણ મુખ્ય વિભાગોમાં વિવિધ પ્રકારની પ્રોડક્ટ્સ ઓફર કરે છે. ‘જિંદાલ સબરંગ’ અને ‘જિંદાલ ન્યૂકલર+’ જેવી મજબૂત બ્રાન્ડ્સ સાથે જિંદાલ (ઈન્ડિયા) લિમિટેડ ખાસ કરીને પૂર્વીય ભારતમાં કલર-કોટેડ શીટ્સ માર્કેટ પર પ્રભુત્વ ધરાવે છે. તદુપરાંત સમગ્ર દેશમાં નોંધપાત્ર હાજરી સાથે હાલમાં, કંપનીના કુલ ઉત્પાદનનો 70% હિસ્સો કોટેડ ફ્લેટ સ્ટીલ પ્રોડક્ટ્સનો છે, જે ભવિષ્યના વિકાસ અને વિસ્તરણ માટે મુખ્ય કેન્દ્રબિંદુ બની રહેશે.
જિંદાલ (ઈન્ડિયા) લિમિટેડ એ ડાઉનસ્ટ્રીમ સ્ટીલ પ્રોડક્ટ ઈન્ડસ્ટ્રીમાં સૌથી જૂની કંપનીઓ પૈકી એક છે. કંપનીની આવકનો મોટો હિસ્સો પૂર્વીય પ્રદેશમાંથી અને ત્યારબાદ દક્ષિણ ભારતમાંથી આવતો રહ્યો છે. જો કે, વર્ષો જતાં કંપનીએ સમગ્ર ભારતમાં પહોંચ બનાવવાની વ્યૂહરચના અપનાવી છે, તેણે ઉત્પાદન ક્ષમતા વધારીને ઉત્તર અને પશ્ચિમ ભારતમાં પણ વિસ્તરણ કર્યું છે. ઈન્ફ્રાસ્ટ્રક્ચર ડેવલપમેન્ટ અને ઔદ્યોગિક પ્રોજેક્ટ્સમાં ઝડપી વૃદ્ધિને કારણે જિંદાલ (ઇન્ડિયા) લિમિટેડ આ પ્રદેશોમાં અપાર સંભાવનાઓ જોઈ રહી છે.
વર્ષ 1952માં સ્થાપિત જિંદાલ (ઈન્ડિયા) લિમિટેડ અગ્રણી ભારતીય બિઝનેસ ગ્રૂપ ‘બીસી જિંદાલ ગ્રૂપ’નો એક ભાગ છે. શ્યામ સુંદરસિંહ જિંદાલ (પ્રમોટર, બીસી જિંદાલ ગ્રૂપ)ના નેતૃત્વ હેઠળનું આ ગ્રૂપ પેકેજિંગ ફિલ્મ્સ, એનર્જી અને સ્ટીલ પ્રોડક્ટ્સ જેવા વિવિધ વ્યવસાયો સાથે જોડાયેલું છે.