આંતરરાષ્ટ્રીય મંદિર વ્યવસ્થાપક પરિષદ અને ભગવા એપ દ્વારા આયોજિત મહાસંગમ યાત્રા આજે સોમનાથ મંદિરના દર્શન માટે પહોંચી છે. મહાસંગમ યાત્રાએ આપણા પ્રાચીન અને પવિત્ર સ્થળોની શ્રદ્ધા અને આસ્થા પ્રત્યે અદ્વિતીય ઉદાહરણ રજૂ કર્યું છે. આ ઐતિહાસિક આયોજનમાં ભક્તોએ અતિ વિશેષ શ્રદ્ધા અને ઉત્સાહ સાથે મંદિર પ્રવેશ કર્યો, જ્યાં વિશાળ પૂજા-પાઠ, વિશેષ જલાભિષેક અને અન્ય ધાર્મિક વિધિઓનું આયોજન કરવામાં આવ્યું.માહિતી આપતા આંતરરાષ્ટ્રીય મંદિર વ્યવસ્થાપક પરિષદના રાષ્ટ્રીય મહામંત્રી દીપ સિહાગ સિસાયએ જણાવ્યું કે, “સોમનાથનું મંદિર 12 જ્યોતિર્લિંગોમાં સૌથી પ્રથમ ગણાય છે. તેના વૈભવને કારણે ઈતિહાસમાં અનેક વખત આ મંદિર તોડવામાં આવ્યું અને પુનઃનિર્માણ થયું. આ ભારતની પ્રાચીન ધરોહર છે, જે સદીઓથી તેની ઓળખને જાળવી રાખવામાં સફળ રહી છે. આ ભોળેનાથની લીલા જ છે.”આજના આયોજન વિશે વાત કરતાં આંતરરાષ્ટ્રીય મંદિર વ્યવસ્થાપક પરિષદના કાર્યકારી અધ્યક્ષ રાજેશ યાદવે જણાવ્યું કે, “સોમનાથ મંદિરના દર્શન દ્વારા આપણા પ્રાચીન વારસાને જીવંત કરવામાં આવ્યો છે. ભક્તોના અનુભવ અને અમારી મહેનત એ સાબિત કરે છે કે ધર્મ માત્ર ઈતિહાસ સુધી સીમિત નથી, પરંતુ તે આજના આધુનિક યુગમાં પણ પ્રાસંગિક છે.”મહાસંગમ યાત્રા દરમિયાન ભક્તોએ માત્ર સોમનાથ મંદિર જ નહિ, પરંતુ અન્ય પ્રાચીન તીર્થસ્થળોના દર્શન કરીને પણ પ્રેરણા મેળવી. ભક્તોએ સુર્યપુત્રી તાપ્તિ માતા, નર્મદેશ્વર મહાદેવ મંદિર અને અન્ય પવિત્ર સ્થળોની યાત્રા કરી, જેનાથી ભારતીય સંસ્કૃતિ અને ધાર્મિક વારસાના મહત્વનો અનુભવ કર્યો. આ સ્થળોની પ્રાચીન કથાઓ અને ઈતિહાસ આજે પણ ભક્તોના હૃદયમાં શ્રદ્ધા અને ભક્તિ સાથે જીવંત છે.મહાસંગમ યાત્રાનો મુખ્ય ઉદ્દેશ સનાતન ધર્મના પુનરુત્થાન સાથે મંદિરો અને પંડિતો/પુજારીઓને ડિજિટલ દુનિયાથી જોડવાનો છે. આ યાત્રા મંદિરોના આધુનિકીકરણ, ધરોહર સંરક્ષણ અને સામાજિક ઉન્નતિને પ્રોત્સાહન આપે છે. આંતરરાષ્ટ્રીય મંદિર વ્યવસ્થાપક પરિષદ અને ભગવા એપના સહયોગથી આયોજિત આ યાત્રા ભક્તોને માત્ર પરંપરાગત ધાર્મિક વિધિઓ સાથે જ નહીં, પણ આધુનિક ટેકનોલોજી દ્વારા ઓનલાઈન પૂજા, આરતી અને અન્ય ધાર્મિક પ્રવૃત્તિઓની સગવડ પણ પ્રદાન કરે છે. હવે ભક્તો ભગવા એપ દ્વારા તેમના મોબાઈલ દ્વારા પણ ધાર્મિક વિધિઓનો આનંદ લઈ શકે છે.આ યાત્રાને અત્યાર સુધી 19 દિવસ પૂરા થયા છે અને 17 દિવસમાં 3,000 કિમીથી વધુનું અંતર કાપવામાં આવ્યું છે. યાત્રાની શરૂઆત પ્રયાગરાજ મહાકુંભથી થઈ હતી, જ્યાં શ્રદ્ધાળુઓએ ત્રિવેણી સંગમમાં પવિત્ર સ્નાન કરી તેને ઐતિહાસિક સ્વરૂપ આપ્યું. ત્યાંથી યાત્રા કાશી વિશ્વનાથ ધામ, બાબા વૈદ્યનાથ ધામ (ઝારખંડ), લિંગરાજ મંદિર (ઓડિશા), દ્રાક્ષારામમ અને અમર લિંગેશ્વર સ્વામી મંદિર (આંધ્રપ્રદેશ), શ્રીશૈલ મલ્લિકાર્જુન જ્યોતિર્લિંગ, જલાકાંડેશ્વર મંદિર (વેલ્લોર, તમિળનાડુ) અને રામેશ્વરમ જ્યોતિર્લિંગ સુધી પહોંચી.હાલમાં, યાત્રા ભીમાશંકર જ્યોતિર્લિંગ અને નાસિકના ત્ર્યંબકેશ્વર મંદિરના દર્શન કર્યા પછી, સુરતના તાપી નદીના તટ પર પહોંચી છે. ત્યાંથી આજે યાત્રા સોમનાથ જ્યોતિર્લિંગના દર્શન માટે પહોંચી છે. યાત્રા 13 ફેબ્રુઆરીએ અમદાવાદ પહોંચશે અને ત્યાર બાદ ઉજ્જૈન, ઓંકારેશ્વર, મથુરા, વૃંદાવન, હરિદ્વાર, ઋષિકેશ અને ઉખીમઠ થઈને 21 ફેબ્રુઆરી 2025ના રોજ નવી દિલ્હીમાં સમાપ્ત થશે. યાત્રા દરમિયાન માર્ગમાં આવતાં દરેક મંદિરો અને નદીઓ પર સતત પૂજા-અર્ચના કરવામાં આવી રહી છે.