પશ્ચિમ રેલવેના ભાવનગર મંડળ દ્વારા એપ્રિલ 2026 દરમિયાન ચલાવવામાં આવેલા સઘન ટિકિટ તપાસ અભિયાનમાં નોંધપાત્ર સફળતા પ્રાપ્ત થઈ છે. આ અવધિ દરમિયાન કુલ 11,943 મુસાફરો અનિયમિત મુસાફરી કરતા ઝડપાયા, જેમાંથી 5,283 મુસાફરો ટિકિટ વિના મુસાફરી કરતા મળ્યા. આ સઘન તપાસ કામગીરીથી મંડળે એપ્રિલ મહિનામાં ₹91.32 લાખનું આવક પ્રાપ્ત કર્યું, જે ગયા વર્ષના એપ્રિલ મહિનાના ₹77.22 લાખની તુલનામાં મહત્વપૂર્ણ વધારો દર્શાવે છે. છેલ્લા બે વર્ષમાં એક મહિનામાં ટિકિટ તપાસથી પ્રાપ્ત થયેલી આ સર્વોચ્ચ આવક છે.
વરિષ્ઠ મંડળ વાણિજ્ય પ્રબંધક શ્રી અતુલ કુમાર ત્રિપાઠીએ જણાવ્યું કે આ ઉત્તમ પ્રદર્શન મંડળની અસરકારક દેખરેખ વ્યવસ્થા, સતત તપાસ અભિયાન અને મુસાફર સેવાઓના સુવ્યવસ્થિત સંચાલનનું પરિણામ છે. તેમણે મુસાફરોને અપીલ કરી કે તેઓ માન્ય ટિકિટ સાથે જ મુસાફરી કરે અને રેલવેના નિયમોનું પાલન કરે.
વિત્તીય વર્ષ 2025–26ના કુલ પ્રદર્શન અંગે વાત કરીએ તો ભાવનગર મંડળે ઉત્તમ સિદ્ધિ મેળવી છે અને કુલ ₹1345.63 કરોડનું આવક પ્રાપ્ત કર્યું છે, જે ગયા વર્ષની તુલનામાં 7.7% વધુ છે.
ટિકિટ તપાસ અભિયાન અંતર્ગત પણ વર્ષ 2025–26માં ઐતિહાસિક સફળતા નોંધાઈ છે. આ અવધિ દરમિયાન ટિકિટ તપાસથી ₹7.15 કરોડનું આવક પ્રાપ્ત થયું છે, જે ગયા વર્ષની તુલનામાં 48.8% વધુ છે અને અત્યાર સુધીનું સર્વોચ્ચ છે. આ સિદ્ધિ ટિકિટ તપાસ સ્ટાફની સચેતતા, નિયમિતતા અને સઘન નિરીક્ષણનું સીધું પરિણામ છે.
મંડળ રેલ પ્રબંધક શ્રી દિનેશ વર્માએ આ ઉત્તમ સિદ્ધિ માટે તમામ સંબંધિત કર્મચારીઓની પ્રશંસા કરી છે અને ભવિષ્યમાં પણ આવી જ રીતે સઘન ટિકિટ તપાસ અભિયાન ચલાવી આવકમાં વૃદ્ધિ અને અનિયમિત મુસાફરી પર અસરકારક નિયંત્રણ જાળવવાનો સંકલ્પ વ્યક્ત કર્યો છે.
અતુલ કુમાર ત્રિપાઠી
વરિષ્ઠ મંડલ વાણિજ્ય પ્રબંધક
પશ્ચિમ રેલવે‚ ભાવનગર મંડલ