જોકે વલસાડ જિલ્લા પોલીસ દ્વારા યોજાયેલી પીધેલાઓને પકડવાની સ્પેશિયલ ડ્રાઇવમાં નશાની હાલતમાં ઝડપાયેલા પીધેલાઓ માટે નવું વર્ષ ન ભૂલાય તેવું યાદગાર બની રહેશે.
વલસાડ : વલસાડ જિલ્લા પોલીસ દ્વારા રાતભર આ સ્પેશિયલ ડ્રાઇવ યોજવામાં આવી હતી. વર્ષ 2022ની શરૂઆત થઈ ગઈ છે. નવા વર્ષને લોકોએ ઉત્સાહ પૂર્વક વધાવ્યું હતું. જોકે વલસાડ જિલ્લા પોલીસ દ્વારા યોજાયેલી પીધેલાઓને પકડવાની સ્પેશિયલ ડ્રાઇવમાં નશાની હાલતમાં ઝડપાયેલા પીધેલાઓ માટે નવું વર્ષ ન ભૂલાય તેવું યાદગાર બની રહેશે.કારણ કે ખાવા-પીવાની પાર્ટીના શોખીનો નશાની હાલતમાં ગુજરાતમાં પ્રવેશતા વલસાડ જિલ્લા પોલીસે ઝડપી તેમના વિરુદ્ધ કાયદેસરની કાર્યવાહી હાથ ધરતા અસંખ્ય પીધેલાઓનું નવું વર્ષ પોલીસ સ્ટેશનમાં જ વિતાવવાનો વારો આવ્યો હતો. મહત્વપૂર્ણ છે કે થર્ટી ફર્સ્ટ અને નવા વર્ષની ઉજવણી માટે પાર્ટીનાં શોખીનો દારૂની છૂટ ધરાવતા દમણ અને દાદરા નગર હવેલીમાં જાય જ્યાંથી નશાની હાલતમાં ગુજરાતમાં પ્રવેશે છે.આવા પીધેલાઓને ઝડપવા વલસાડ જિલ્લામાં 24 ચેકપોસ્ટો પર પોલીસની ટીમો તૈનાત કરવામાં આવી હતી. પોલીસની આ કાર્યવાહીમાં નશાની હાલતમાં ગુજરાતમાં પ્રવેશતા 1000થી વધારે પીધેલાઓને ઝડપી તેમના વિરુદ્ધ કાયદેસરની કાર્યવાહી હાથ ધરી હતી. ચેક પોસ્ટ પર જયારે પોલીસ ના હાથે પીધેલા પકડાઈ રહ્યા હતા. એ વખતે કેટલાક રમૂજી દ્રશ્યો પણ જોવા મળ્યા હતા.નશાની હાલતમાં પોલીસના હાથે ઝડપાતા કેટલાક પીધેલા હાથ જોડી અને પોલીસને આજીજી કરી અને છોડી મુકવા વિનંતી કરતા જોવા મળ્યા હતા. તો કેટલાક નાના બાળકની જેમ પોક મુકી અને રડતા પણ જોવા મળ્યા હતા. આખી રાત વલસાડ જિલ્લા પોલીસની વિવિધ ચેકપોસ્ટો પર પોલીસ ની કામગીરી ચાલી હતી.
