ભારતના અગ્રણી ડિજિટલ એન્ટરટેઇનમેન્ટ પ્લેટફોર્મ્સમાંના એક હંગામા ઓટીટીએ 8 જાન્યુઆરી 2026ના રોજ તેની નવી ઓરિજિનલ સિરીઝ ‘પ્રયાગરાજની લવ સ્ટોરી’ લોન્ચ કરી છે. પ્રયાગરાજની આત્મીય ગલીઓ, ઐતિહાસિક ઘાટો અને શાશ્વત માહોલની પૃષ્ઠભૂમિ પર બનેલી આ સિરીઝ રોમાન્ટિક ગેટવેની કલ્પનાને ઉલટાવી દે છે અને તેને એક હાઈ-સ્ટેક્સ સર્વાઇવલ કહાનીમાં પરિવર્તિત કરે છે. ગૌરવ શર્મા, અંબિકા વાણી, પવિત્રા પુનિયા અને મનીષ વાધવા જેવા શક્તિશાળી કલાકારોથી સજ્જ આ સિરીઝ રોમાંસ અને સસ્પેન્સનો અનોખો સંગમ છે, જ્યાં એક યુવાન કપલ પોતાને અચાનક એવા શહેરમાં ઘેરાયેલું અનુભવે છે, જે સંપૂર્ણ રીતે અજાણ્યું લાગી પડે છે.
કહાનીના કેન્દ્રમાં છે અંશુલ સિંહ અને સોનિયા શુક્લા, જેમની રોમાન્ટિક યાત્રા તે સમયે ખતરનાક વળાંક લે છે, જ્યારે તેઓ અજાણતાં જ પોતાને એક નિર્દય ગેંગના જાળમાં ફસાયેલા પામે છે, જે પોતાને રક્ષક તરીકે રજૂ કરે છે. વિશ્વાસથી શરૂ થયેલી આ કહાની જલ્દી જ દગામાં ફેરવાઈ જાય છે. ત્યારબાદ કપલને ઘન જંગલો, સંકુચિત ગલીઓ અને ભીડભાડવાળા બજારોમાંથી પસાર થઈ સતત ભાગવું પડે છે, જેથી તેમને પકડવા આતુર લોકો કરતાં એક પગલું આગળ રહી શકે. દરેક વળાંકે જોખમ વધતું જાય છે અને વધતો ડર તેમના સંબંધને એવી કસોટી પર મૂકે છે, જ્યાં ભૂલ માટે કોઈ જગ્યા રહેતી નથી.
પોતાના પાત્ર વિશે વાત કરતાં અંશુલ સિંહનો રોલ ભજવનારા ગૌરવ શર્માએ કહ્યું, “અંશુલ એક સંવેદનશીલ અને સમજદાર યુવક છે, પરંતુ તે સોશિયલ મીડિયાથી પણ ઘણો પ્રભાવિત છે. જ્યારે પરિસ્થિતિ હાથમાંથી નીકળી જાય છે, ત્યારે તેના ઇન્સ્ટિન્ક્ટ્સ કામ કરવા લાગે છે. મને સૌથી વધુ આનંદ એ બદલાવ દર્શાવવામાં આવ્યો, જ્યાં આરામ ધીમે ધીમે સંકટમાં ફેરવાઈ જાય છે. પ્રયાગરાજની વાસ્તવિક લોકેશન્સ પર શૂટિંગ કરવાથી દરેક સીનમાં ઈમાનદારી આવી છે. તમે એ અફરાતફરી અને ડરને સાચે જ અનુભવી શકો છો.”
સિરીઝ અંગે સોનિયા શુક્લાનો પાત્ર ભજવનારિ અંબિકા વાણીએ કહ્યું, “આ મારું પ્રથમ પ્રોજેક્ટ હતું અને આથી સારી શરૂઆતની હું કલ્પના પણ કરી શકતી નહોતી. સોનિયા શરૂઆતમાં પ્રેમમાં ડૂબેલી યુવતી તરીકે દેખાય છે અને ધીમે ધીમે પોતાની જિંદગી માટે લડનાર સ્ત્રી બની જાય છે. આ પરિવર્તન ભાવનાત્મક રીતે ખૂબ જ તીવ્ર હતું. જે વાત મારી સાથે રહી ગઈ છે, તે છે તેની મજબૂતી. બધું છીનવાઈ ગયા પછી પણ તે પોતે અને પ્રેમ પરનો વિશ્વાસ છોડતી નથી.”