7 ડિસેમ્બરના રોજ વિકી અને કેટની મહેંદી-સંગીત સેરેમની યોજાઈ હતી

વિકી અને કેટરીના 9 ડિસેમ્બરે લગ્નના બંધનમાં બંધાશે. આ લગ્નમાં સામેલ થવા સેલેબ્સની અવરજવર શરૂ થઈ ગઈ છે. આ મેરેજમાં અંબાણી પરિવાર પણ આવશે એવી ચર્ચાઓ થઈ રહી છે. આ માટે ઓબેરોય હોટલમાં 5 રૂમ રિઝર્વ રખાયા છે. જોકે હજુ સુધી અંબાણી પરિવાર સવાઈ માધોપુર પહોંચ્યો નથી. એવી ચર્ચાઓ પણ થઈ રહી છે કે આ લગ્નમાં વિરાટ-અનુષ્કા, અક્ષય કુમાર અને અન્ય સેલિબ્રિટી પણ સામેલ થશે8 ડિસેમ્બર, એટલે કે આજે હલ્દી સેરેમની યોજાશે અને પછી આફ્ટર પાર્ટી થશે. 9 ડિસેમ્બરે ધામધૂમથી સવાઈ માધોપુરના 700 વર્ષ જૂના સિક્સ સેન્સ બરવાડા મહેલમાં સાત ફેરા લેશે. એ પછી ડિનર અને પૂલ પાર્ટી રાખી છે. આ પાર્ટીમાં ફેમિલી મેમ્બર્સની સાથોસાથ સેલિબ્રિટી પણ સામેલ થશે. અત્યારસુધી આશરે 50થી વધારે મહેમાનો પહોંચી ગયા છે લગ્નમાં સુરક્ષાને લઈને ખાસ કાળજી રાખવામાં આવી રહી છે. સિક્યોરિટી કોડ વિના એન્ટ્રીની પણ મંજૂરી નથી. મંગળવારે પણ કેટલાંક વાહનોનો કાફલો પહોંચી ગયો હતો. સુરક્ષા કોડ વિના તેમને પ્રવેશ આપવામાં આવ્યો નહોતો. મંગળવારે નેહા ધુપિયા, અંગદ બેદી, ફિલ્મ-નિર્દેશક કબીર ખાન અને તેની પત્ની મિની માથુર અને અભિનેત્રી શર્વરી બાગ સિક્સ સેન્સ પહોંચ્યાં હતાં. આ ઉપરાંત કેટલાંક સેલિબ્રિટી કિડ્સ પણ લગ્નમાં ભાગ લઈ રહ્યાં છે ગઈકાલે એટલે કે 7 ડિસેમ્બરના રોજ વિકી તથા કેટની મહેંદી-સંગીત સેરેમની યોજાઈ હતી. કેટરીનાના હાથમાં સોજતથી આવેલી મહેંદી મૂકવામાં આવી હતી. વેપારીએ કેટરીના પાસેથી મહેંદીના પૈસા લીધા નહોતા.સૂત્રોના જણાવ્યા પ્રમાણે, કેટરીના તથા વિકી કૌશલના પરિવારે મહેંદી સેરેમની સેલિબ્રેટ કરી હતી. આ સેરેમની અંદાજે એકથી દોઢ કલાક ચાલી હતી. મહેંદી સેરેમની બાદ સંગીત સેરેમની યોજાઈ હતી.