અગ્રણી હેલ્થ અને વેલનેસ (આરોગ્ય અને સુખાકારી) કંપની, કોમ્યુનિટી અને પ્લેટફોર્મ હર્બલાઇફએ હર્બલાઇફની સીએસઆર પહેલ હેઠળ કેમ્પસ ખાતે હર્બલાઇફ-IIT પ્લાન્ટ સેલ ફર્મેન્ટેશન ટેકનોલોજી લેબની સ્થાપના કરવા માટે ઇન્ડિયન ઇન્સ્ટિટ્યુટ ઓફ ટેકનોલોજી (આઇઆઇટી) મદ્રાસ સાથે એક કરાર પર હસ્તાક્ષર કર્યા છે. કરાર પર હસ્તાક્ષર કરવાની વિધિ આઇઆઇટી મદ્રાસ ખાતે હર્બલાઇફ ઇન્ડિયાના મેનેજિંગ ડિરેક્ટર શ્રી અજય ખન્ના અને આઇઇટી મદ્રાસના ડીન, ઍલ્યુમની અને કોર્પોરેટ રિલેશન્સના અધ્યાપક અશ્વિન મહાલિંગમ તેમજ સભ્યોનું પ્રતિનિધિત્વ કરતા અન્ય IITMની ઉપસ્થિતિમાં હાથ ધરવામાં આવી હતી. આ ભાગીદારી ભારત સરકારની બાયો-E3 નીતિ સાથે મેળ ખાય છે, જેનો હેતુ ભારતને બાયો-ઉત્પાદનના વૈશ્વિક કેન્દ્ર અને વડાપ્રધાનના આત્મનિર્ભર ભારતના સ્વપ્નને આગળ વધારવાનો છે. આ લેબ વેલનેસ ક્ષેત્રમાં નવીનતા ક્ષમતા નિર્ધારણ અને ઉદ્યોગ સહયોગમાં એક ઉત્પ્રેરક તરીકે કામ કરશે તેની સાથે ઉદ્યોગસહસિકતાનું પણ સંવર્ધન કરશે.સેન્ટર ઓફ એક્સેલન્સ – હર્બલાઇફ પ્લાન્ટ સેલ ફર્મેન્ટેશન ટેકનોલોજી લેબ ઉચ્ચ ગુણવત્તાવાળી હર્બલ સામગ્રીઓ અને ફાયટોકેમિકલ્સ માટેના અગ્રણી ટકાઉ ઉકેલો પર કેન્દ્રિત છે. આ સુવિધા પ્લાન્ટ સેલ ફર્મેન્ટેશન ટેકનોલોજીનો ઉપયોગ કરીને ટકાઉ હર્બલ કાચા માલનું ઉત્પાદન કરવા માટેનું કેન્દ્ર હશે, જેમાં ઉચ્ચ ગુણવત્તાવાળા ફાયટોકેમિકલ્સની અને ન્યૂટ્રાસ્યુટિકલ્સ અને આયુષ ફોર્મ્યુલેશન્સમાં નવીનતાની ખાતરી રાખવામાં આવશે, જે સીધા જ યુએન સસ્ટેનેબલ ડેવલપમેન્ટ ગોલ્સ (SDG3 – સારુ આરોગ્ય અને સુખાકારી)ને આગળ વધારશે. આ સહયોગી પ્રયાસ પ્લાન્ટ સેલ ટેકનોલોજીનો ઉપયોગ નિયંત્રિત પરિસ્થિતિઓમાં ઔષધીય છોડની વિટ્રો ખેતીને સક્ષમ બનાવવા માટે કરશે, જે વર્ષભર ઉપલબ્ધતા, શુદ્ધતા અને બાયોએક્ટિવ સુસંગતતા સુનિશ્ચિત કરશે. આ ઉપરાંત, એડવાન્સ્ડ બાયોરિએક્ટર- આધારિત સ્કેલિંગ પરંપરાગત ખેતી સાથે સંકળાયેલ જમીનની મર્યાદાઓ અને લાંબી હાર્વેસ્ટિંગ સાયકલ્સને દૂર કરીને ન્યૂનતમ જગ્યામાં મોટા પ્રમાણમાં ઉત્પાદનને સરળ બનાવશે અને ગ્રીન એક્સટ્રેક્શન ટેકનોલોજી બાયોએક્ટિવ સંયોજન ઉત્પાદનમાં ટકાઉપણું વધારશે.પ્લાન્ટ સેલ ફર્મેન્ટેશન ટેકનોલોજી લેબમાં મુખ્યત્વે 5 મુખ્ય ફોકસ ક્ષેત્રો છે, જેમ કે સંશોધન અને વિકાસ, સંક્રાંતિ સંશોધન અને વાદળી-આકાશ પ્રોજેક્ટ્સનું સંચાલન કરવા માટે ઇનોવેટિવ સંશોધન; હર્બલ અર્ક માટે સ્કેલેબલ પ્લાન્ટ સેલ ફર્મેન્ટેશનને હેન્ડલ કરવા માટે સસ્ટેનેબલ બાયોમેન્યુફેક્ચરિંગ; ફાયટોકેમિકલ શોધ અને પુનઃઉપયોગ માટે સિલિકો સ્ક્રીનીંગમાં ટેકનોલોજી-સંચાલિત ઉકેલો; લુપ્તપ્રાય ઔષધીય પ્રજાતિઓના ક્ષેત્ર ખેતી માટે સોમેટિક ગર્ભ અને છોડ સામગ્રીના ઉત્પાદનમાં સંરક્ષણ પ્રયાસો; અને નવીનતાને આગળ વધારવા માટે હેકાથોન તેમજ એક્સિલરેટર પ્રોગ્રામ્સને ટેકો આપવા માટે ઇકોસિસ્ટમ જોડાણ હર્બલાઇફ ઇન્ડિયાના મેનેજિંગ ડિરેક્ટર શ્રી અજય ખન્નાએ જણાવ્યું હતુ કે, “હર્બલાઇફ એવી નવીનતા માટે પ્રતિબદ્ધ છે જેટકાઉતામાં યોગદાન આપે છે. અમારી આઇઆઇટી મદ્રાસ સાથેની ચાલુ વર્ષે ફરી એક વારની ભાગીદારી, ન્યૂટ્રાસ્યુટિકલ અને વેલનેસ ક્ષેત્રોને પ્રસ્થાપિત કરવા તરફનો પ્રયત્ન છે. આઇઆઇટી મદ્રાસ ખાતેની હર્બલાઇફ પ્લાન્ટ સેલ ફર્મેન્ટેશન ટેકનોલોજી લેબ નવીનતા, ક્ષમતા નિર્ધારણા અને ઉદ્યોગના વેલનેસ ક્ષેત્રમાં યોગદાન વધારવા તરફેનું ઉત્પ્રેરક હશે. ભારતની Bio-E3 નીતિ (2024) અને નેશનલ બાયોટેકનોલોજી ડેવલપમેન્ટ સ્ટ્રેટેજી (2022-25) સાથે સંરેખિત છે, આ પહેલ ભારતને બાયોઉત્પાદન ક્ષેત્રે અગ્રણી તરીકે સ્થિત કરશે તેની સાથે વડાપ્રધાનના આત્મનિર્ભર ભારતના સ્વપ્નમાં પણ યોગદાન આપશે.