ટીવીના સૌથી લોકપ્રિય રિયાલિટી શો ‘બિગ બોસ’ની15મી સીઝનનો વિજેતાઆખરે મળી ગયો છે. પ્રેક્ષકો જેની રાહ જોઈ રહ્યા હતા તે ક્ષણ આખરે આવી ગઈ. હા, તેજસ્વી પ્રકાશને દર્શકોએ સૌથી વધુ વોટ આપ્યા અને તેને ‘બિગ બોસ 15’ની વિજેતા બનાવી છે.તમને જણાવી દઈએ કે, 30 જાન્યુઆરીએ ‘બિગ બોસ 15’નો ગ્રાન્ડ ફિનાલે હતો, જ્યાં શોના 5 ફાઇનલિસ્ટ સ્પર્ધકો કરણ કુન્દ્રા, તેજસ્વી પ્રકાશ, નિશાંત ભટ્ટ, શમિતા શેટ્ટી અને પ્રતિક સહજપાલ વચ્ચે હરીફાઈ હતી. . સૌથી પહેલા તો નિશાંત શોમાં 10 લાખની ઈનામી રકમ લઈને શોમાંથી બહાર નીકળી ગયો હતો. જે બાદ શમિતા શેટ્ટી ટોપ-3માંથી બહાર થઈ ગઈ હતી.સીઝન 15ને રસપ્રદ બનાવવા માટે, સીઝન 4ની વિજેતા શ્વેતા તિવારી, સીઝન 8ની વિજેતા ગૌતમ ગુલાટી, સીઝન 6ની વિજેતા ઉર્વશી ધોળકિયા, સીઝન 7ની વિજેતા ગૌહર ખાન અને સીઝન 14ની વિજેતા રૂબીના દિલેકને ગ્રાન્ડ ફિનાલેમાં સામેલ કરવામાં આવ્યા હતા.ગ્રાન્ડ ફિનાલેની શરૂઆત સલમાન ખાનના આકર્ષક ડાન્સ સાથે થઈ હતી, જ્યાં તેણે ‘સીટી માર’ ગીત પર પ્રેક્ષકોને અભિભૂત કર્યા હતા.
