SBI Jobs 2024: સ્ટેટ બેંક ઓફ ઈન્ડિયા દ્વારા એક ભરતી નોટિફિકેશન જારી કરવામાં આવી છે. આ નોટિફિકેશન પ્રમાણે બેંકમાં બમ્પર પદો પર ભરતી કરવામાં આવશે. આ ભરતી માટે અરજી પ્રક્રિયા છેલ્લા ઘણા દિવસોથી ચાલી રહી છે. જે હવે ખતમ થવા જઈ રહી છે. આવી સ્થિતિમાં જો ઉમેદવાર બેંકમાં નોકરી કરવા માગે છે તો SBIના આ ભરતી અભિયાન માટે ઝડપથી અરજી કરો. અરજી કરવા માટે ઉમેદવાર સ્ટેટ બેંક ઓફ ઈન્ડિયાની ઓફિશિયલ સાઈટ પર જઈને અરજી કરી શકે છે. સ્ટેટ બેંક ઓફ ઈન્ડિયામાં આ ભરતી દ્વારા 1100થી વધુ હોદ્દા પર ભરતી કરવામાં આવશે. તેમાં અલગ-અલગ હોદ્દા સામેલ છે. અરજી કરવની શરૂઆત 24 જુલાઈથી શરૂ થઈ ગઈ હતી જ્યારે હવે અરજી કરવાની છેલ્લી તારીખ 14 ઓગષ્ટ 2024 નક્કી કરવામાં આવી છે.આ ભરતી અભિયાન દ્વારા બેંકમાં વીપી વેલ્થ રેગ્યુલરના 600 જગ્યા, રિલેશનશિપ મેનેજર એઆરએમ રેગ્યુલરની 150 જગ્યાઓ, રિલેશનશિપ મેનેજર એઆરએમ બેકલોગની 123 જગ્યાઓ, વીપી વેલ્થ બેકલોગની 43 જગ્યાઓ, ઈન્વેસ્ટમેન્ટ એક્સપર્ટ રેગ્યુલરની 30 જગ્યાઓ, ઈન્વેસ્ટમેન્ટ ઓફિસર બેકલોગની 26 જગ્યા, ઈન્વેસ્ટમેન્ટ ઓફિસર રેગ્યુલરની 23 જગ્યાઓ, રિલેશનશિપ મેનેજર-ટીમ લીડ રેગ્યુલરની 11 જગ્યાઓ પર ભરતી કરવામાં આવશે.આ ઉપરાંત આ ભરતી અભિયાનમાં રીજનલ હેડ બેકલોગની 4 જગ્યાઓ, રીજનલ હેડ રેગ્યુલરની 2 જગ્યાઓ, સેન્ટ્રલ રિસર્ચ ટીમ (પ્રોજેક્ટ લીડ) રેગ્યુલર, સેન્ટ્રલ રિસર્ચ ટીમ (સપોર્ટ) રેગ્યુલર અને પ્રોજેક્ટ ડેવલપમેન્ટ મેનેજર (બિઝનેસ) રેગ્યુલરની 2-2 જગ્યાઓ પર ભરતી કરવામાં આવશે. આ સાથે જ આ અભિયાનમાં પ્રોજેક્ટ ડેવલપમેન્ટ મેનેજર (ટેક્નોલોજી) રેગ્યુલરના 1 હોદ્દા પર ભરતી કરવામાં આવશે. આ ભરતી અભિયાન માટે અરજી કરનારા ઉમેદવારોએ અરજી ફી ચૂકવવી પડશે. અરજી કરનારા જનરલ/ EWS / OBC વર્ગના ઉમેદવારોએ 750 રૂપિયા ફી ચૂકવવી પડશે. બીજી તરફ SC, ST અને દિવ્યાંગ ઉમેદવારોને અરજી ફી માંથી છૂટ આપવામાં આવી છે. વધુ વિગતો માટે ઉમેદવાર ઓફિશિયલ સાઈટની મદદ લઈ શકે છે.
SBI Bank Jobs 2024: જરૂરી તારીખ :
- ભરતી માટે અરજી પ્રક્રિયા શરૂ થવાની તારીખ: 24 જુલાઈ 2024
- ભરતી માટે અરજી પ્રક્રિયાની છેલ્લી તારીખ: 14 ઓગષ્ટ 2024